Breaking: ବିଜେଡି MP ସସ୍ମିତ ପାତ୍ର ୱକଫ୍ ବିଲକୁ କଲେ ସମର୍ଥନ, ଜାତୀୟ ଗଣମାଧ୍ୟମରେ ରଖିଲେ ପ୍ରତିକ୍ରିୟା
ନୂଆଦିଲ୍ଲୀ: ଓଡ଼ିଶା ରାଜ୍ୟସଭା ସାଂସଦ ସସ୍ମିତ ପାତ୍ର ୱକଫ ବିଲ୍ ସପକ୍ଷରେ ଭୋଟ୍ ଦେଇଛନ୍ତି । ଏ ନେଇ ଜାତୀୟ ଗଣମାଧ୍ୟମରେ ପ୍ରତିକ୍ରିୟା ରଖିଛନ୍ତି ସସ୍ମିତ ପାତ୍ର ।
ବିଜେଡି ପ୍ରଥମେ ବିଲ୍ ବିରୋଧରେ ଭୋଟ ଦେବ ବୋଲି କହିଥିଲା । ଏହାପାରେ ବିଲକୁ ବୟକଟ୍ କରିବା ପାଇଁ ଚାହିଁଥିଲା । କିନ୍ତୁ ପରବର୍ତ୍ତୀ ସମୟରେ ବିବେକ ଅନୁଯାୟୀ ଭୋଟ ଦେବା ନେଇ ଦଳ ନିଷ୍ପତ୍ତି ନେଇଥିଲା ।
ଗଣମାଧ୍ୟମକୁ ପ୍ରତିକ୍ରିୟା ଦେଇ ସସ୍ମିତ କହିଛନ୍ତି, ବିଲ୍ ସମ୍ପର୍କରେ ପାର୍ଟି ସହ ଆଲୋଚନା ହୋଇଥିଲା । ନିଜସ୍ୱ ବିବେକ ଅନୁଯାୟୀ ଭୋଟ ଦେବା କଥା ସ୍ଥିର ହେବା ପରେ ସେ ଅନ୍ୟ ସଦସ୍ୟଙ୍କ ସହ ଆଲୋଚନା କରିଥିଲେ । ଏହାପରେ ସେ ବିଲ୍ ସପକ୍ଷରେ ଭୋଟ ଦେଇଥିବା କହିଛନ୍ତି ।
ଏହାପରେ ସସ୍ମିତ ପାତ୍ର ୱକଫ୍ ସପକ୍ଷରେ ଭୋଟ୍ ଦେଇଛନ୍ତି । ପ୍ରଥମେ ଲୋକସଭାରେ ବିଲ ପାରିତ ହେବା ପରେ ଗୁରୁବାର ରାଜ୍ୟ ସଭାରେ ପାସ୍ ହୋଇଥିଲା ।
ବିଲ୍ ସପକ୍ଷରେ ୧୨୮ ସାଂସଦଙ୍କ ଭୋଟ ମିଳିଥିବାବେଳେ ୯୫ ଜଣ ବିଲ ବିରୋଧରେ ଭୋଟ ଦେଇଥିଲେ ।
ସସ୍ମିତଙ୍କ ସମର୍ଥନକୁ ନେଇ ରାଜନୈତିକ ଚର୍ଚ୍ଚା ଆରମ୍ଭ ହୋଇଯାଇଛି ।