ଜାଭେଲିନ ଥ୍ରୋ’ରେ ପୁଣି ଏକ ସ୍ୱର୍ଣ୍ଣ ଜିତିଲା ଭାରତ: F37/38 ଇଭେଣ୍ଟରେ ରେକର୍ଡ କଲେ ହାନେ
ନୂଆଦିଲ୍ଲୀ: ଚୀନର ହାଙ୍ଗଝୋଉଠାରେ ଚାଲିଥିବା ଏସୀୟ ପାରା କ୍ରୀଡ଼ାର ଆଜି ହେଉଛି ତୃତୀୟ ଦିବସ । ପ୍ରଥମ ଦିନରେ ଭାରତ ୬ଟି ସ୍ୱର୍ଣ୍ଣ ସହିତ ୧୭ଟି ପଦକ ଓ ଦ୍ୱିତୀୟ ଦିନରେ ୩ଟି ସ୍ୱର୍ଣ୍ଣ ସହିତ ୧୭ଟି ପଦକ ଜିତିଥିଲା । ଏହା ଫଳରେ ଭାରତର ମୋଟ ପଦକ ସଂଖ୍ୟା ୩୪ରେ ପହଞ୍ଚିଥିବା ବେଳେ ସେଥି ମଧ୍ୟରେ ୯ଟି ସ୍ୱର୍ଣ୍ଣ, ୧୨ଟି ରୌପ୍ୟ ଓ ୧୩ଟି ବ୍ରୋଞ୍ଜ ପଦକ ସାମିଲ ରହିଥିଲା ।
ପୂର୍ବରୁ ଭାରତ ପୁରୁଷ ଜାଭେଲିନ ଥ୍ରୋ’ରେ ସ୍ୱର୍ଣ୍ଣ ପଦକ ଜିତିଥିବା ବେଳେ ପୁଣି ଜିତିଛି ଆଉ ଏକ ସ୍ୱର୍ଣ୍ଣ । ଏଫ୩୭/୩୮ ଇଭେଣ୍ଟ ଫାଇନାଲରେ ଜିତି ହାନେ ରେକର୍ଡ କରିଛନ୍ତି । ହାନେ ୫୫.୯୭ ମିଟର ଥ୍ରୋ କରି ଏହି ସ୍ୱର୍ଣ୍ଣ ପଦକ ଜିତିଛନ୍ତି । ଏହାଫଳରେ ଭାରତର ମୋଟ ପଦକ ସଂଖ୍ୟା ୪୩ରେ ପହଞ୍ଚିଥିବା ବେଳେ ସେଥିମଧ୍ୟରେ ୧୧ଟି ସ୍ୱର୍ଣ୍ଣ, ୧୩ଟି ରୌପ୍ୟ ଓ ୧୯ଟି ବ୍ରୋଞ୍ଜ ପଦକ ସାମିଲ ରହିଛି ।
ଚଳିତ ପାରା ଗେମ୍ସରେ ଭାରତୀୟ କ୍ରୀଡ଼ାବିତମାନେ ସେମାନଙ୍କର ଉଚ୍ଚକୋଟୀର ପ୍ରଦର୍ଶନ ଜାରି ରଖିଛନ୍ତି । ଏହା ମଧ୍ୟରେ ଭାରତ ଆଜି ଦୁଇଟି ସ୍ୱର୍ଣ୍ଣ ପଦକ ଜିତିଛି । ପୁରୁଷ ଜାଭେଲିନ୍ ଥ୍ରୋ ଏଫ୬୪ ଇଭେଣ୍ଟରେ ସୁମିତ ଅନ୍ତିଲ ସ୍ୱର୍ଣ୍ଣ ପଦକ ଜିତିବା ସହିତ ନୂଆ ବିଶ୍ୱ ରେକର୍ଡ ସ୍ଥାପନ କରିଥିଲେ । ସେହିଭଳି ଭାରତର ପୁଷ୍ପେନ୍ଦ୍ର ସିଂହ ମଧ୍ୟ ଏହି ଇଭେଣ୍ଟରେ ୬୨.୦୬ ମିଟର ଥ୍ରୋ କରି ବ୍ରୋଞ୍ଜ ପଦକ ଜିତିଥିଲେ ।
HANEY WINS GOLD MEDAL 🥇
Its yet another Gold Medal in Javelin Throw as Haney creates a new Games Record of 55.97
This is 11th Gold Medal for India at #AsianParaGames2022 pic.twitter.com/2OAs4PzmXc
— IndiaSportsHub (@IndiaSportsHub) October 25, 2023
