ଭୂପେଶ ବାଘେଲଙ୍କ ପିତାଙ୍କ ନିଧନ, ୨ ଦିନ ପରେ ହେବ ଅନ୍ତିମ ସଂସ୍କାର
ନୂଆଦିଲ୍ଲୀ: ଛତିଶଗଡ଼ର ପୂର୍ବତନ ମୁଖ୍ୟମନ୍ତ୍ରୀ ଭୂପେଶ ବାଘେଲଙ୍କ ପିତା ନନ୍ଦକୁମାର ବାଘେଲଙ୍କ ସୋମବାର ଦେହାନ୍ତ ହୋଇଛି । ମୃତ୍ୟ ବେଳକୁ ତାଙ୍କୁ ୮୯ ବର୍ଷ ବୟସ ହୋଇଥିବା ନେଇ କଂଗ୍ରେସ ପକ୍ଷରୁ ସୂଚନା ଦିଆଯାଇଛି । ଜାନୁଆରୀ ୧୦କୁ ଭୂପେଶ ତାଙ୍କ ପିତାଙ୍କ ଅନ୍ତିମ ସଂସ୍କାର ସମ୍ପନ୍ନ କରିବା ନେଇ ସୋସିଆଲ ମିଡ଼ିଆରେ ଏକ ପୋଷ୍ଟ ମାଧ୍ୟମରେ ସୂଚନା ଦେଇଛନ୍ତି । ଆଜି ଅପରାହ୍ନରେ ଭୂପେଶ ଦିଲ୍ଲୀରୁ ରାୟପୁର ପହଞ୍ଚିବେ । ବର୍ତ୍ତମାନ ତାଙ୍କ ଭଉଣୀ ବିଦେଶରେ ଥିବା ଯୋଗଁ ଆସିବାକୁ ସମୟ ଲାଗିବ ବୋଲି ସେ କହିଛନ୍ତି ।
ସୂଚନାରୁ ପ୍ରକାଶ ଯେ ଗତ ତିନି ମାସ ଧରି ନନ୍ଦ କୁମାର ବାଘେଲ ଗମ୍ଭୀର ରୋଗରେ ପୀଡ଼ିତ ହୋଇ ରାୟପୁରର ଶ୍ରୀ ବାଲାଜୀ ହସ୍ପିଟାଲରେ ଚିକିତ୍ସିତ ହେଉଥିଲେ । ଡାଇବେଟିସ୍ କାରଣରୁ ତାଙ୍କୁ ପାରାଲିସିସ୍ ଆଟାକ ମଧ୍ୟ ହୋଇଥିଲା । ଚିକିତ୍ସା ସମୟରେ ତାଙ୍କୁ ଭେଣ୍ଟିଲେଟରରେ ରଖାଯାଇଥିଲା । ତେବେ ସ୍ୱାସ୍ଥ୍ୟବସ୍ଥା ଅଧିକ ଗମ୍ଭୀର ହେବାରୁ ସୋମବାର ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଥିଲେ । ନିକଟରେ ନିର୍ବାଚନ ସମୟରେ ସେ ଭୂପେଶ ତାଙ୍କ ପିତାଙ୍କୁ ଭେଟିଥିଲେ । ବର୍ତ୍ତମାନ ଛତିଶଗଡ଼ ସ୍ଥିତ ପାଟନ୍ ବାସଭବନରେ ନନ୍ଦକୁମାରଙ୍କ ପାର୍ଥୀବ ଶରୀର ରଖାଯାଇଛି । ତାଙ୍କ ବିୟୋଗରେ ସମସ୍ତ ପରିବାର ଓ ରାଜନୈତିକ ବ୍ୟକ୍ତି ବିଶେଷ ଶୋକ ବ୍ୟକ୍ତ କରିଛନ୍ତି । ନନ୍ଦ କୁମାର ବାଘେଲ ଆମ୍ ଜନତା ପାର୍ଟି ଇଣ୍ଡିଆ ସହ ଜଡ଼ିତ ଥିଲେ । ସେ ତାଙ୍କ ବୟାନ ପାଇଁ ସବୁବେଳେ ବିବାଦରେ ରହୁଥିଲେ ।
दु:ख के साथ सूचित करना पड़ रहा है कि बाबूजी श्री नंद कुमार बघेल जी का आज सुबह निधन हो गया है.
अभी पार्थिव शरीर को पाटन सदन में रखा गया है।
मेरी छोटी बहन के विदेश से लौटने के बाद अंतिम संस्कार 10 जनवरी को हमारे गृह ग्राम कुरुदडीह में होगा। 🙏🏻 pic.twitter.com/Y2lWp36eAv
— Bhupesh Baghel (@bhupeshbaghel) January 8, 2024
