ରେଡ୍ ୱାଇନ୍ ପିଇବା ଦ୍ୱାରା ହୋଇଥାଏ ଏହିସବୁ ଚମତ୍କାରି ଫାଇଦା, ଜାଣିବା ପାଇଁ ପଢ଼ନ୍ତୁ ପୂରା ଖବର
ଓଡ଼ିଶା ଭାସ୍କର ବ୍ୟୁରୋ: ରେଡ୍ ୱାଇନ୍ ହେଉଛି କଳା ଅଙ୍ଗୁରରୁ ତିଆରି ଏକ ଭିନ୍ନ ପ୍ରକାରର ପାନୀୟ । ଭିଟାମିନ୍ ବି ୬, ଆଇରନ୍, ମ୍ୟାଗ୍ନେସିୟମ୍ ବ୍ୟତୀତ ଏଥିରେ ଅନେକ ଜରୁରୀ ଉପାଦାନ ରହିଥାଏ ଯାହା ସ୍ୱାସ୍ଥ୍ୟର ଅନେକ ଉପକାର କରିଥାଏ । ସପ୍ତାହରେ ଥରେ ଏହାକୁ ସୀମିତ ପରିମାଣରେ ସେବନ କରିବା ଦ୍ୱାରା ଶରୀରକୁ ଢ଼େର୍ ଲାଭ ମିଳିଥାଏ । ରେଡ୍ ୱାଇନ୍ କେବଳ ସ୍ୱାସ୍ଥ୍ୟ ପାଇଁ ନୁହେଁ ବରଂ ଚର୍ମ ଏବଂ କେଶ ପାଇଁ ମଧ୍ୟ ବହୁତ ଲାଭଦାୟକ, କିନ୍ତୁ ଏହାକୁ ଅଧିକ ମାତ୍ରାରେ ସେବନ କରିବା ଦ୍ୱାରା କ୍ଷତି ମଧ୍ୟ ହୋଇପାରେ । ତେବେ ଚାଲନ୍ତୁ ଏହାର ସମସ୍ତ ଲାଭ ବିଷୟରେ ଜାଣିବା:
ପାଚନ ଶକ୍ତି ମଜବୁତ୍
ରେଡ୍ ୱାଇନ୍ ସେବନ କରିବା ଦ୍ୱାରା ପାଚନ ଶକ୍ତି ମଜବୁତ୍ ହୋଇଥାଏ । ଏହା ଦ୍ୱାରା ପେଟରେ ଥିବା ବ୍ୟାକ୍ଟେରିୟା ନଷ୍ଟ ହୋଇଯାଆନ୍ତି ।
କର୍କଟ ପ୍ରତିରୋଧ
ଏହାକୁ ନିୟମିତ ପରିମାଣରେ ସେବନ କରିବା ଦ୍ୱାରା ଶରୀରରେ କର୍କଟ କୋଷର ବିକାଶ ହେବାର ସମ୍ଭାବନା ହ୍ରାସ ପାଇଥାଏ ।
ହୃଦୟକୁ ସୁସ୍ଥ ରଖେ
ରେଡ୍ ୱାଇନ୍ ଚର୍ବି, ରକ୍ତ ଜମାଟ ବାନ୍ଧିବା ଏବଂ କୋଲେଷ୍ଟ୍ରଲ୍ର ସମସ୍ୟାକୁ ବହୁ ମାତ୍ରାରେ ହ୍ରାସ କରିଥାଏ । ଯେଉଁଥିପାଇଁ ହୃଦୟ ସୁସ୍ଥ ରହିଥାଏ ।
ମଧୁମେହରୁ ମୁକ୍ତି
ମଧୁମେହ ରୋଗୀଙ୍କ ପାଇଁ ରେଡ୍ ୱାଇନ୍ ବହୁତ ଲାଭଦାୟକ ଅଟେ । ଏହା ରକ୍ତରେ ଶର୍କରା ସ୍ତରକୁ ହ୍ରାସ କରିଥାଏ । ଯାହାଦ୍ୱାରା ମଧୁମେହ ରୋଗୀଙ୍କୁ ଖଉବ୍ ଲାଭ ମିଳିଥାଏ ।
ଓଜନ ହ୍ରାସ
ଏହା ଶରୀରରେ ମେଟାବୋଲିଜିମର ସ୍ତରକୁ ସଂପୂର୍ଣ୍ଣ ଠିକ୍ ରଖେ । ରେଡ୍ ୱାଇନ୍ ରେ ଥିବା ରିଜଭାଟ୍ରୋଲ୍ ଶରୀରରେ ଚର୍ବି କୋଷର ବୃଦ୍ଧିକୁ ରୋକିଥାଏ । ଯେଉଁଥିପାଇଁ ଅତିରିକ୍ତ ଚର୍ବି ଅନେକ ପରିମାଣରେ କମିଯାଏ ।
