୩୦ ଜୁନ୍ ୨୦୨୪ ପର୍ଯ୍ୟନ୍ତ ସୁଧ ସମୀକରଣ ଯୋଜନା ଜାରି ରଖିବା ପାଇଁ ୨୫୦୦ କୋଟି ଟଙ୍କାର ଅତିରିକ୍ତ ଆବଣ୍ଟନ ପ୍ରସ୍ତାବକୁ କେନ୍ଦ୍ର କ୍ୟାବିନେଟରେ ଅନୁମୋଦନ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ୩୦ ଜୁନ୍ ୨୦୨୪ ପର୍ଯ୍ୟନ୍ତ ସୁଧ ସମୀକରଣ ଯୋଜନା ଜାରି ରଖିବା ପାଇଁ ୨୫୦୦ କୋଟି ଟଙ୍କାର ଅତିରିକ୍ତ ଆବଣ୍ଟନ ପ୍ରସ୍ତାବକୁ ଅନୁମୋଦନ କରାଯାଇଛି। ଏହା ଚିହ୍ନଟ ହୋଇଥିବା କ୍ଷେତ୍ରର ରପ୍ତାନିକାରୀ ଏବଂ ସମସ୍ତ ଏମଏସଏମଇ ଉତ୍ପାଦକ ରପ୍ତାନିକାରୀଙ୍କୁ ପ୍ରତିଯୋଗିତାମୂଳକ ହାରରେ ଶିପମେଣ୍ଟ ପୂର୍ବ ଓ ପରବର୍ତ୍ତୀ ଟଙ୍କା ରପ୍ତାନି ଋଣର ଲାଭ ଉଠାଇବାରେ ସାହାଯ୍ୟ କରିବ।

ବିବରଣୀ :

ଚିହ୍ନଟ ହୋଇଥିବା ୪୧୦ଟି ଶୁଳ୍କ ଲାଇନର ଉତ୍ପାଦନକାରୀ ଓ ବ୍ୟବସାୟୀ ରପ୍ତାନିକାରୀ ଏବଂ ଏମ୍ଏସ୍ଏମ୍ଇ କ୍ଷେତ୍ରର ସମସ୍ତ ଉତ୍ପାଦକ ରପ୍ତାନିକାରୀଙ୍କୁ ନିମ୍ନଲିଖିତ ଦରରେ ୩୦.୦୬.୨୦୨୪ ପର୍ଯ୍ୟନ୍ତ ଲାଭ ଜାରି ରହିବ:

କାର୍ଯ୍ୟକାରିତା ରଣନୀତି ଏବଂ ଲକ୍ଷ୍ୟ:

ଏହି ଯୋଜନାକୁ ଭାରତୀୟ ରିଜର୍ଭ ବ୍ୟାଙ୍କ ବିଭିନ୍ନ ସରକାରୀ ଏବଂ ଅଣ-ସରକାରୀ କ୍ଷେତ୍ର ବ୍ୟାଙ୍କ ମାଧ୍ୟମରେ କାର୍ଯ୍ୟକାରୀ କରିବ ଯେଉଁମାନେ ରପ୍ତାନୀକାରୀଙ୍କୁ ଶିପମେଣ୍ଟ ପୂର୍ବ ଏବଂ ପରବର୍ତ୍ତୀ ଋଣ ପ୍ରଦାନ କରିଥାନ୍ତି । ଡିଜିଏଫଟି ଏବଂ ଆରବିଆଇ ମିଳିତ ଭାବରେ ଏକ ପରାମର୍ଶଦାତା ବ୍ୟବସ୍ଥା ମାଧ୍ୟମରେ ଏହି ଯୋଜନାକୁ ତଦାରଖ କରନ୍ତି ।

ପ୍ରଭାବ:

ଆନ୍ତର୍ଜାତିକ ସ୍ତରରେ ପ୍ରତିଦ୍ୱନ୍ଦ୍ୱିତା କରିବା ପାଇଁ ରପ୍ତାନି କ୍ଷେତ୍ର ଲାଗି ପ୍ରତିଯୋଗିତାମୂଳକ ହାରରେ ସିପମେଣ୍ଟ ପ୍ୟାକିଂ ପୂର୍ବ ଓ ପରବର୍ତ୍ତୀ ଋଣ ଉପଲବ୍ଧତା ଗୁରୁତ୍ୱପୂର୍ଣ୍ଣ । ଆଇଆଇଏମ କାଶୀପୁର ଦ୍ୱାରା କରାଯାଇଥିବା ଅଧ୍ୟୟନ ଅନୁଯାୟୀ ସୁଧ ସମୀକରଣ ଯୋଜନାର ପ୍ରଭାବ ଦେଶର ରପ୍ତାନି ଅଭିବୃଦ୍ଧି ପାଇଁ ଲାଭଦାୟକ ହୋଇଛି । ନିଯୁକ୍ତି ସୃଷ୍ଟି ପାଇଁ ଏମ୍ ଏସ୍ ଏମ୍ ଇ କ୍ଷେତ୍ର ଅତ୍ୟନ୍ତ ଜରୁରୀ। ଏହି ଯୋଜନା ମୁଖ୍ୟତଃ ଶ୍ରମ ଭିତ୍ତିକ କ୍ଷେତ୍ର ପାଇଁ ଉଦ୍ଦିଷ୍ଟ । ବର୍ତ୍ତମାନର ପ୍ରସ୍ତାବ ଚିହ୍ନଟ ଶୁଳ୍କ ଲାଇନର ବ୍ୟବସାୟୀ ଓ ଉତ୍ପାଦକ ରପ୍ତାନିକାରୀ ଏବଂ ଏମଏସଏମଇ କ୍ଷେତ୍ର ନିର୍ମାତା ରପ୍ତାନିକାରୀଙ୍କ ରପ୍ତାନି ପାଇଁ ଉଦ୍ଦିଷ୍ଟ । ଏହି ନିଯୁକ୍ତି ଭିତ୍ତିକ କ୍ଷେତ୍ର ଏବଂ ଏମଏସଏମଇରୁ ରପ୍ତାନି ବୃଦ୍ଧି ହେଲେ ଦେଶରେ ନିଯୁକ୍ତି ସୃଷ୍ଟି ହେବ ।

ଆର୍ଥିକ ପ୍ରଭାବ:

ଏହି ଯୋଜନା ଅଧୀନରେ ବର୍ତ୍ତମାନର ୯୫୩୮ କୋଟି ଟଙ୍କାର ବ୍ୟୟବରାଦଠାରୁ ଅଧିକ ୨୫୦୦ କୋଟି ଟଙ୍କାର ଅତିରିକ୍ତ ବ୍ୟୟବରାଦ ଏହି ଯୋଜନାକୁ ୩୦.୦୬.୨୦୨୪ ପର୍ଯ୍ୟନ୍ତ ଜାରି ରଖିବା ପାଇଁ ପାଣ୍ଠି ବ୍ୟବଧାନକୁ ପୂରଣ କରିବା ପାଇଁ ଉପଲବ୍ଧ କରାଯାଇଛି । ଏହି ଯୋଜନା ଅଧୀନରେ ଆନୁମାନିକ ବାର୍ଷିକ ଖର୍ଚ୍ଚ ପାଖାପାଖି ୨୫୦୦ କୋଟି ଟଙ୍କା ହେବ ।

ଲାଭ:

ଉଦ୍ଦିଷ୍ଟ ଲକ୍ଷ୍ୟ ଆଧାରିତ ହିତାଧିକାରୀଙ୍କ ମଧ୍ୟରେ ସମସ୍ତ ଏମଏସଏମଇ ଉତ୍ପାଦନକାରୀ ରପ୍ତାନିକାରୀ ଏବଂ ୪ ଅଙ୍କ ବିଶିଷ୍ଟ ୪୧୦ ଟି ଶୁଳ୍କ ଲାଇନର କେତେକ ଚିହ୍ନଟ ହୋଇଥିବା କ୍ଷେତ୍ରର ଅଣ-ଏମଏସଏମଇ ରପ୍ତାନିକାରୀ ସାମିଲ ଅଛନ୍ତି ।

ଯୋଜନାର ବିବରଣୀ ଏବଂ ଅଗ୍ରଗତି ଯଦି ପୂର୍ବରୁ ଚାଲିଛି:

ଗତ ୩ ବର୍ଷ ଧରି ଏହି ଯୋଜନା ଅଧୀନରେ ରାଶି ବଣ୍ଟନର ସଂଖ୍ୟା ନିମ୍ନଲିଖିତ ଅଟେ: