୫୦୦ ନୂତନ ବିମାନ କିଣିବାକୁ ଡିଲ୍ ଫାଇନାଲ କଲା ଏୟାର ଇଣ୍ଡିଆ: ରିପୋର୍ଟ
ନୂଆଦିଲ୍ଲୀ: ବିମାନ କିଣା ବିକା ଇତିହାସରେ ସବୁଠୁ ବଡ଼ ଚୁକ୍ତି କରିଛି ଏୟାର ଇଣ୍ଡିଆ। ୧୦୦ ଆରବ ଡଲାରରୁ ଅଧିକ ମୂଲ୍ୟରେ ପ୍ରାୟ ୫୦୦ ନୂତନ ବିମାନ କିଣିବାକୁ ଡିଲ୍ ଫାଇନାଲ କରିଛି। ଏହା କୌଣସି ଏୟାର ଲାଇନ୍ ଦ୍ୱରା କରାଯାଇଥିବା ସବୁଠୁ ବଡ଼ ଡିଲ୍। ରଏଟର୍ସ ପକ୍ଷରୁ ଗତ ଡିସେମ୍ବର ମାସରେ ପ୍ରଥମେ ଏହି ଖବର ପ୍ରକାଶ ପାଇଥିଲା। ଏହି ଚୁକ୍ତ ଫ୍ରାନ୍ସର ଏୟାରବସ୍ ଏବଂ ଏହାର ପ୍ରତିଦ୍ୱନ୍ଦୀ ବୋଇଂ ମଧ୍ୟରେ ସମାନ ଭାବେ ବିଭାଜିତ ହୋଇଛି। ସୁତ୍ରରୁ ମିଳିଥିବା ସୂଚନା ଅନୁଯାୟୀ ଆଗାମୀ ସପ୍ତାହରେ ଏହି ଡିଲ୍ର ଘୋଷଣା ହେବ।
ଏୟାର ଇଣ୍ଡିଆ ୨୫୦ ଏୟାରବସ୍ କିଣିବାକୁ ରାଜି ହୋଇଥିବା ଜଣାପଡିଛି। ଏଗୁଡିକ ୨୧୦ ସିଙ୍ଗଲ୍ ଆଇଲ୍ ଏ୩୨୦ଦ୍ଭରକ୍ଟଗ୍ଦ ଏବଂ ୪୦ ୱାଇଡବୋଡ୍ ଇ୩୫୦ ମଧ୍ୟରେ ବିଭକ୍ତ। ଏଥି ସହିତ, ୨୨୦ ବୋଇଙ୍ଗ ବିମାନରେ ୭୩୭ ଗଇଢ ସଂକୀର୍ଣ୍ଣ ଜେଟର ୧୯୦ ବିମାନ, ୭୮୭ ୱାଇଡବୋଡର ୨୦ ଟି ବିମାନ ଏବଂ ୭୭୭ଢ ର ୧୦ ଟି ବିମାନ ସାମିଲ।
ସୁତ୍ରରୁ ରଏଟର୍ସକୁ ମିଳିଥିବା ଖବର ଅନୁଯାୟୀ ଏୟାରବସ୍ ଏବଂ ଏୟାର ଇଣ୍ଡିଆ ଶୁକ୍ରବାର ଏହି ଚୁକ୍ତି ସ୍ୱାକ୍ଷରିତ କରିଛନ୍ତି। ଏହାପୁର୍ବରୁ ଜାନୁଆରୀ ୨୭ରେ ବୋଇଂ ସହିତ ଚୁକ୍ତି ହୋଇସାରିଛି। ଟାଟା ଏୟାର ଇଣ୍ଡିଆ କିଣିବାର ଏକ ବର୍ଷ ପରେ ଏହି ନିଷ୍ପତି ହୋଇଛି। ଏହି ବିଷୟ ଉପରେ ଏୟାର ବସ୍ କୌଣସି ମନ୍ତବ୍ୟ ଦେବାକୁ ମନା କରି ଦେଇଥିଲା ବେଳେ ଏୟାର ଇଣ୍ଡିଆ ପକ୍ଷରୁ କୌଣସି ପ୍ରତିକ୍ରିୟା ମିଳିପାରି ନାହିଁ।
୨୭ ଜାନୁଆରୀରେ କର୍ମଚାରିମାନଙ୍କୁ ଏୟାର ଲାଇନ୍ ଏକ ନୋଟ୍ରେ କହିଥିଲା ଯେ, ଖୁବଶୀଘ୍ର କମ୍ପାନୀ ନୂତନ ବିମାନ କିଣିବା ପାଇଁ ଏକ ଚୁକ୍ତି କରିବାକୁ ଯାଉଛି। ଏହି ଆଦେଶରେ ଏୟାର ଇଣ୍ଡିଆର ରଣନୀତି ପ୍ରତିଫଳିତ ହୋଇଛି ଏବଂ ଏହାର ପୁରୁଣା ଜାହାଜକୁ ଆଧୁନିକୀକରଣ କରିବା ଏବଂ ଭାରତର ବୃହତ ବିଦେଶୀ ଡାଏସପୋରା ଏବଂ ଦିଲ୍ଲୀ ଏବଂ ମୁମ୍ବାଇ ଭଳି ସହର ମଧ୍ୟରେ ଭ୍ରମଣର ଏକ ଦୃଢ଼ ଅଂଶ ପୁନଃପ୍ରାପ୍ତ କରିବା ପାଇଁ ଅଟେ। ବତ୍ର୍ତମାନ ଗଲ୍ଫ ପ୍ରତିଦ୍ୱନ୍ଦ୍ୱୀମାନେ ଏଥିରେ ପ୍ରାଧାନ୍ୟ ବିସ୍ତାର କରିଛନ୍ତି।