ନିଟ୍ ପେପର ଲିକ୍ ମାମଲାରେ CBIର ବଡ଼ ଆକ୍ସନ, ଆଉ ଦୁଇଜଣ ଗିରଫ

ନୂଆଦିଲ୍ଲୀ : ନିଟ୍ ପେପର ଲିକ୍ ମାମଲାରେ ସିବିଆଇ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି । କେନ୍ଦ୍ରୀୟ ଅନୁସନ୍ଧାନ ଏଜେନ୍ସି ଆଉ ଦୁଇ ଜଣଙ୍କୁ ଗିରଫ କରିଛି । କୁହାଯାଉଛି ଯେ କେନ୍ଦ୍ରୀୟ ଅନୁସନ୍ଧାନ ଏଜେନ୍ସି ପ୍ରିନ୍ସପାଲ ଏହସାନୁଲ ହକ ଏବଂ ଭାଇସ୍ ପ୍ରିନ୍ସପାଲ ଇମତିଆଜଙ୍କୁ ଗିରଫ କରିଛି ।

ଉଭୟଙ୍କୁ ପୂର୍ବରୁ ପଚରାଉଚରା କରାଯାଉଥିଲା । ତେବେ ଏହି ହାଇ ପ୍ରୋଫାଇଲ୍ ମାମଲାରେ ଅନୁସନ୍ଧାନକାରୀ ସଂସ୍ଥା ଦ୍ୱାରା ନିରନ୍ତର କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି, ଯାହାଫଳରେ ନିଟ୍ ପେପର ଲିକ୍ ମାମଲାରେ ମୁଖ୍ୟ ଅଭିଯୁକ୍ତଙ୍କ ସହ ଏହି ପୁରା ରାକେଟର ପର୍ଦ୍ଦାଫାସ୍ ହୋଇପାରିବ । ଅନ୍ୟପଟେ ନିଟ୍ ପେପର ଲିକ୍ ପ୍ରସଙ୍ଗ ମଧ୍ୟ ସଂସଦରେ ପହଞ୍ଚିଛି । ଶୁକ୍ରବାର ଦିନ ବିରୋଧୀ ଦଳ ଏହି ପ୍ରସଙ୍ଗରେ ଜବରଦସ୍ତ ହଙ୍ଗାମା ସୃଷ୍ଟି କରିଛନ୍ତି । ଏହି କାରଣରୁ ଲୋକସଭା ସହିତ ରାଜ୍ୟସଭାର ପ୍ରକ୍ରିୟା ସ୍ଥଗିତ ରଖିବାକୁ ପଡିଛି ।