ଉତ୍ତରପ୍ରଦେଶରେ ୧୦୦ ଟି ସିଟ୍ ପ୍ରତିଦ୍ୱନ୍ଦ୍ୱିତା କରିବ AIMIM
ବିହାର ବିଧାନସଭା ନିର୍ବାଚନରେ ଭଲ ପ୍ରଦର୍ଶନ କରିବା ପରେ ଏଆଇଏମଆଇଏମ ଏବେ ଉତ୍ତର ପ୍ରଦେଶରେ ନିର୍ବାଚନ ଲଢ଼ିବାକୁ ଯାଉଛି । ଦଳ ୨୦୨୨ ବିଧାନସଭା ନିର୍ବାଚନରେ ୧୦୦ ସିଟ୍ ପାଇଁ ଏହାର ପ୍ରାର୍ଥୀ ଛିଡ଼ା କରିବାକୁ ଯାଉଛି ।
ଏଆଇଏମଆଇଏମ ମୁଖ୍ୟ ଅସଦୁଦ୍ଦୀନ ଓବେସି ରବିବାର କହିଛନ୍ତି ତାଙ୍କ ଦଳ ଉତ୍ତର ପ୍ରଦେଶରେ ଓମ ପ୍ରକାଶ ରାଜଭରଙ୍କ ନେତୃତ୍ୱାଧୀନ ଏସବିଏସପି ଏବଂ ଅନ୍ୟ କିଛି ଦଳଙ୍କ ସହ ମିଶି ନିର୍ବାଚନ ଲଢ଼ିବ । ସେ ଏହା ମଧ୍ୟ କହିଛନ୍ତି ଯେ ଦଳ ୧୦୦ ସିଟ୍ ପାଇଁ ପ୍ରାର୍ଥୀ ମଧ୍ୟ ଛିଡ଼ା କରିବ । ତେବେ ଏଆଇଏମଆଇଏମ ର ଏହି ନିଷ୍ପତି ପରେ ସମାଜବାଦୀ ପାର୍ଟି, ବହୁଜନ ସମାଜ ପାର୍ଟି ଏବଂ କଂଗ୍ରେସ ପାଇଁ ଚିନ୍ତାର କାରଣ ପାଲଟିପାରେ ।
ଏନେଇ ସେ ଏକ ଟ୍ୱିଟ୍ କରି କହିଛନ୍ତି ତାଙ୍କ ଦଳ ୨୦୨୨ରେ ଉତ୍ତର ପ୍ରଦେଶ ନିର୍ବାଚନ ଲଢିବାକୁ ଯାଉଛି ।
उ.प्र. चुनाव को लेकर मैं कुछ बातें आपके सामने रख देना चाहता हूँ:-
1) हमने फैसला लिया है कि हम 100 सीटों पर अपना उम्मीदवार खड़ा करेंगे, पार्टी ने उम्मीदवारों को चुनने का प्रक्रिया शुरू कर दी है और हमने उम्मीदवार आवेदन पत्र भी जारी कर दिया है।1/2
— Asaduddin Owaisi (@asadowaisi) June 27, 2021
ସୂଚନାଯୋଗ୍ୟ ଆସନ୍ତା ବର୍ଷ ଉତ୍ତରପ୍ରଦେଶରେ ବିଧାନସଭା ନିର୍ବାଚନ ହେବ। ଗତ ବର୍ଷ ଓବେସିଙ୍କ ଦଳ ବିହାରର ୨୦ ଟି ଆସନରେ ପ୍ରାର୍ଥୀ କରିଥିଲା। ସୀମାଞ୍ଚଳ ଅଞ୍ଚଳରେ ତାଙ୍କ ଦଳର ପାଞ୍ଚ ଜଣ ପ୍ରାର୍ଥୀ ଜିତିବା ବିଧାନସଭାକୁ ନିର୍ବାଚିତ ହୋଇଥିଲେ ।
