ପ୍ରଦୂଷଣ ଯୋଗୁଁ ଆଖିରେ ହେଉଛି ଏହି ଦୁଇଟି ରୋଗ: ଏହିସବୁ ଲକ୍ଷଣଗୁଡ଼ିକୁ କରନ୍ତୁନି ଅଣଦେଖା

ବାୟୁ ପ୍ରଦୂଷଣ କେବଳ ଆପଣଙ୍କ ଫୁସଫୁସ ପାଇଁ କ୍ଷତିକାରକ ନୁହେଁ ବରଂ ଏହା ଆପଣଙ୍କ ଆଖିକୁ ମଧ୍ୟ କ୍ଷତି ପହଞ୍ଚାଉଛି । ଦିଲ୍ଲୀ-ଏନସିଆରର ପ୍ରାୟ ସମସ୍ତ ସହରରେ ବାୟୁ ଅତ୍ୟନ୍ତ ଖରାପ ଶ୍ରେଣୀରେ ପହଞ୍ଚିଛି ଏବଂ ଧୂଆଁ ଯୋଗୁଁ ଆଖିରେ ଅନେକ ପ୍ରକାରର ସମସ୍ୟା ଉପୁଜିଛି ।

ପ୍ରଦୂଷଣ ଏବଂ ବିଶେଷକରି ଧୂଆଁ ଆଖି ପାଇଁ ଅସୁବିଧାର କାରଣ ପାଲଟିଛି, କିନ୍ତୁ ଡାକ୍ତରଖାନାକୁ ଆସୁଥିବା ରୋଗୀଙ୍କ ମଧ୍ୟରେ ଦୁଇଟି ରୋଗ ଅଧିକ ଦେଖାଯାଏ । ଏଗୁଡ଼ିକ ହେଉଛି କନଜୁଣ୍ଟିଭାଇଟିସ୍ ଏବଂ ଅସ୍ପଷ୍ଟ ଦୃଶ୍ୟ ।

ସ୍ୱାସ୍ଥ୍ୟ ବିଶେଷଜ୍ଞଙ୍କ ମତରେ, କେବଳ ପ୍ରଦୂଷଣ ନୁହେଁ ସାଧାରଣତଃ ଶୀତ ଋତୁରେ ଚକ୍ଷୁ ଯତ୍ନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ, ବିଶେଷକରି କର୍ଣ୍ଣିଆ ଯାହା ଆଖିର ଅତ୍ୟନ୍ତ ସମ୍ବେଦନଶୀଳ ଅଂଶ ଏବଂ କେବଳ ଏକ ପତଳା ସ୍ତର ଦ୍ୱାରା ସୁରକ୍ଷିତ ହୋଇଥାଏ । କିନ୍ତୁ ଥଣ୍ଡା ସହିତ ପ୍ରଦୂଷଣ ମଧ୍ୟ ବଢ଼ୁଛି ତେଣୁ ଆଖିର ବିଶେଷ ସୁରକ୍ଷା ଆବଶ୍ୟକ । ପ୍ରଦୂଷିତ ବାୟୁରେ ଦୀର୍ଘ ସମୟ ଧରି ରହିବା ଦ୍ୱାରା ଆପଣଙ୍କ ଆଖିର ହେଲଥ୍ ଏବଂ ଦୃଷ୍ଟି ଶକ୍ତି ମଧ୍ୟ ନଷ୍ଟ ହୋଇପାରେ । ଅଙ୍ଗାରକାମ୍ଳ, ନାଇଟ୍ରୋଜେନ୍ ଅକ୍ସାଇଡ୍ ଏବଂ କଣିକା ପଦାର୍ଥ ପରି କ୍ଷତିକାରକ ବାୟୁ ପ୍ରଦୂଷକ ଜ୍ୱଳନ ଏବଂ ଫୁଲା ସୃଷ୍ଟି କରେ ।

ଏହି ଲକ୍ଷଣଗୁଡ଼ିକୁ ଅଣଦେଖା କରନ୍ତୁ ନାହିଁ :-
ୟଥର୍ଥ ସୁପର ସ୍ପେସିଆଲିଟି ହସ୍ପିଟାଲର ଚକ୍ଷୁ ବିଭାଗର ବରିଷ୍ଠ ପରାମର୍ଶଦାତା ଡକ୍ଟର ପ୍ରତାପ ଆନନ୍ଦ କହିଛନ୍ତି ଯେ, ପ୍ରଦୂଷଣ ଅନେକ ପ୍ରକାରର ଆଖି ସମସ୍ୟା ସୃଷ୍ଟି କରିଥାଏ । ଯଦି ଏହାର ଲକ୍ଷଣ ଦୃଶ୍ୟମାନ ହୁଏ, ତେବେ ସେଗୁଡ଼ିକୁ ଅଣଦେଖା କରନ୍ତୁ ନାହିଁ, ବରଂ ଯଥାଶୀଘ୍ର ଡାକ୍ତରଖାନାରେ ପହଞ୍ଚନ୍ତୁ ଏବଂ ଡାକ୍ତରଙ୍କ ସହିତ ପରାମର୍ଶ କରନ୍ତୁ । ଏହି ଲକ୍ଷଣଗୁଡ଼ିକ ହେଉଛି ଆଖିରେ ଶୁଷ୍କତା, ଆଖିରେ ଆଲର୍ଜି, ଆଖିାରେ କୁଣ୍ଡାଇ ହେବା , ଆଖି ପତା ଲାଲ୍ ହେବା, ଆଖିରୁ ଧଳା ରଙ୍ଗର ପଦାର୍ଥ ନିର୍ଗତ ହେବା, ଆଖିପତା ଫୁଲିଯିବା କିମ୍ବା ଦୃଷ୍ଟିଶକ୍ତି ଅସ୍ପଷ୍ଟ ଦେଖାଗଲେ ତେବେ ଏହି ଲକ୍ଷଣଗୁଡ଼ିକୁ ଅଣଦେଖା ନକରି ବିଶେଷଜ୍ଞଙ୍କ ପାଖକୁ ଯାଅ । ଏହି ସବୁ ଆଖି ରୋଗର ଲକ୍ଷଣ ।

ପ୍ରଦୂଷଣ ସମୟରେ ଏହି ଚାରୋଟି ପଦକ୍ଷେପ ଗ୍ରହଣ କରନ୍ତୁ :-

ଆଖିକୁ ସଫା କର-
ଯଦି ଆପଣ ପ୍ରଦୂଷିତ ଅଞ୍ଚଳରେ ରହୁଛନ୍ତି, ତେବେ ପ୍ରତିଦିନ ଅନେକ ଥର ଶୁଦ୍ଧ ପାଣିରେ ଆଖି ଧୋଇ ଦିଅନ୍ତୁ । ମଇଳା ଧୋଇବା ଏବଂ ଆଖିକୁ ଆର୍ଦ୍ର ରଖିବା ପାଇଁ ଆର୍ଟିଫିସିଆଲ ଟିୟର୍ସ ଟପ୍ସ ବ୍ୟବହାର କରନ୍ତୁ ।

ଚଷମା ପିନ୍ଧନ୍ତୁ-
ଯେତେବେଳେ ବି ଆପଣ ଘରୁ ବାହାରକୁ ଯାଆନ୍ତି, ସେବେ ଚାରିଆଡେ ଉଡୁଥିବା କ୍ଷତିକାରକ କଣିବାରୁ ଆଖିରୁ ବଞ୍ଚାଇବା ପାଇଁ ଚଷମା ପିନ୍ଧନ୍ତୁ ।

ପାଣି ପିଅନ୍ତୁ-
ପ୍ରଦୂଷଣରୁ ରକ୍ଷା ପାଇବା ପାଇଁ ହାଇଡ୍ରେଟେଡ୍ ରୁହନ୍ତୁ । ଏହା ଆପଣଙ୍କ ଆଖି ସହିତ ସମଗ୍ର ଶରୀର ପାଇଁ ଭଲ । ତେଣୁ ପ୍ରଚୁର ପାଣି ପିଅନ୍ତୁ । ଯଦି ଆପଣ ବାହାରକୁ ଯାଉଛନ୍ତି, ନିଜ ସହିତ ପାଣି ବୋତଲ ରଖନ୍ତୁ ।

ଆପଣ ବାହାରକୁ ଯିବା ସମୟ ସୀମିତ କରନ୍ତୁ –
ଯଦି ବାୟୁ ପ୍ରଦୂଷିତ ହୁଏ ତେବେ ଅଧିକ ବାହାରକୁ ଯାଆନ୍ତୁ ନାହିଁ, ବିଶେଷ କରି ସକାଳ କିମ୍ବା ସନ୍ଧ୍ୟାରେ । ଯେତେବେଳେ ସମ୍ଭବ ସ୍ୱଚ୍ଛ ପବନ ଥିବା ସ୍ଥାନଗୁଡିକୁ ଯାଆନ୍ତୁ ।