କାସିନୋର ହୋଟେଲରେ ଅଗ୍ନିକାଣ୍ଡ, ୧୦ ମୃତ

କାମ୍ବୋଡିଆ: କାମ୍ବୋଡିଆର ଏକ ହୋଟେଲରେ ଭୟଙ୍କର ଅଗ୍ନିକାଣ୍ଡ ଯୋଗୁଁ ୧୦ ଜଣଙ୍କର ମୃତ୍ୟୁ ଖବର ଘଟିଛି । ସ୍ଥାନୀୟ ସମୟ ଅନୁଯାୟୀ, ସକାଳ ୮.୩୦ ରେ ହୋଟେଲରେ ଭୟଙ୍କର ଅଗ୍ନିକାଣ୍ଡ ଘଟିଥିଲା। ରିପୋର୍ଟ ଅନୁଯାୟୀ, ହୋଟେଲ ଗ୍ରାଣ୍ଡ ଡାଇମଣ୍ଡ ସିଟିରେ ଅଗ୍ନିକାଣ୍ଡରେ ୩୦ ଜଣ ଗୁରୁତର ଆହତ ହୋଇଛନ୍ତି। ବର୍ତ୍ତମାନ ସୁଦ୍ଧା ଉଦ୍ଧାର କାର୍ଯ୍ୟ ଜାରି ରହିଛି।

ସୂଚନା ଅନୁଯାୟୀ, ଏହି ହୋଟେଲର କାଜିନୋରେ ବହୁତ କାର୍ଯ୍ୟକଳାପ ରହିଥିଲା । ଏହି ଅଗ୍ନିକାଣ୍ଡ ଯୋଗୁଁ ପ୍ରାୟ ୫୦ଜଣ ଲୋକ ସେଠାରେ ଫସି ରହିଥିଲେ । ଏହି ଘଟଣାର କିଛି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଯେଉଁଥିରେ ନିଆଁ କିପରି ଆକାଶକୁ ସ୍ପର୍ଶ କରୁଛି ତାହା ଦେଖାଯାଉଛି । ଦ୍ୱିତୀୟ ଭିଡିଓ କ୍ଲିପ୍‌ରେ ଛାତର ଏକ ବଡ଼ ଅଂଶ ଜଳୁଥିବା ଦେଖାଯାଉଛି । ଅନ୍ୟପକ୍ଷରେ ହୋଟେଲ ମ୍ୟାନେଜମେଣ୍ଟ ଅନୁଯାୟୀ ଏହି ଘଟଣାରେ ବହୁତ କ୍ଷତି ହୋଇଛି।

ନିଆଁ ଲାଗିବା ମାତ୍ରେ କିଛି ଲୋକ ନିଜ ଜୀବନ ବଞ୍ଚାଇବା ପାଇଁ ଅନେକ ମହଲା ଉଚ୍ଚ ଝରକା ଦେଇ ଡେଇଁବାକୁ ବାଧ୍ୟ ହୋଇଥିଲେ। ଏହି ସମୟରେ ହୋଟେଲର ଅନ୍ୟାନ୍ୟ ଅଂଶ ପୋଡି ଯାଇଛି | ଏହି ସମୟରେ କାଜିନୋ କର୍ମଚାରୀମାନେ କୋଠାର ସିଡ଼ିରେ ଦୌଡୁଥିବାର ଦେଖିବାକୁ ମିଳିଥିଲା । ବିଲ୍ଡିଂର କିଛି ଅଂଶ ଭୁଶୁଡି ପଡିଛି।

ଏହି ନିଆଁ ସ୍ଥାନୀୟ ଲୋକଙ୍କୁ ପ୍ରାୟ ୬ଘଣ୍ଟା ଧରି ଭୟଭୀତ କରି ରଖିଥିଲା। ଉଦ୍ଧାର କାର୍ଯ୍ୟରେ ସ୍ଥାନୀୟ ଲୋକମାନେ ସେମାନଙ୍କର ନିଜସ୍ୱ ଭୂମିକା ଗ୍ରହଣ କରିଥିଲେ। ନିଆଁକୁ ଆୟତ୍ତ କରିବା ପାଇଁ ଥାଇଲ୍ୟାଣ୍ଡରୁ ଜରୁରୀକାଳୀନ କର୍ମଚାରୀଙ୍କୁ ଅଣାଯାଇଛି। ଏହି ସମୟରେ ଅଗ୍ନିଶମ କର୍ମଚାରୀମାନେ ୫୩ ଜଣଙ୍କୁ ସୁରକ୍ଷିତ ଭାବରେ ଉଦ୍ଧାର କରିବାରେ ମଧ୍ୟ ସଫଳତା ପାଇଛନ୍ତି। ଅଗ୍ନିଶମ କର୍ମଚାରୀ କହିଛନ୍ତି ଯେ, ନିଆଁକୁ ନିୟନ୍ତ୍ରଣକୁ ନିଆଯାଇଛି ଏବଂ ହୋଟେଲ ରୁମଗୁଡିକର ସତର୍କତାମୂଳକ ଅନୁସନ୍ଧାନ ଜାରି ରହିଛି ।