(Video) ଥାର୍ ଗାଡିରେ ନିଜ ଗୁପଚୁପ୍ ଠେଲା ଟାଣି ଟାଣି ନେଲେ ବି.ଟେକ୍ ଛାତ୍ରୀ, ଭିଡିଓ ଭାଇରାଲ କଲେ ବିଶିଷ୍ଟ ବ୍ୟବସାୟୀ ଆନନ୍ଦ ମହିନ୍ଦ୍ରା
ନୂଆଦିଲ୍ଲୀ: ସୋସିଆଲ ମିଡିଆରେ ଏବେ ଗୁପଚୁପ୍ ବିକୁଥିବା ଜଣେ ବି.ଟେକ୍ ଛାତ୍ରୀଙ୍କ ଭିଡିଓ ଭାଇରାଲ ହେଉଛି । ଏହି ଭିଡିଓକୁ ଆନନ୍ଦ ମହିନ୍ଦ୍ରା ସେୟାର କରିଛନ୍ତି । ଭିଡିଓରେ ଦେଖିବାକୁ ମିଳୁଛି କି ସେ ଥାର୍ ଗାଡିରେ ନିଜ ଗୁପଚୁପ୍ ଠେଲାକୁ ଟାଣି ଟାଣି ନେଉଛନ୍ତି ।
କୁହାଯାଏ କି ଦୁନିଆରେ ଏପରି କୌଣସି କାମ ନାହିଁ ଯାହା ଅସମ୍ଭବ । ଯଦି ବ୍ୟକ୍ତି ଦୃଢ ସଂକଳ୍ପ ଓ ନିଷ୍ଠାର ସହ କାମ କରିବ ତେବେ ତାର ସବୁ ସ୍ୱପ୍ନ ନିଶ୍ଚୟ ସାକାର ହୋଇପାରିବ । ଏପରି ବହୁ ଉଦାହରଣ ଆପଣଙ୍କ ସାମ୍ନାରେ ନିଶ୍ଚୟ ଆସିଥିବେ । ଏହା ସତ୍ତ୍ୱେ ବହୁ ଲୋକ କାମରେ ଭେଦଭାବ କରିଥାନ୍ତି ଓ କିଛି କାମକୁ ଛୋଟ ମନେ କରିଥାନ୍ତି । ଏପରି ଲୋକ ମାନନ୍ତି କି ଛୋଟ କାମ କରି ବ୍ୟକ୍ତି ବଡ ହୋଇପାରିବ ନାହିଁ । ଯେଉଁମାନେ ବି ଏପରି ଚିନ୍ତାଧାରା ରଖୁଛନ୍ତି ସେମାନେ ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓକୁ ଜରୁର ଦେଖନ୍ତୁ ଯାହାକୁ ନିଜେ ଆନନ୍ଦ ମହିନ୍ଦ୍ରା ସେୟାର କରିଛନ୍ତି ।
What are off-road vehicles meant to do?
Help people go places they haven’t been able to before..
Help people explore the impossible..
And in particular we want OUR cars to help people Rise & live their dreams..
Now you know why I love this video…. pic.twitter.com/s96PU543jT
— anand mahindra (@anandmahindra) January 23, 2024
ଭିଡିଓରେ ଦେଖିବାକୁ ମିଳୁଛି ଗୁପଚୁପ୍ ବିକ୍ରୀ କରୁଥିବା ଜଣେ ବି.ଟେକ୍ ଛାତ୍ରୀ ଥାର୍ରେ ନିଜର ଗୁପଚୁପ୍ ଠେଲାକୁ ଟାଣି ଟାଣି ନେଉଥିବାର ନଜର ଆସୁଛନ୍ତି । ଭିଡିଓରେ ଯୁବତୀ କହୁଛନ୍ତି କି ପ୍ରଥମେ ସେ ଏହି ଠେଲାକୁ ସ୍କୁଟିରେ ଟାଣି ଟାଣି ନେଉଥିଲେ । ଏହାପରେ ବୁଲେଟ୍ରେ ନେବା ଆରମ୍ଭ କରିଥିଲେ । ଏବେ ସେ ଏହା ଥାର୍ କାର୍ରେ ନେବା ଆରମ୍ଭ କରିଛନ୍ତି । ସେ କହିଛନ୍ତି ଏହା ପଛରେ ତାଙ୍କର ହଜାର ଦିନର ଶ୍ରମ ବିନିଯୋଗ ହୋଇଛି । ପୁରା ଦେଶରେ ତାଙ୍କର ୪୦ରୁ ଅଧିକ ଏପରି ଗୁପଚୁପ୍ ଠେଲା ଚାଲୁଛି ।
ଏହି ଭିଡିଓକୁ ଜଣାଶୁଣା ବ୍ୟବସାୟୀ ଆନନ୍ଦ ମହିନ୍ଦ୍ରା ନିଜର ଏକ୍ସ ହ୍ୟାଣ୍ଡେଲରେ ସେୟାର କରିଛନ୍ତି । ସେ ଭିଡିଓ ସେୟାର କରି ଲେଖିଛନ୍ତି, ଅଫ୍ ରୋଡ୍ ବାହନ କେଉଁ କାମ ପାଇଁ ହୋଇଥାଏ? ଲୋକଙ୍କୁ ସେହି ସ୍ଥାନକୁ ଯିବାକୁ ସାହାଯ୍ୟ କରିବା ଯେଉଁଠାକୁ ସେ ପୂର୍ବରୁ ଯାଇପାରୁ ନ ଥିଲେ । ଏବେ ଆପଣ ବୁଝିପାରିବେ କି ମୋତେ ଏହି ଭିଡିଓ କାହିଁକି ପସନ୍ଦ ଆସିଛି ।
ଭିଡିଓଟିକୁ ଏ ପର୍ଯ୍ୟନ୍ତ ୫ଲକ୍ଷରୁ ଅଧିକ ଲୋକ ଦେଖିସାରିଲେଣି । ବହୁ ୟୁଜର ଯୁବତୀଙ୍କ ଚିନ୍ତାଧାରାକୁ ପ୍ରଶଂସା କରିଛନ୍ତି ।
