ଆମେରିକାରେ ବ୍ୟାଙ୍କ ସଙ୍କଟ: ଫେଲ୍ ମାରିଲା ଫାଷ୍ଟ ରିପବ୍ଲିକ୍ ବ୍ୟାଙ୍କ୍, ଜେପି ମୋର୍ଗାନ କିଣିଲା ସମସ୍ତ ସମ୍ପତ୍ତି
ନୁଆଦିଲ୍ଲୀ: ଆମେରିକାର ଜାରି ରହିଛି ବ୍ୟାଙ୍କ ସଙ୍କଟ। ଏବେ ଆଉ ଏକ ବଡ଼ ବ୍ୟାଙ୍କ ‘ଫାଷ୍ଟ ରିପବ୍ଲିକ୍ ବ୍ୟାଙ୍କ’ରେ ତାଲା ପଡ଼ିଛି। ଆମେରିକାର ବିତୀୟ ପ୍ରାଧିକରଣ ବର୍ତ୍ତମାନ କାର୍ଲିଫନିଆର ଏହି ବ୍ୟାଙ୍କକୁ ଅଧିଗ୍ରହଣ କରି ନେଇଛି । ବ୍ୟାଙ୍କିଙ୍ଗ କାର୍ଯ୍ୟରେ ଅସମର୍ଥ ହେବାରୁ ଏହି କାର୍ଯ୍ୟାନୁଷ୍ଠାନ ନିଆଯାଇଛି ।
ଫେଡେରାଲ ଡିପୋଜିଟ ଇନସୁରାନ୍ସ କର୍ପୋରେସନ ଏକ ବୟାନ୍ରେ କହିଛି ଯେ ଜମାକାରୀଙ୍କ ଟଙ୍କା ରକ୍ଷା କରିବା ପାଇଁ ଏଫଡିଆଇସି ବ୍ୟାଙ୍କ ଜେପି ମୋର୍ଗାନ ଚେଜ ବ୍ୟାଙ୍କ, ନ୍ୟାସନାଲ ଆସୋସିଏସନ, କଲମ୍ବସ, ଓହିଓ ସହିତ ଏହି କ୍ରୟ ଚୁକ୍ତି କରିଛି । ବର୍ତ୍ତମାନ ପ୍ରଥମ ରିପବ୍ଲିକ୍ ବ୍ୟାଙ୍କର ଜମା ଏବଂ ସମ୍ପୁର୍ଣ୍ଣ ସମ୍ପତ୍ତି ସେମାନଙ୍କୁ ହସ୍ତାନ୍ତର କରାଯିବ ।
କାଲିଫର୍ନିଆର ଆର୍ଥିକ ସୁରକ୍ଷା ଏବଂ ଇନୋଭେସନ ବିଭାଗ କହିଛି ଯେ ଜେପି ମୋର୍ଗାନ ବର୍ତ୍ତମାନ ସମସ୍ତ ଜମା ହାସଲ କରିବ ଯାହା ବୀମାଭୁକ୍ତ ନୁହେଁ ଏବଂ ବହୁମୂଲ୍ୟ ସମ୍ପତ୍ତି ଅଟେ। ଫାଷ୍ଟ ରିପବ୍ଲିକ୍ ନିଜର ପୁନରୁଦ୍ଧାର ପାଇଁ ଏକ ପ୍ରଭାବଶାଳୀ ଯୋଜନା ପ୍ରଦାନ କରିବାରେ ଅସମର୍ଥ ହୋଇଥିଲା ଏବଂ ଗତ ସପ୍ତାହରେ ବ୍ୟାଙ୍କ ଘୋଷଣା କରିଥିଲା ଯେ ବ୍ୟାଙ୍କ ପ୍ରଥମ ତ୍ରୈମାସରେ ୧୦୦ ବିଲିୟନ ଡଲାର ଜମା ହରାଇଛି ଯାହା ବ୍ୟାଙ୍କର ଅଂଶଧନକୁ ହ୍ରାସ କରିଛି।
The California Department of Financial Protection and Innovation said it had closed First Republic Bank and agreed a deal to sell its assets to JPMorgan and National Association, in what is the third major US bank to fail in two months https://t.co/kHohXKf1uq pic.twitter.com/DMwbrEzNUJ
— Reuters (@Reuters) May 1, 2023
ଆମେରିକାର ମିଡିଆ ରିପୋର୍ଟ ମୁତାବକ ବ୍ୟାଙ୍କର ଅବସ୍ଥା ଖରାପ ହେବାପରେ କେନ୍ଦ୍ର ସରକାର ଏଫଡିଆଇସି ସହ ଆଲୋଚନା କରିଥିଲେ । ଏଫ୍ଡିଆଇ ହେଉଛି ଏକ ଅନୁଷ୍ଠାନ ଯାହା ଲୋକଙ୍କ ଜମା ଗ୍ୟାରେଣ୍ଟି ଦିଏ । ଏହା ପରେ ଆମେରିକାର ଟ୍ରେଜେରି ବିଭାଗ ଗତ ସପ୍ତାହରେ ୬ ଟି ବ୍ୟାଙ୍କ ସହିତ ଯୋଗାଯୋଗ କରି ଫାଷ୍ଟ ରିପବ୍ଲିକ୍ ବ୍ୟାଙ୍କର ସମ୍ପତ୍ତି ଉପରେ ସେମାନଙ୍କର ଆଗ୍ରହ ବିଷୟରେ ପରାଚି ବୁଝିଥିଲେ।
ତେବେ ଆମେରିକାର ଇତିହାସରେ ଫାଷ୍ଟ ରିପବ୍ଲିକ୍ ବ୍ୟାଙ୍କ ହେଉଛି ଦ୍ୱିତୀୟ ବଡ଼ ବ୍ୟାଙ୍କ । ଏବେ ଯାହାର ସମ୍ପତ୍ତି ବର୍ତ୍ତମାନ ୨୩୩ ବିଲିୟନ ଡଲାର ଏବଂ ଏହା ସଙ୍କଟରେ ପଡ଼ିଛି । ଏହାପୂର୍ବରୁ ୨୦୦୮ ରେ ଲେହମାନ ବ୍ରଦର୍ସ ବ୍ୟାଙ୍କ ଦେବାଳିଆ ହୋଇଯାଇଥିଲା ।
