(Video) ଝିଅ ପୂଜାଙ୍କ ସହ ଭେଟି ଭାବପ୍ରବଣ ହେଲେ ମହେଶ ଭଟ୍ଟ, ମନେପକାଇଲେ ପୁରୁଣା ଦିନ କଥା
ମୁମ୍ବାଇ: ବିଗ୍ ବସ୍ OTT୨ ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି। ନିର୍ଦ୍ଦେଶକ ମହେଶ ଭଟ୍ଟ ଏହି ଶୋ’ରେ ପ୍ରବେଶ କରିଥିଲେ। ପରିବାର ସପ୍ତାହରେ ସେ ଝିଅ ପୂଜା ଭଟ୍ଟଙ୍କୁ ଭେଟିବାକୁ ଯାଇଥିଲେ। ସେ ଘରେ ଥିବା ସମସ୍ତ ପ୍ରତିଯୋଗୀଙ୍କୁ ଭେଟି ସେମାନଙ୍କ ଉପରେ ପ୍ରେମ ପ୍ରଦର୍ଶନ କରିଥିଲେ। ପରିବାରର ସମସ୍ତ ସଦସ୍ୟଙ୍କୁ ଭେଟିବା ପରେ ସେ ଝିଅ ପୂଜା ଭଟ୍ଟଙ୍କୁ ଭେଟିଥିଲେ। ସେ ତାଙ୍କ ଝିଅକୁ ଭେଟିବା ସମୟରେ ଭାବପ୍ରବଣ ଦେଖାଯାଉଥିଲେ।
ଯେତେବେଳେ ସେ ବିଗ ବସ ଘରକୁ ଯାଇଥିଲେ, ସେତେବେଳେ ସେ ପୂଜା ଭଟ୍ଟଙ୍କ ଜନ୍ମ ବିଷୟରେ ଏକ କଥା ସେୟାର କରିଥିଲେ। ସେ କହିଥିଲେ, ‘ଯେତେବେଳେ ପୂଜା ଜନ୍ମ ହୋଇଥିଲା ସେତେବେଳେ ମୋତେ ମାତ୍ର ୨୩ ବର୍ଷ ହୋଇଥିଲା। ସେତେବେଳେ ମୋ ପାଖେ ଟଙ୍କା ନଥିଲା, ମୋତେ ଡାକ୍ତରଖାନା ପାଇଁ ୧୨୦୦ ଟଙ୍କା ଦେବାକୁ ଥିଲା। ମୁଁ ବହୁତ ଟେନସନ ଥିଲି, ମୁଁ ଏହି ଟଙ୍କା କିପରି ଦେବି। ମୁଁ ଯେତେବେଳେ ସ୍କୁଲରେ ଥିଲି ଏବଂ ୧୬ ବର୍ଷ ବୟସରେ ମୁଁ ପୂଜାଙ୍କ ମାଙ୍କୁ ଭେଟିଥିଲି।
ସେ ଆହୁରି ମଧ୍ୟ କହିଛନ୍ତି, ‘ଯେତେବେଳେ ପୂଜା ଜନ୍ମ ହେଲା, ମୁଁ ଡାକ୍ତରଖାନା ଯାଇ ପୂଜାଙ୍କ ମାଙ୍କୁ ଭେଟିଥିଲି। ଏହାପରେ ମୁଁ ପୂଜାକୁ ଦେଖିବାକୁ ଗଲି। ସେ ଏକ ଗ୍ଲାସ୍ ଇନକ୍ୟୁବେଟରରେ ଥିଲେ। ପୂଜା ୧୦ ପାଉଣ୍ଡ ଥିଲା। ପୁରା ଚେହେରା ଗୋଲାପୀ ଥିଲା। ତାଙ୍କର ଏକ୍ସପ୍ରେସନ ରାଗି ଭଳି ଥିଲା ଏବଂ ସେବେଠାରୁ ସେ କେବେ ପରିବର୍ତ୍ତନ ହୋଇନଥିଲେ। ଛୋଟ ବେଳୁ, ଆମେ ସମସ୍ତେ ତାଙ୍କୁ ଭୟ କରୁ।
ମହେଶ ଆହୁରି କହିଛନ୍ତି, ‘ମୁଁ ତୁମକୁ ସକାଳେ ଘରର ଏକ କୋଣରେ ବସିଥିବାର ଦେଖିଲି। ଏଠାରେ ତୁମେ ଶାନ୍ତି ଅନୁଭବ କରୁଛ। ତୁମ ହୃଦୟ ଭାଙ୍ଗିବା ପରେ ତୁମେ ଏଠାକୁ ଆସିଛ। ମହେଶ ଏହା ମଧ୍ୟ କହିଛନ୍ତି ଯେ, ସେ ୨୩ ବର୍ଷ ବୟସରେ ପୂଜାଙ୍କୁ ଏକ ଚିଠି ଲେଖିଥିଲେ। ମହେଶ ପୂଜାଙ୍କୁ କହିଛନ୍ତି ଯେ, ସେ ପୂଜା ପାଇଁ ଗର୍ବିତ। ଉଭୟ ମଧ୍ୟ ଭାବପ୍ରବଣ ହୋଇଥିବାର ନଜର ଆସିଥିଲେ।
View this post on Instagram