ବେଲୁନ୍ ଭିତରେ ପଶି ବେଦିରେ ଉଭା ହେଲେ କନିଆଁ: ବର ତାଟକା, ଦେଖନ୍ତୁ Video
କିଛି ଭିନ୍ନ କରିବାକୁ ଯାଇ ଟ୍ରୋଲ ହେଲେ କନିଆଁ । ବେଲୁନରେ ପଶିଥିବା କନିଆଁ କଳାକାରଙ୍କୁ ରାଧା, କୃଷ୍ଣ ବେଶରେ ନଚେଇଲେ । ଭିଡିଓ ଦେଖି ରାଗିଲେ ୟୁଜର୍ସ ।
ଓଡ଼ିଶା ଭାସ୍କର: ସୋସିଆଲ ମିଡିଆରେ ବର୍ତ୍ତମାନ ସମୟରେ ବାହାଘର ଭିଡିଓ ଖୁବ୍ ଭାଇରାଲ ହେବାରେ ଲାଗିଛି । କେଉଁଠି ବରଯାତ୍ରୀ ନାଗିନ୍ ଡାନ୍ସ କରୁଛନ୍ତି ତ ଆଉ କେଉଁଠି ବର, କନିଆଁ ମିଶି ନାଚୁଛନ୍ତି । ବାହାଘରକୁ ନେଇ ଭଳି କି ଭଳି ଭିଡିଓ ସାମ୍ନାକୁ ଆସିବାରେ ଲାଗିଛି । ଏ ଭିତରେ ଇନଷ୍ଟାଗ୍ରାମରେ ଭିନ୍ନ ଧରଣର ଭିଡିଓ ଚର୍ଚ୍ଚାକୁ ଆସିଛି । ଯେଉଁଥିରେ କନିଆଁ ବେଲୁନ୍ରେ ପଶି ବେଦିକୁ ଯାଉଥିବାର ଦେଖିବାକୁ ମିଳିଛି ।
ପଢ଼ିଲାବେଳକୁ ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ଏହା ସତ । ଭାଇରାଲ ହେଉଥିବା ଭିଡିଓ ଅନୁସାରେ, କନିଆଁ ବିରାଟକାୟ ବେଲୁନ ଭିତରେ ପଶି ଓଢ଼ଣୀ ଠାଣି ଧିରେ ଧିରେ ପାଦ ଆଗକୁ ବଢ଼ାଉଥିବାବେଳେ କୃଷ୍ଣ ଓ ରାଧା ବେଶରେ କିଛି କଳାକାର ନାଚି ନାଚି ତାଙ୍କୁ ପାଛୋଟି ଆଣୁଥିବାର ଦେଖାଯାଉଛି ।
କନିଆଁ କିଛି ଭିନ୍ନ କରିବା ଉଦ୍ଦେଶ୍ୟରେ ଏପରି କରିଛନ୍ତି ହେଲେ ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ୟୁଜର୍ସ ଏହାକୁ ପସନ୍ଦ କରି ନାହାନ୍ତି ।
ଜଣେ ୟୁଜର କମେଣ୍ଟରେ ନିଜ ପ୍ରତିକ୍ରିୟା ଲେଖି କହିଛନ୍ତି, ରାଧା, କୃଷ୍ଣ ଶୋ’ ମେଟେରିଆଲ ନୁହଁନ୍ତି, ଏହାକୁ ବନ୍ଦ କରାଯାଉ । ଆଉଜଣେ ମଜାଳିଆ ଅନ୍ଦାଜରେ ଲେଖିଛନ୍ତି କ’ଣ ସେ ଷ୍ଟେଜ୍ ପର୍ଯ୍ୟନ୍ତ ପହଞ୍ଚି ପାରିଲେ? ରାଧା, କୃଷ୍ଣ ବେଶରେ ଏମିତି ନୃତ୍ୟ କରିବା ଭୁଲ ବୋଲି ଜଣେ ୟୁଜର କହିଛନ୍ତି ।
View this post on Instagram
