ପୁରୀ ବେଳାଭୂମିରେ ମିଳିବନି ମଦ, ଅବକାରୀ ନୀତିରେ ପରିବର୍ତ୍ତନ ଆଣିଲେ ସରକାର

ପୁରୀ: ଅବକାରୀ ନୀତିରେ ପରିବର୍ତ୍ତନ ଆଣିଲେ ରାଜ୍ୟ ସରକାର। ଏଣିକି ପୁରୀ ବେଳାଭୂମିରେ ମିଳିବନି ମଦ। ବେଳାଭୂମିରେ ମଦ ପାଇଁ ଲାଇସେନ୍ସ ମିଳିବନି। ଧର୍ମାନୁଷ୍ଠାନର ୫ କିମି ଭିତରେ ଖୋଲିବନି ମଦ ଦୋକାନ। ଅନେକ ସମୟରେ ଏହି ମଦକୁ ନେଇ ବିବାଦ ଦେଖିବାକୁ ମିଳିଛି। ତେବେ ଏ ନେଇ ରାଜ୍ୟ ସରକାର କିଛି ପୂର୍ବରୁ ଥିବା ଅବକାରୀ ନୀତିରେ ପରିବର୍ତ୍ତନ ଆଣିଛନ୍ତି। ବାହାରୁ ଆସୁଥିବା ପର୍ଯ୍ୟଟକ ବେଳାଭୂମିରେ ସମୟ ବିତାଇଥାଆନ୍ତି, ଏହିମାନଙ୍କ ସୁରକ୍ଷାକୁ ଦୃଷ୍ଟିରେ ରଖି ଏଭଳି ପଦକ୍ଷେପ ନିଆଯାଇଛି।