(Video)ବିର୍ସା ମୁଣ୍ଡା ଷ୍ଟାଡିୟମକୁ ମିଳିଲା ବିଶ୍ୱର ସର୍ବବୃହତ ଷ୍ଟାଡିୟମର ମାନ୍ୟତା
ଭୁବନେଶ୍ୱର:ଓଡିଶାବାସୀ ମାନଙ୍କ ପାଇଁ ଖୁସି ଖବର । ବିର୍ସା ମୁଣ୍ଡା ଷ୍ଟାଡିୟମକୁ ନେଇ ଯେଉଁ ଗୁଜବ ଶୁଣିବାକୁ ମିଳୁଥିଲା ତାହା ଉପରେ ବିରାମ ଲାଗିଛି । ଏହାକୁ ଏବେ ବିଶ୍ୱର ସର୍ବବୃହତ ଷ୍ଟାଡିୟମର ମାନ୍ୟତା ମିଳିଛି । ରାଉରକେଲାରେ ୨୧ ହଜାର ବସିବା କ୍ଷମତା ବିଶିଷ୍ଟ ନବ ନିର୍ମିତ ବିର୍ସା ମୁଣ୍ଡା ଆନ୍ତର୍ଜାତିକ ହକି ଷ୍ଟାଡିୟମ୍ ଗିନିସ୍ ବୁକ୍ ଅଫ୍ ରେକର୍ଡ୍ସରେ ଏବେ ସ୍ଥାନ ପାଇଛି।
Good News for #Odisha ! We have done it under the strong and visionary leadership of Hon’ble CM @Naveen_Odisha .
The Guinness Book of Records has officially recognised Birsa Munda International Stadium, Rourkela as the World’s largest-seated Hockey Stadium. pic.twitter.com/yndomfI8ZO
— Manas Mangaraj (@manasrmangaraj) January 28, 2023
ଶନିବାର ୫ଟି ସଚିବ ଭିକେ ପାଣ୍ଡିଆନ୍ ତାଙ୍କ ଇନ୍ଷ୍ଟାଗ୍ରାମ୍ ପେଜ୍ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ଏହି ଖୁସିକୁ ବାଣ୍ଟିବା ବେଳର ଏକ ଭିଡିଓ ପୋଷ୍ଟ କରିଛନ୍ତି। ମୁଖ୍ୟମନ୍ତ୍ରୀଙ୍କ ବାସଭବନରେ ୫ଟି ସଚିବ ପହଞ୍ଚି ସିଧାସଳଖ ଏହି ଖୁସି ଖବର ଦେଇଛନ୍ତି।
ଏହି ଭିଡ଼ିଓରେ ମୁଖ୍ୟମନ୍ତ୍ରୀ ମଧ୍ୟ ଖୁସି ହେବା ସହିତ ସମସ୍ତ ରାଜ୍ୟବାସୀଙ୍କୁ ଏଥିପାଇଁ ଶୁଭେଚ୍ଛା ଜଣାଇଛନ୍ତି। ୧୫ ମାସ ମଧ୍ୟରେ ଷ୍ଟାଡିୟମ୍ ନିର୍ମାଣ ହୋଇଥିବାରୁ ଏହା ରାଜ୍ୟ ପାଇଁ ଖୁସିର ବିଷୟ ବୋଲି ମୁଖ୍ୟମନ୍ତ୍ରୀ ପ୍ରତିକ୍ରିୟାରେ କହିଥିଲେ। ସୂଚନାଯୋଗ୍ୟ, ଗତ ୧୩ ତାରିଖରେ ଏହି ଷ୍ଟାଡିୟମ୍ରେ ପ୍ରଥମ ଆନ୍ତର୍ଜାତିକ ହକି ମ୍ୟାଚ୍ ଖେଳାଯାଇଥିଲା। ଏହା ପାଇଁ ଓଡିଶା ସବୁ ଠାରେ ନାମ ଅର୍ଜନ କରିଛି । ଏବେ ଏହି ଖବର ସାରା ଓଡ଼ିଶାବାସୀ ଙ୍କୁ ମଧ୍ୟ ଗର୍ବିତ କରାଇଛି ।
