‘ପୁଷ୍ପା-୨’ର ପ୍ରଶଂସକଙ୍କ ପାଇଁ ଖୁସି ଖବର, ଏହି ଦିନଠାରୁ ଆରମ୍ଭ ହେଉଛି ଆଗୁଆ ବୁକିଂ
ମୁମ୍ୱାଇ: ଅଲ୍ଲୁ ଅର୍ଜୁନ ଏବଂ ରଶ୍ମିକା ମନ୍ଦାନାଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ପୁଷ୍ପା ୨’ ଡିସେମ୍ବର ୫ରେ ପ୍ରେକ୍ଷାଳୟକୁ ଆସିବାକୁ ଯାଉଛି। କିନ୍ତୁ ଫିଲ୍ମର ଆଡଭାନ୍ସ ବୁକିଂ ଚଳିତ ମାସ ଶେଷରେ ଆରମ୍ଭ ହେବ । ନଭେମ୍ବର ୩୦ରୁ ଆପଣ ଏହାକୁ ଆଗୁଆ ବୁକିଂ କରିପାରିବେ । ପ୍ରଶଂସକମାନେ ଫିଲ୍ମର ଆଡଭାନ୍ସ ବୁକିଂକୁ ଉତ୍ସୁକତାର ସହ ଅପେକ୍ଷା କରିଥିଲେ । ରିଲିଜ୍ ପୂର୍ବରୁ ହିଁ ଏହି ଫିଲ୍ମ କୋଟି କୋଟି ଟଙ୍କା ଆୟ କରିବ ବୋଲି ଅନୁମାନ କରାଯାଉଛି।
ଏବେ ଆଗୁଆ ବୁକିଂ ଆରମ୍ଭ ହେବା ପରେ ରିଲିଜ ପୂର୍ବରୁ ଫିଲ୍ମର ରୋଜଗାର କେଉଁଠି ପହଞ୍ଚିବ ତାହା ଦେଖିବା ରୋଚକ ହେବ । ପୁଷ୍ପା ୨: ଦ ରୁଲ୍ ଚଳିତ ବର୍ଷର ବହୁ ପ୍ରତୀକ୍ଷିତ ଚଳଚ୍ଚିତ୍ର ମଧ୍ୟରୁ ଅନ୍ୟତମ । ପାଟନାରେ ଏକ ଭବ୍ୟ କାର୍ଯ୍ୟକ୍ରମ ରେ ଏହାର ବିସ୍ଫୋରକ ଟ୍ରେଲର ଲଞ୍ଚ ହୋଇଥିଲା, ଯାହା ପ୍ରଶଂସକଙ୍କ ଉତ୍ସାହକୁ ଆହୁରି ବଢାଇଦେଇଥିଲା । ଏହାର ରିଲିଜ୍ କୁ ଦର୍ଶକ ଉତ୍ସୁକତାର ସହ ଅପେକ୍ଷା କରିଥିବା ବେଳେ ଇତି ମଧ୍ୟରେ ଏକ ସ୍ୱତନ୍ତ୍ର ଖବର ଆସିଛି ଯେ ନଭେମ୍ବର ୩୦ରୁ ଫିଲ୍ମର ଆଡଭାନ୍ସ ବୁକିଂ ଆରମ୍ଭ ହେଉଛି ।
View this post on Instagram
ପୁଷ୍ପା-୨: ଦ ରୁଲ୍ ର ରିଲିଜ୍ ତାରିଖ ଯେତିକି ପାଖେଇ ଆସୁଛି, ଫିଲ୍ମକୁ ନେଇ ଉତ୍ସାହ ମଧ୍ୟ ବଢିବାରେ ଲାଗିଛି । ନଭେମ୍ବର ୩୦ରୁ ଫିଲ୍ମର ଆଡଭାନ୍ସ ବୁକିଂ ଆରମ୍ଭ ହେବ, ଯାହା କି ପ୍ରଶଂସକଙ୍କ ପାଇଁ ଏକ ସ୍ୱତନ୍ତ୍ର ମୁହୂର୍ତ୍ତ ହେବାକୁ ଯାଉଛି । ପୁଷ୍ପା: ଦ ରୁଲକୁ ନେଇ ଦର୍ଶକଙ୍କ ମଧ୍ୟରେ ପ୍ରବଳ ଉତ୍ସୁକତା ଦେଖି ଆଡଭାନ୍ସ ବୁକିଂ କାଉଣ୍ଟର ଖୋଲିବା ଏହାର ଐତିହାସିକ ରେକର୍ଡ ପ୍ରତିଷ୍ଠା ଆରମ୍ଭ ହେବାର ସଙ୍କେତ ହେବାକୁ ଯାଉଛି । ଡିସେମ୍ବର ୫, ୨୦୨୪ରେ ମୁକ୍ତିଲାଭ କରିବାକୁ ଥିବା ପୁଷ୍ପା-୨: ଦ ରୁଲ୍ ର ନିର୍ଦ୍ଦେଶନା ଦେଇଛନ୍ତି ଜଣାଶୁଣା ନିର୍ଦ୍ଦେଶକ ସୁକୁମାର ଏବଂ ପ୍ରଯୋଜନା କରିଛନ୍ତି ମୈତ୍ରୀ ମୁଭି ମେକର୍ସ। ଫିଲ୍ମର ସଙ୍ଗୀତ ନିର୍ଦ୍ଦେଶନା ଦେଇଛି ଟି-ସିରିଜ ।
