ଇପିଏଫଓର ବଡ ଘୋଷଣା, ଆଧାର କାର୍ଡ ହେବନାହିଁ DOB ପାଇଁ ବୈଧ ପ୍ରମାଣ!

ନୂଆଦିଲ୍ଲୀ: ଆଧାର କାର୍ଡକୁ ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ଭାବେ ବିବେଚନା କରାଯାଏ । ଭାରତରେ ଏହା ମୁଖ୍ୟତଃ ଅନେକ ଉଦ୍ଦେଶ୍ୟରେ ବ୍ୟବହୃତ ହୁଏ, କିନ୍ତୁ ଇପିଏଫଓ ପକ୍ଷରୁ ଜନ୍ମ ତିଥି ଅପଡେଟ ପ୍ରକ୍ରିୟାରେ ଆଧାର କାର୍ଡକୁ ବୈଧ ବୋଲି ବିଚାର କରିବ ନାହିଁ । ଇପିଏଫଓ ଦ୍ୱାରା ଏକ ବଡ ଘୋଷଣା କରାଯାଇଛି, ଯାହା ଅଧୀନରେ ଜନ୍ମ କାର୍ଡ ଏବଂ ଜନ୍ମ ତାରିଖ ପାଇଁ ଆଧାର କାର୍ଡ ଗ୍ରହଣ କରାଯିବ ନାହିଁ ।

ଏକ ରିପୋର୍ଟ ଅନୁଯାୟୀ, କର୍ମଚାରୀ ପ୍ରୋଭିଡେଣ୍ଟ ଫଣ୍ଡ ସଂଗଠନ (ଇପିଏଫଓ) ଦ୍ୱାରା ଲୋକଙ୍କ ପାଇଁ ଏକ ଗାଇଡଲାଇନ ଜାରି କରାଯାଇଛି । ଏହା ଅଧୀନରେ ଆଧାର କାର୍ଡ ଆଉ ଜନ୍ମ ତାରିଖ ଭାବରେ ଗ୍ରହଣ କରାଯିବ ନାହିଁ ।

ଡିଓବି ପ୍ରୁଫରେ ଆଧାର କାର୍ଡ ବ୍ୟବହାର ହେବ ନାହିଁ :-
ତେବେ ୟୁଆଇଡିଏଆଇ ଏକ ଚିଠିରେ କହିଛି ଯେ େଡେଟ୍ ଅଫ୍ ବାର୍ଥ ବା ଡିଓବି ପ୍ରମାଣ ପାଇଁ ଆଧାର କାର୍ଡ ଗ୍ରହଣ କରାଯିବ ନାହିଁ । ଯଦି କେହି ଜନ୍ମ ତିଥି ପ୍ରମାଣପତ୍ର ପାଇଁ ଆଧାର ବ୍ୟବହାର କରନ୍ତି ତେବେ ତାଙ୍କର ଡକ୍ୟୁମେଣ୍ଟ ଗ୍ରହଣ କରାଯିବ ନାହିଁ । ଏହା ପରେ ଇପିଏଫ୍ଓ ଏକ ସର୍କୁଲାର୍ ଜାରି କରିଛି, ଯେଉଁଥିରେ ଆଧାର କାର୍ଡକୁ ଡିଓବି ପ୍ରମାଣରୁ ହଟାଇବାକୁ କୁହାଯାଇଛି ।

ଡିଓବି ପ୍ରୁଫ୍ ପାଇଁ ଆପଣ ଏହି ଡକ୍ୟୁମେଣ୍ଟଗୁଡିକ ବ୍ୟବହାର କରିପାରିବେ :-
ପାସପୋର୍ଟ
ପାନ୍ କାର୍ଡ ।
ଏସଏସସି ସାର୍ଟିଫିକେଟ୍
ଜନ୍ମ ପ୍ରମାଣପତ୍ର
ମାର୍କସିଟ୍ ।
ସ୍କୁଲ ଲିଭିଂ ସାର୍ଟିଫିକେଟ୍
ଟ୍ରାନ୍ସଫର ସାର୍ଟିଫିକେଟ୍
ସରକାରଙ୍କ ଦ୍ୱାରା ଦିଆଯାଇଥିବା ଆବାସିକ ପ୍ରମାଣପତ୍ର ।
କେନ୍ଦ୍ର / ରାଜ୍ୟ ସରକାରୀ ସଂଗଠନର ସେବା ରେକର୍ଡ ଉପରେ ଆଧାରିତ ପ୍ରମାଣପତ୍ର ।
ଅଗଷ୍ଟ ୨୦୨୩ ରେ ଜାରି ହୋଇଥିବା ଇପିଏଫଓ ସର୍କୁଲାର ଅନୁଯାୟୀ ଜନ୍ମ ତାରିଖ (ଡିଓବି) ପରିବର୍ତ୍ତନ କରିବାକୁ ଏହି ସମସ୍ତ ଡକ୍ୟୁମେଣ୍ଟ ବ୍ୟବହାର କରାଯିବ ।