(Video)ଗଛ କାଟିବାରୁ ବୋହିଗଲା ମଣିଷ ଶରୀର ପରି ରକ୍ତ; ଚକିତ ଅଞ୍ଚଳବାସୀ, ଭିଡିଓ ଭାଇରାଲ୍
ଓଡ଼ିଶା ଭାସ୍କର: ମଣିଷ କିମ୍ବା କୌଣସି ଜୀବଜନ୍ତୁଙ୍କ ଶରୀର କଟିଗଲେ ସେଥିରୁ ରକ୍ତ ବାହାରିବା ସ୍ୱଭାବିକ । କିନ୍ତୁ ଆମେ କୌଣସି ଗଛକୁ କାଟିବା ସମୟରେ ସେଥିରୁ ରକ୍ତ ବାହାରିବା କେବେ ଦେଖିଛନ୍ତି । ସୋସିଆଲ ମିଡିଆରେ ଏବେ ଏପରି ଏକ ଭିଡିଓ ଭାଇରାଲ୍ ହେଉଛି ଯେଉଁଥିରେ ଏପରି କିଛି ଚକିତ କରିଦେବା ଭଳି ତଥ୍ୟ ଦେଖିବାକୁ ମିଳୁଛି ।
Some trees have high tannin content which can taste unappetising to herbivorous, the tannins affect the colour of its sap, making it red
pic.twitter.com/fAOyiQblPX— Science girl (@gunsnrosesgirl3) April 6, 2024
ଭିଡିଓରେ ଦେଖିବାକୁ ମିଳୁଛି କି ଏକ ଗଛକୁ କାଟିବା ପରେ ସେଥିରୁ ମଣିଷ ଶରୀର ପରି ରକ୍ତ ବୋହି ଯାଉଛି । ଜଣେ ବ୍ୟକ୍ତି ଏକ ବଡ ଛୁରୀରେ ଯେତେବେଳେ ଏକ ଗଛର କିଛି ଅଂଶକୁ କାଟିଛି ସେତେବେଳେ ସେଥିରୁ ଲାଲ୍ ରଙ୍ଗର ରକ୍ତ ବାହାରି ଆସୁଛି । ଏହିପରି ସେ ଗଛର ଆଉ ଏକ ଯାଗାରେ କାଟିବା ପରେ ବି ସେଥିରୁ ରକ୍ତ ବାହାରି ଆସୁଛି । ଏବେ ଲୋକମାନେ ଏହା ଦେଖି ଚିନ୍ତାରେ ପଡି ଯାଇଛନ୍ତି କି ଏହା କେଉଁ ଗଛ ଯେଉଁଥିରୁ ମଣିଷ ଶରୀର ପରି ରକ୍ତ ବାହାରୁଛି ।
ପ୍ରକୃତରେ ଏହା ଏକ ବ୍ଲଡ ବୁଡ୍ ଟ୍ରି । ଏହି ବୃକ୍ଷରେ ଥିବା ଲାଲ ରଙ୍ଗର ତରଳ ପଦାର୍ଥ ବାସ୍ତବରେ ଏହାର ଲାଲ ରଙ୍ଗର ରସ ହୋଇଥାଏ ଯାହା ବୈଜ୍ଞାନିକ ନାମ ‘କିନୋ’ ଭାବରେ ପରିଚିତ । ଏହି ରସରେ ଟେନିନ୍ ନାମକ ଯୌଗିକ ରହିଛି ଯାହା ଏହାକୁ ବ୍ଲଡ ପରି ରଙ୍ଗ ଦେଇଥାଏ ।
ଏହି ଭିଡିଓକୁ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ @gunsnrosesgirl3 ନାମକ ଆଇଡିରେ ସେୟାର କରାଯାଇଛି । ମାତ୍ର ୧୭ ସେକେଣ୍ଡରେ ଏହି ଭିଡିଓକୁ ୮୦ ଲକ୍ଷରୁ ଅଧିକ ଲୋକ ଦେଖିସାରିଲେଣି ।
