ସାବଧାନ୍ ! ଟ୍ରେନ କି ଫ୍ଲାଇଟରେ ସିଗାରେଟ୍ ଟାଣିଲେ ହୋଇପାରେ ଜେଲ୍
ନୂଆଦିଲ୍ଲୀ: ଯଦି ଆପଣଙ୍କର ସିଗାରେଟ୍ ଟାଣିବାର ଅଭ୍ୟାସ ଅଛି, ତେବେ ବର୍ତ୍ତମାନ ଏହି ଅଭ୍ୟାସ ଆପଣଙ୍କ ପାଇଁ ମହଙ୍ଗା ପଡ଼ିପାରେ । ନିକଟରେ ଜଣେ ବ୍ୟକ୍ତି ବିମାନରେ ସିଗାରେଟ ଟାଣୁଥିବା ଦେଖିବାକୁ ମିଳିଥିଲା । ବିମାନଟି ଟେକ୍ ଅଫ୍ ହେବା ମାତ୍ରେ ତାଙ୍କୁ ତୁରନ୍ତ ଗିରଫ କରାଯାଇଥିଲା । ଯେତେବେଳେ ବ୍ୟକ୍ତିଙ୍କୁ ପଚରାଗଲା ସେ ଉଡ଼ାଣରେ କାହିଁକି ଧୂମପାନ କଲେ? ତେଣୁ ଏହାର ଜବାବରେ ସେ କହିଥିଲେ ଯେ ସେ ପ୍ରଥମ ଥର ପାଇଁ ବିମାନରେ ଯାତ୍ରା କରୁଥିଲେ, ତେଣୁ ତାଙ୍କୁ ଲାଗିଲା କି ଫ୍ଲାଇଟରେ ଏହାକୁ ପିଇପାରିବେ । କାରଣ ସେ ପ୍ରାୟତଃ ଟ୍ରେନରେ ଧୂମପାନ କରୁଥିଲେ ।
ଯଦି ଆପଣ ଟ୍ରେନ୍ କିମ୍ବା ବିମାନରେ ସିଗାରେଟ୍ କିମ୍ବା ବିଡି ପିଅନ୍ତିି, ତେବେ ବର୍ତ୍ତମାନ ଏହା ଆପଣଙ୍କ ଉପରେ ମହଙ୍ଗା ହୋଇପାରେ । ଏଥିପାଇଁ ଅନେକ ବିଭାଗ ଅଧୀନରେ ଆପଣଙ୍କ ବିରୋଧରେ ଏକ ମାମଲା ମଧ୍ୟ ଦାଖଲ କରାଯାଇପାରେ । ଯେଉଁଥିପାଇଁ ଜେଲଠାରୁ ଜରିମାନା ପର୍ଯ୍ୟନ୍ତ ଦଣ୍ଡ ରହିଛି ।
ଧୂମପାନ ପାଇଁ ଏହା ହେଉଛି ନିୟମ :-
ଯଦି ଆପଣ ବିମାନରେ ସିଗାରେଟ୍ କିମ୍ବା ବିଡି ଟାଣୁଥିବାର ଦେଖିବାକୁ ମିଳେ, ତେବେ ଭାରତୀୟ ବିମାନ ନିୟମ ୧୯୩୭ ଅନୁଯାୟୀ ଆପଣଙ୍କୁ ବିମାନରୁ ଓହ୍ଲାଇ ଦିଆଯାଇପାରେ । ଏଥିପାଇଁ ଆପଣଙ୍କୁ ଜେଲ ଦଣ୍ଡ ମଧ୍ୟ ହୋଇପାରେ । ଏଥି ସହିତ, ଉଡ଼ାଣରେ ଧୂମପାନ କରିବା ଆପଣଙ୍କୁ ୩ ମାସରୁ ୨ ବର୍ଷ ପର୍ଯ୍ୟନ୍ତ ‘ନୋ ଫ୍ଲାଇଟ୍’ ତାଲିକାରେ ରଖାଯାଇପାରେ । ଅର୍ଥାତ୍ ଏହି ସମୟ ମଧ୍ୟରେ ଆପଣ ବିମାନରେ ଯାତ୍ରା କରିବା ପାଇଁ ବ୍ଲାକ୍ ଲିଷ୍ଟରେ ରହିବେ ।
ଉଲ୍ଲେଖଥାଉ କି, ଟ୍ରେନରେ ଅନେକ ପ୍ରକାରର ସାମଗ୍ରୀ ନେବା ନିଷେଧ । କିନ୍ତୁ ଯଦି ଆପଣ ଟ୍ରେନରେ ସିଗାରେଟ୍ ଟାଣୁଥିବାର ଦେଖିବାକୁ ମିଳେ, ତେବେ ରେଳ ଆଇନର ଧାରା ୧୬୭ ଅନୁଯାୟୀ ଆପଣଙ୍କୁ ୧୦୦ ରୁ ୫୦୦ ଟଙ୍କା ପର୍ଯ୍ୟନ୍ତ ଜରିମାନା ଆଦାୟ କରାଯାଇପାରେ । ଯଦି ଆପଣ ବିମାନ, ଟ୍ରେନ୍ କିମ୍ବା ବସରେ ସର୍ବସାଧାରଣ ସ୍ଥାନରେ ମଧ୍ୟ ସିଗାରେଟ୍ ଟାଣନ୍ତି, ତେବେ ଆପଣ ଆପଣଙ୍କ ଚାରିପାଖରେ ଥିବା ଯାତ୍ରୀମାନଙ୍କୁ ଅସୁବିଧାରେ ପକାନ୍ତି । ଏଥିପାଇଁ ସବୁ ସ୍ଥାନରେ ଅଲଗା ଧୂମପାନ ଜୋନ୍ ଅଛି । ଯଦି ଆପଣଙ୍କୁ ସିଗାରେଟ୍ ଟାଣିବାକୁ ପଡିବ ତେବେ ଆପଣ ସେଠାକୁ ଯାଇପାରିବେ ।
