କ’ଣ ଆପଣ ବି ବିନା ସଟଡାଉନରେ ଲାପଟପ୍ ବନ୍ଦ କରୁଛନ୍ତି କି ? ବୋମା ପରି ହୋଇପାରେ ବ୍ଲାଷ୍ଟ
ଆଜିକାଲି ମୋବାଇଲ୍ ସହିତ ଲାପଟପ୍ ମଧ୍ୟ ଆମ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ବିଶେଷକରି ୱାର୍କ ଫ୍ରମ୍ ହୋମ୍ ଧାରା ବୃଦ୍ଧି ପାଇଥିବାରୁ ଅଧିକାଂଶ ଲୋକ ଡେସ୍କଟପ୍ ବଦଳରେ ଲାପଟପ୍ ବ୍ୟବହାର କରିବା ଆରମ୍ଭ କରିଛନ୍ତି । ଆମେ ଲାପଟପ୍ କୁ ଯେକୌଣସି ସ୍ଥାନକୁ ନେଇପାରିବେ ଓ ଯେକୌଣସି ସ୍ଥାନରୁ ବସି କାମ କରିପାରିବେ ।
କିନ୍ତୁ ଗ୍ୟାଜେଟଗୁଡିକ ଆମ ପାଇଁ ଉପଯୋଗୀ ଯେତିକି ବିପଜ୍ଜନକ ହୋଇପାରେ । ଏଭଳି ପରିସ୍ଥିତିରେ ସେଗୁଡିକ ବ୍ୟବହାର କରିବା ସମୟରେ କିଛି ସତର୍କତା ଅବଲମ୍ବନ କରିବା ଜରୁରୀ । ଆପଣ ଜାଣନ୍ତି କି ମୋବାଇଲ୍ ପରି ଆପଣଙ୍କର ଅସାବଧାନତା ହେତୁ ଏକ ଲାପଟପରେ ନିଆଁ ଲାଗିପାରେ ଓ ସେଥଇରେ ବ୍ଲାଷ୍ଟ ହୋଇପାରେ ।
ବିନା ସଟଡାଉନ୍ ରେ ଲାପଟପ୍ ବନ୍ଦ କରନ୍ତୁ ନାହିଁ :-
ଅନେକ ଲୋକ କାମ କରିବା ପରେ କେବଳ ଲାପଟପ୍ ଏମିତି ହିଁ ବନ୍ଦ କରଦିଅନ୍ତି । ବିନା ସଟଡାଉନ୍ ରେ ଅନେକ ଲୋକ ଏହାକୁ ବନ୍ଦ କରିବାର ଭୁଲ କରନ୍ତି । କିନ୍ତୁ ଏହା ଆଦୌ କରିବା ଉଚିତ ନୁହେଁ, କାରଣ ଏହା ବିପଜ୍ଜନକ ହୋଇପାରେ । ଏପରି ପରିସ୍ଥିତିରେ ଯେତେବେଳେ ଆପଣ ଲାପଟପ୍ ବନ୍ଦ କରୁଛନ୍ତି, ସେବେ ଏହାକୁ ସଟଡାଉନ୍ କରି କରନ୍ତୁ । କିମ୍ବା ଯଦି ଆପଣଙ୍କର ଅନ୍ୟ କୌଣସି କାମ ଅଛି, ତେବେ ଏହାକୁ ସ୍ଲିପ୍ ମୋଡରେ ରଖନ୍ତୁ । ଯଦି ଆପଣ ସଟଡାଉନ୍ ନକରି ଲାପଟପ୍ ବନ୍ଦ କରନ୍ତି, ତେବେ ଆପଣଙ୍କ ଲାପଟପ୍ ରେ ବିସ୍ଫୋରଣ ହୋଇପାରେ ।
ବନ୍ଦ କରି ଏହାକୁ ଚାର୍ଜିଂରେ ଛାଡନ୍ତୁ ନାହିଁ :-
ତେବେ ଇନଷ୍ଟାଗ୍ରାମରେ ଏକ ଭିଡିଓ ଭାଇରାଲ ହୋଇଛି । ଏହି ଭିଡିଓରେ ଦେଖିବାକୁ ମିଳିଛି କି, ଜଣେ ବ୍ୟକ୍ତି ନିଜ ଲାପଟପ୍ ବିନା ସଟଡାଉନ୍ ରେ ବନ୍ଦ କରିଦେଲେ । ଘଟଣା ସମୟରେ ଲାପଟପ୍ ଚାର୍ଜରେ ମଧ୍ୟ ଲଗାଯାଇଥିଲା । ଏହା ପରେ ଲାପଟପ୍ ରୁ ଧୂଆଁ ବାହାରିବା ଆରମ୍ଭ କରିଥିଲା । ବ୍ୟକ୍ତି ଜଣକ ଲାପଟପ୍ ଖୋଲିବାକୁ ଚେଷ୍ଟା କରିଥିଲେ । ଏହା ପରେ ଧୂଆଁ ଆହୁରି ଅଧିକ ବାହାରିବାକୁ ଲାଗିଲା । କିଛି ସେକେଣ୍ଡ ମଧ୍ୟରେ ଲାପଟପରୁ ନିଆଁ ବାହାରିବା ଆରମ୍ଭ କଲା ଏବଂ ସେଠାରେ ଏକ ବଡ଼ ବିସ୍ଫୋରଣ ହୋଇଥିଲା । ଏହା ପରେ ଲୋକମାନେ ଲାପଟପ୍ ଉଠାଇ ବାହାରକୁ ଫିଙ୍ଗିଦେଇଥିଲେ ।
ଏହି କାରଣରୁ ବିସ୍ଫୋରଣ ହୋଇପାରେ :-
ପ୍ରାୟତଃ ଲୋକମାନେ ଲାପଟପ୍ କିଣିବା ସମୟରେ ବ୍ୟାଟେରୀ ପ୍ରତି ଧ୍ୟାନ ଦିଅନ୍ତି ନାହିଁ । ଯେତେବେଳେ ଏକ ଲିଥିୟମ୍ ବ୍ୟାଟେରୀ ଅତ୍ୟଧିକ ଓଭରଲୋଡ୍ ହୋଇଯାଏ, ଏଥିରୁ ତରଳ ନିର୍ଗତ ହେବା ଆରମ୍ଭ ହୁଏ । ଏହି ସମୟ ମଧ୍ୟରେ ଯଦି ବିଜୁଳିରୁ କୌଣସି ପ୍ରକାରର ସକ୍ ବାହାରେ, ତେବେ ବ୍ୟାଟେରୀ ବିସ୍ଫୋରଣ ହୋଇପାରେ । ଏହି କାରଣରୁ ଲୋକଙ୍କୁ ସବୁବେଳେ ଭଲ କ୍ୱାଲିଟୀର ଲାପଟପ୍ ବ୍ୟାଟେରୀ ଏବଂ ଚାର୍ଜର ବ୍ୟବହାର କରିବାକୁ ପରାମର୍ଶ ଦିଆଯାଏ ।
