କର୍ଣ୍ଣାଟକ-ଗୁଜୁରାଟ ପରେ ଏବେ ଏହି ରାଜ୍ୟରେ ସାମ୍ନାକୁ ଆସିଲା HMPV ଭାଇରସର ୨ ନୂଆ ମାମଲା 

ଚେନ୍ନାଇ,୬l୧: ହ୍ୟୁମାନ ମେଟା ନିୟୁମୋ ଭାଇରସ (HMPV)ଚୀନରେ ଭୟାନକ ରୂପ ନେଇ ସାରିଛି l ଏହି ଭାଇରସକୁ ନେଇ ଦେଶରେ ଜରୁରୀକାଳୀନ ପରିସ୍ଥିତି ସୃଷ୍ଟି ହୋଇଛି l ଭାରତରେ ମଧ୍ୟ ଏହି ଭାଇରସ ଜନିତ ମାମଲା ସାମ୍ନାକୁ ଆସିଛି l ଭାରତର କର୍ଣ୍ଣାଟକରୁ ୨ଟି ଏବଂ ଗୁଜୁରାଟରୁ ଗୋଟିଏ ମାମଲା ସାମ୍ନାକୁ ଆସିଛି l ସୋମବାର ଚେନ୍ନାଇରୁ ଆଉ ୨ ମାମଲା ସାମ୍ନାକୁ ଆସିବା ପରେ ଦେଶରେ ମୋଟ ୫ଟି ମାମଲା ଚିହ୍ନଟ ହୋଇଛି l

ପିଟିଆଇ ରିପୋର୍ଟ ଅନୁଯାୟୀ, ତାମିଲନାଡୁର ଚେନ୍ନାଇ ସହରରେ ଦୁଇଟି ହସ୍ପିଟାଲରେ ପୃଥକ ୨ଟି ମାମଲା ସାମ୍ନାକୁ ଆସିଛି l ତେବେ ଏହାକୁ ନେଇ କୌଣସି ଯାଞ୍ଚ ସାମ୍ନାକୁ ଆସିନାହିଁ l

ଏହି ସମୟରେ, ରାଜ୍ୟ ସ୍ୱାସ୍ଥ୍ୟ ବିଭାଗର ଅଧିକାରୀମାନେ ଏକ ବୈଠକ କରି ଏଚଏମପିଭିର ଯାଞ୍ଚ କରିବା ପାଇଁ ପଦକ୍ଷେପ ନିଆଯିବ ଏବଂ ଏହାର ସଂକ୍ରମଣକୁ ରୋକିବା ପାଇଁ ପଦକ୍ଷେପ ନିଆଯିବ ବୋଲି କହିଛନ୍ତି l