ସଂରକ୍ଷଣ ବିରୋଧୀ ମୃତ୍ୟୁ ପାଇଁ ଦାୟୀ ବ୍ୟକ୍ତିଙ୍କ ବିରୋଧରେ ଅନ୍ତର୍ଜାତୀୟ ନ୍ୟାୟାଳୟକୁ ଯିବ ବାଂଲାଦେଶ
ନୂଆଦିଲ୍ଲୀ: ବାଂଲାଦେଶର ଅନ୍ତରୀଣ ସରକାର ଜୁଲାଇମାସରେ ଅନ୍ତର୍ଜାତୀୟ ଅପରାଧ ଟ୍ରିବ୍ୟୁନାଲରେ ସଂରକ୍ଷଣ ବିରୋଧୀ ଆନ୍ଦୋଳନ ସମୟରେ ମୃତ୍ୟୁ ପାଇଁ ଦାୟୀ ବ୍ୟକ୍ତିଙ୍କ ବିରୋଧରେ ବିଚାର କରିବେ । ଆଇନ, ନ୍ୟାୟ ଓ ସଂସଦୀୟ ବ୍ୟାପାର ଉପରେ ଅନ୍ତରୀଣ ସରକାରଙ୍କ ପରାମର୍ଶଦାତା ଆସିଫ୍ ନଜରୁଲ ବୁଧବାର କହିଛନ୍ତି ଯେ ସଂରକ୍ଷଣ ସଂସ୍କାର ଆନ୍ଦୋଳନ ସମୟରେ ‘ଗଣହତ୍ୟା’ ଏବଂ ଗୁଳିକାଣ୍ଡର ଶୁଣାଣି ପାଇଁ କେତେକ ମାମଲା ରୁଜୁ ହୋଇସାରିଛି । କିନ୍ତୁ ଏହା ମାନବିକତା ବିରୋଧୀ ଅପରାଧ ବୋଲି ଛାତ୍ର, ମାନବାଧିକାର ସଂଗଠନ ଓ ଅନ୍ୟମାନେ କହୁଛନ୍ତି ।
ଆମେ ଜାଣିବାକୁ ପାଇଲୁ ଯେ ଜୁଲାଇରେ ହୋଇଥିବା ‘ଗଣହତ୍ୟା’ ପାଇଁ ଯେଉଁମାନେ ଦାୟୀ ସେମାନଙ୍କ ବିରୋଧରେ ଅନ୍ତର୍ଜାତୀୟ ଅପରାଧ ଟ୍ରିବ୍ୟୁନାଲରେ ମାମଲା ରୁଜୁ କରାଯାଇପାରିବ । ତଦନ୍ତକାରୀ ଟିମ୍ ମିଳିତ ଜାତିସଂଘ ଅଧୀନରେ କାର୍ଯ୍ୟ କରିବ । ପୂର୍ବତନ ପ୍ରଧାନମନ୍ତ୍ରୀ ଶେଖ୍ ହସିନାଙ୍କ ସମେତ ଏହି ହତ୍ୟାକାଣ୍ଡରେ ସମ୍ପୃକ୍ତ କାହାରିକୁ ଛଡ଼ାଯିବ ନାହିଁ । ଗତ ଜୁଲାଇ ମାସରେ ବାଂଲାଦେଶରେ ଶେଖ ହସିନା ସରକାରଙ୍କ ବିରୋଧରେ ସଂରକ୍ଷଣ ବିରୋଧୀ ଆନ୍ଦୋଳନ ବେଳେ ଅନେକ ଲୋକ ପ୍ରାଣ ହରାଇଥିଲେ ।