Breaking- ଯୁବକଙ୍କ ଅର୍ଦ୍ଧଦଗ୍ଧ ମୃତଦେହ ସହ ଜଳିଯାଇଥିବା ସ୍କୁଟି ଉଦ୍ଧାର

ସୁନ୍ଦରଗଡ- ସୁନ୍ଦରଗଡ ଜିଲ୍ଲାରେ ଛାତିଥରା ଖବର । ଜଣେ ଲୋକଙ୍କୁ ଦୁର୍ବୃତ୍ତମାନେ ଜୀବନ୍ତ ଜାଳିଦେଇଥିବା ସୂଚନା ରହିଛି । ଏଥିରେ ବ୍ୟକ୍ତିଙ୍କ ମୃତ୍ୟୁ ହୋଇଛି । ଏହି ଘଟଣା ଘଟିଛି ଲେପ୍ରିପଡା ସର୍ଗିପାଲିରେ ।

ସୁନ୍ଦରଗଡର ଲେଫ୍ରିପଡା ସର୍ଗିପାଲି ଅଞ୍ଚଳରେ ଘଟିଯାଇଛି ହୃଦୟ ବିଦାରକ ଘଟଣା । ଜଣେ ବ୍ୟକ୍ତିଙ୍କୁ ନିଶଂସମାନେ ଜୀବନ୍ତ ଜାଳିଦେଇଛନ୍ତି ତାଙ୍କ ସ୍କୁଟି ସହ । ବ୍ୟକ୍ତି ଜଣକ ଜଣେ ଯୁବକ ।

ପାଳଗଦା ପାଉଁଶ ତଳୁ ଯୁବକଙ୍କ ଅର୍ଦ୍ଧଦଗ୍ଧ ଶବ ଉଦ୍ଧାର ହୋଇଥିଲା । ଘଟଣାରେ ସ୍କୁଟିଟି ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ପାଳଗଦାର ନିଆଁ ଲିଭିବା ପରେ ଯୁବକଙ୍କୁ ଜାଳିଦିଆଯାଇଥିବା ଘଟଣା ସାମ୍ନାକୁ ଆସିଛି ।

ଲୋକେ ଯୁବକଙ୍କ ଜଳିଯାଇଥିବା ଶରୀର ଦେଖିବା ପରେ ପୋଲିସକୁ ଖବର ଦେଇଥିଲେ । ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦେଇଛି ।

ତେବେ କେଉଁ ପରିସ୍ଥିତିରେ ଓ କିଏ ଏପରି ଘଟଣା ଘଟାଇଲା ତାହା ଜଣାପଡି ନାହିଁ । ପୋଲିସ ତାର ତଦନ୍ତ ଆରମ୍ଭ କରିଛି ।