ଉମରାନ ମଲିକଙ୍କୁ ବିସିସିଆଇ ଦେଲା ସ୍ୱତନ୍ତ୍ର ଚୁକ୍ତି; କ’ଣ ଥିଲା କାରଣ…
Advertisement
ନୂଆଦିଲ୍ଲୀ: ବିସିସିଆଇ ପ୍ରାୟ ଦୁଇ ସପ୍ତାହ ତଳେ ଟିମ୍ ଇଣ୍ଡିଆର ଖେଳାଳିଙ୍କ ପାଇଁ ବାର୍ଷିକ ଚୁକ୍ତି ଘୋଷଣା କରିବା ପରେ ୪ ଟି ଶ୍ରେଣୀର ମୋଟ ୩୦ ଜଣ ଖେଳାଳିଙ୍କ ବ୍ୟତୀତ ଅନ୍ୟ ୫ ଜଣ ଦ୍ରୁତ ବୋଲରଙ୍କୁ ପୃଥକ ଚୁକ୍ତି ଦିଆଯାଇଥିଲା। ଏହି ପାଞ୍ଚ ଜଣ ଖେଳାଳି ହେଲେ ଉମରାନ ମଲିକ, ଆକାଶ ଦୀପ, ଭି ବିଜୟକୁମାର, ୟଶ ଦୟାଲ ଓ ଭି କାଭେରପ୍ପା। ଚଳିତ ବର୍ଷ ଶେଷ ଆଡ଼କୁ ଅଷ୍ଟ୍ରେଲିଆ ଗସ୍ତକୁ ଦୃଷ୍ଟିରେ ରଖି ଉମରାନ ମଲ୍ଲିକଙ୍କ ଠାରୁ ବିସିସିଆଇର ବହୁତ ଆଶା ରହିଛି।
ଏହାକୁ ଦୃଷ୍ଟିରେ ରଖି ଚୟନକର୍ତ୍ତାମାନେ ଜମ୍ମୁ-କଶ୍ମୀରର ଟିମ୍ ମ୍ୟାନେଜମେଣ୍ଟକୁ ମଲ୍ଲିକଙ୍କୁ ଚଳିତ ରଣଜୀ ଋତୁରେ ଖେଳିବା ପାଇଁ ‘ଯୁକ୍ତିଯୁକ୍ତ’ ସମୟ ଦେବାକୁ ପରାମର୍ଶ ଦେଇଛନ୍ତି। କାରଣ ଯେତେବେଳେ ସେ ଅଷ୍ଟ୍ରେଲିଆ ଗସ୍ତରେ ଯାଆନ୍ତି ସେତେବେଳେ ତାଙ୍କ ପାଖରେ ଲମ୍ବା ସ୍ପେଲ ଫିଙ୍ଗିବାର ଅଭିଜ୍ଞତା ଥାଏ। ଦୁଇ ବର୍ଷ ତଳେ ଆଇପିଏଲରେ ନିଜର ଚମତ୍କାର ପ୍ରଦର୍ଶନ କରି ଲୋକଙ୍କ ଦୃଷ୍ଟି ଆକର୍ଷଣ କରିଥିଲେ ଉମରାନ ମଲ୍ଲିକ । ୨୦୨୨ ଆଇପିଏଲ୍ ସିଜନରେ ମଲ୍ଲିକ ସନରାଇଜର୍ସ ହାଇଦ୍ରାବାଦ ପାଇଁ ୨୨ଟି ୱିକେଟ୍ ନେଇଥିଲେ।
ଯଦିଓ ତାଙ୍କର ଶେଷ ସିଜନ କିଛି ବିଶେଷ ନଥିଲା, ତଥାପି ଏସଆରଏଚ୍ ୨୦୨୪ରେ ତାଙ୍କ ଉପରେ ଭରସା ରଖିଛି।ଉମରନ ମଲ୍ଲିକ ଏପର୍ଯ୍ୟନ୍ତ ଅଧିକାଂଶ ସୀମିତ ଓଭର କ୍ରିକେଟ୍ ଖେଳିସାରିଛନ୍ତି, କିନ୍ତୁ ଘଣ୍ଟାପ୍ରତି ୧୫୦ କିଲୋମିଟର ବେଗରେ ବଲ୍ ଫିଙ୍ଗିବାର ଦକ୍ଷତାକୁ ଦୃଷ୍ଟିରେ ରଖି ବିସିସିଆଇ ତାଙ୍କୁ ନିଜ ପାଇଁ ଗୁରୁତ୍ୱପୂର୍ଣ୍ଣ ମନେ କରୁଛି। ୨୦୧୮-୧୯ ଏବଂ ୨୦୨୦-୨୧ରେ ଭାରତ ଅଷ୍ଟ୍ରେଲିଆରେ ଦୁଇଥର ଟେଷ୍ଟ ସିରିଜ୍ ଜିତିଛି। କିନ୍ତୁ ତୃତୀୟ ଟେଷ୍ଟ ସିରିଜ୍ ଜିତିବା ଉପରେ ତାଙ୍କର ନଜର ରହିଛି।