(Video) ‘ଆଦିପୁରୁଷ’ର ଚାଲିଥିଲା ସ୍କ୍ରିନିଙ୍ଗ, ଅଚାନକ ଥିଏଟରରେ ପହଞ୍ଚିଗଲେ ‘ବଜରଙ୍ଗୀ’
ନୂଆଦିଲ୍ଲୀ: ପ୍ରଭାସ ଏବଂ କୃତି ସାନନ୍ ଅଭିନୀତ ବହୁ ପ୍ରତିକ୍ଷୀତ ସିନେମା ‘ଆଦିପୁରୁଷ’ ରିଲିଜ ହୋଇ ସାରିଛି । ଆଜି ବିଭିନ୍ନ ସିନେମାଘରେ ମୁକ୍ତିଲାଭ କରିଛି ଏହି ବିଗ୍ ବଜେଟ ସିନେମା । ତେବେ ରାମାୟଣ ଉପରେ ଆଧାରିତ ଏହି ସିନେମା ଅନେକ ଲୋକଙ୍କ ମନକୁ ଛୁଇଁଛି । ତେବେ ଏହି ଚଳଚ୍ଚିତ୍ରରେ ଭଗବାନଙ୍କ ପ୍ରତି ଭକ୍ତିଭାବକୁ ଦର୍ଶାଯାଇଛି । କିନ୍ତୁ ଏକ ଥିଏଟରରେ ‘ଆଦିପୁରୁଷ’ର ସ୍କ୍ରିନିଙ୍ଗ ଚାଲିଥିବା ବେଳେ ଅଚାନକ ସ୍ୱୟଂ ‘ହନୁମାନ’ ସେଠାରେ ପ୍ରକଟ ହୋଇଥିବା ଦେଖିବାକୁ ମିଳିଛି । ଏହାକୁ ଦେଖି ଦର୍ଶକଙ୍କ ମନରେ ଆହୁରି ରୋମାଞ୍ଚ ଭରି ଯାଇଛି ।
ଏହାକୁ ନେଇ ଏକ ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି । ‘ଆଦିପୁରୁଷ’ର ସ୍କ୍ରିନିଙ୍ଗ ସମୟରେ କ୍ୟାମେରା ହଠାତ ଥିଏଟରର କାନ୍ଥ ଉପରକୁ ଫୋକସ୍ କରିଥିଲା । ତେବେ ଏଥିରେ ଦେଖାଯାଇଥିଲା ଏକ ଅଦ୍ଭୁତ ଘଟଣା । ଆଦିପୁରୁଷର ସ୍କ୍ରିନିଙ୍ଗ ଦେଖିବା ପାଇଁ ପହଞ୍ଚିଥିଲେ ସ୍ୱୟଂ ପ୍ରଭୁ ହନୁମାନଙ୍କ ସ୍ୱରୂପ । ସିନେମା ହଲ ଝରକାରୁ ଗୋଟିଏ ମାଙ୍କଡ ସ୍କ୍ରିନକୁ ଦେଖୁଥିବାର ଦେଖାଯାଇଥିଲା । ତେବେ ‘ଆଦିପୁରୁଷ’ର ସିନେମା ରିଲିଜ ସମୟରେ ହନୁମାନଙ୍କ ବଂଶଜ କୁହାଯାଉଥିବା ବାନରଙ୍କୁ ଦେଖି କୁସିରେ ନାଚି ଉଠିଥିଲେ ଶହ ଶହ ଦର୍ଶକ । ଏହାପରେ ପୁରା ସିନେମା ହଲ ‘ଜୟ ଶ୍ରୀରାମ…ଜୟ ଶ୍ରୀରାମ’ ସ୍ୱରରେ କମ୍ପି ଉଠିଛି ।
View this post on Instagram
ତେବେ ରାମାୟଣ ଗାଥାକୁ ନେଇ ପ୍ରସ୍ତୁତ ଏହି ସିନେମାର ସ୍କ୍ରିନିଙ୍ଗ ସମୟରେ ହନୁମାନଙ୍କ ସ୍ୱରୂପଙ୍କୁ ଦେଖିବା ଦର୍ଶକମାନଙ୍କୁ ଭାବବିଭୋର କରିଛି । ଏହାର ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଅନେକ ଲୋକ ଏହି ଭିଡିଓକୁ ପସନ୍ଦ କରୁଥିବା ବେଳେ ବିଭିନନ କମେଣ୍ଟ ମଧ୍ୟ କରିଛନ୍ତି । ଦୀର୍ଘ ଦିନରୁ ଏହି ପୁରାଣ ଗାଥାକୁ ନେଇ ନିର୍ମାଣ ହୋଇଥିବା ‘ଆଦିପୁରୁଷ’କୁ ରିଲିଜ ପୂର୍ବରୁ ହିଁ ଲୋକ ଖୁବ ପ୍ରଶଂସା କରିଥିଲେ । ଏହାପରେ ଏହାର ଟ୍ରେଲର ଖୁବ ଲୋକଙ୍କ ପାଖରେ ପହଞ୍ଚିଥିବା ବେଳେ ଆଜି ଏହାର ରିଲିଜ ପରେ ଫ୍ୟାନ୍ସମାନେ ଖୁବ ପ୍ରଶଂସା କରିଛନ୍ତି ।
