ଖାଲ ଭିତରକୁ ଖସିଲା ବସ, ଜଣେ ମୃତ;୪୦ ଜଣ ଆହତ
ଇଡୁକି:ନୂଆ ବର୍ଷର ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ମୋଦୀ ତାଙ୍କ ଟ୍ୱିଟର ପେଜରେ ଏ ଲାଗି ଏକ ଅଭିବାଦନ ପୋଷ୍ଟ କରିଛନ୍ତି । ଏହା ସହିତ ସେ ଲେଖିଛନ୍ତି ନୂତନ ବର୍ଷ ସମସ୍ତଙ୍କ ପାଇଁ ସୁଖମୟ ହେଉ । ସମସ୍ତଙ୍କର ସ୍ୱାସ୍ଥ୍ୟ ଭଲ ରହୁ ।
ନୂଆ ବର୍ଷ ଆରମ୍ଭରୁ ହିଁ ଅନେକ ଦୁଃଖଦ ଘଟଣା ଆସି ପହଞ୍ଚିଛି । ଗୋଟିଏ ପରେ ଗୋଟିଏ ଦୁର୍ଘଟଣା ଘଟିଚାଲିଛି । କାହା ପାଇଁ ଏହି ବର୍ଷ ଶୁଭ ଆଉ ଖୁସିରେ ଆରମ୍ଭ ହେଉଥିବା ବେଳେ କାହା ପାଇଁ ଅତ୍ୟନ୍ତ କଷ୍ଟଦାୟକ ପାଲଟି ଯାଇଛି ।
କେରଳର ଇଡୁକିରେ ଏକ ଟୁରିଷ୍ଟ ବସ୍ ଏକ ଖାଲରେ ଖସିପଡି ଜଣେ ଇଞ୍ଜିନିୟରିଂ ଛାତ୍ରଙ୍କର ମୃତ୍ୟୁ ଘଟିଥିବା ବେଳେ ୪୦ ଜଣ ଆହତ ହୋଇଥିଲେ। ରବିବାର ସକାଳେ ତିରୁବନନ୍ତପୁରମ୍ ଠାରୁ ପ୍ରାୟ ୩୨୦ କିଲୋମିଟର ଦୂରରେ ଥିବା ତିରୁରର ଏକ ଇଞ୍ଜିନିୟରିଂ କଲେଜର ଛାତ୍ରଛାତ୍ରୀ ମାନେ ଫେରୁଥିବା ବେଳେ ଏହି ଦୁର୍ଘଟଣା ଘଟିଛି।
ଦୁର୍ଘଟଣା ପରେ ପୋଲିସ ଏବଂ ସ୍ଥାନୀୟ ଲୋକ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟରେ ନିୟୋଜିତ ହୋଇଥିଲେ। କୁହାଯାଉଛି ଯେ ବସ୍ ନିୟନ୍ତ୍ରଣ ହରାଇବା ପରେ ଖାଲ ଭିତରକୁ ଖସି ପଡିଥିଲା। ଦୁର୍ଘଟଣା ସମ୍ପର୍କରେ ଅଧିକ ବିବରଣୀ ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ।
ସୂଚନାମୁତାବକ ଶନିବାର ଦିନ ମହାରାଷ୍ଟ୍ରର ବାରାମାତିରେ ଏକ ବ୍ରିଜରୁ ଏକ ବସ୍ ଖସିବାର ଖବର ଆସିଥିଲା। ତେବେ ନୂଆବର୍ଷ ପୂର୍ବରୁ ହିଁ ଏହିଭଳି ଅନେକ ଦୁର୍ଘଟଣା ଘଟିଛି।
