(See Video) ମାତାଲ୍ ASI ମହିଳାଙ୍କୁ ଏପରି କରୁଥିଲେ ଚେକିଂ, ଏବେ ଜେଲରେ ଘଣା ପେଲିବେ
ନୂଆଦିଲ୍ଲୀ: ମଦ୍ୟପ ଯୁବକଙ୍କୁ ଗିରଫ କରିବାକୁ ଯାଇ ନିଜେ ଜାଲରେ ପଡ଼ିଯାଇଛନ୍ତି ଜଣେ ପୋଲିସ ଏଏସଆଇ । କେତେ ଉକ୍ତ ପୋଲିସ ବାବୁ ଜଣଙ୍କ ମଦ ନିଶାରେ ଚୁର ହୋଇଥିବାରୁ ସ୍ଥାନୀୟ ଲୋକମାନେ ଏହାକୁ ଘୋର ବିରୋଧ କରିଥିଲେ । ବାବୁ ଜଣଙ୍କ ମାତାଲା ଅବସ୍ଥାରେ ଥାଇ ମହିଳାଙ୍କୁ ଚେକିଂ କରୁଥିବା ଅଭିଯୋଗ ହୋଇଥିଲା । ଏହି ମାମଲାରେ ଉକ୍ତ ବାବୁଜଣଙ୍କୁ ଗିରଫ କରାଯାଇଥିବା ବେଳେ ରାଷ୍ଟ୍ରୀୟ ଜନତା ଦଳ (ଆରଜେଡି) ପକ୍ଷରୁ ଏହାର ଭିଡିଓ ଟ୍ୱିଟରରେ ଶେୟାର କରାଯାଇଛି ।
ଜଣାପଡ଼ିଛି ଯେ, ବିହାରର ଗୋପାଳଗଞ୍ଜ ଅଞ୍ଚଳରେ କିଛି ମଦ୍ୟପ ଯୁବକ ଏକ ଦୋକାନ ନିକଟରେ ହଙ୍ଗାମା କରୁଥିଲେ । ଏହି ସମୟରେ ଏଏସଆଇ ଚନ୍ଦ୍ରମା ରାମ ଉକ୍ତ ରାସ୍ତା ଦେଇ ଯାଉଥିଲେ । ଏହାପରେ ପୋଲିସ ବାବୁ ଗାଡ଼ିରୁ ଓହ୍ଲାଇ ମଦ୍ୟପ ଯୁବକଙ୍କୁ କାବୁ କରିବାକୁ ଚେଷ୍ଟା କରିଥିଲେ । ତେବେ ବାବୁ ଜଣଙ୍କ ମଧ୍ୟ ମାତାଲ ଅବସ୍ଥାରେ ଥିବାରୁ ସ୍ଥାନୀୟ ଲୋକେ ତାଙ୍କୁ ଘୋର ବିରୋଧ କରିଥିଲେ । ଇତିମଧ୍ୟରେ ଜଣେ ମଦ୍ୟପ ଯୁବକଙ୍କୁ ଧରିବା ପାଇଁ ପୋଲିସ ବାବୁ ତାଙ୍କ ଘରେ ପହଞ୍ଚିବା ସହ ମହିଳାଙ୍କ ପ୍ରତି ଅଭଦ୍ରାମି କରିଥିବା ଜଣାପଡ଼ିଥିଲା । ଉକ୍ତ ଭିଡିଓ ବର୍ତ୍ତମାନ ଭାଇରାଲ୍ ହେବାରେ ଲାଗିଛି । ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳର ସମସ୍ତ ଦୋକାନୀ, ବ୍ୟବସାୟୀ ଏକତ୍ରିତ ହୋଇ ଥାନା ପରିସରରେ ହଙ୍ଗାମା କରିଥିଲେ । ପରିସ୍ଥିତିକୁ ନିୟନ୍ତ୍ରଣାଧୀନ କରିବାକୁ ଯାଇ ଆରକ୍ଷୀ ଅଧିକ୍ଷକ ଏସଡିପିଓଙ୍କୁ ଯାଞ୍ଚ ନିର୍ଦ୍ଦେଶ ଦେଇଥିଲେ । ଏସଡିପିଓ ଘଟଣାସ୍ଥଳରେ ପହଞ୍ଚି ମାତାଲ ଏଏସଆଇଙ୍କୁ ଗିରଫ କରିଥିବା ଜଣାପଡ଼ିଛି ।
नीतीश ने बिल्ली को दूध की रखवाली का जिम्मा दिया है!
शराब पीकर शराब पकड़ने निकलती है नीतीश कुमार की पुलिस! महिलाओं से बदतमीजी करती है सो अलग!
अब नीतीश कुमार कहेंगे कि-"अरे पुरूष पुलिसवाले ने महिला की तलाशी ले ली तो क्या बड़ी बात हो गई? थोड़ी बदतमीजी हो गई तो भूचाल क्यों आ गया? pic.twitter.com/MUCWQ9uBvy
— Rashtriya Janata Dal (@RJDforIndia) December 14, 2021