ତଳେ ବାଦଲ, ଉପରେ ପୋଲ….ଦେଖନ୍ତୁ ଦୁନିଆର ସବୁଠୁ ଉଚ୍ଚତମ ବ୍ରିଜ୍, ଫଟୋ ଦେଖି କହିବେ ବାଃ ବାଃ
ନୂଆଦିଲ୍ଲୀ: ଦୁନିଆର ସବୁଠୁ ଉଚ୍ଚତମ ଜମ୍ମୁ-କାଶ୍ମୀରର ଚିନାବ ନଦୀ ଉପରେ ନିର୍ମାଣ ହେଉଛି । “ଚିନାବ ବ୍ରିଜ୍” ନାମରେ ପ୍ରସିଦ୍ଧ ଏହି ବ୍ରିଜ୍ ଚଳିତ ବର୍ଷ ଡିସେମ୍ବର ମାସ ଆଡ଼କୁ ରେଳ ଯାତାୟାତ ପାଇଁ ଚାଲୁ ହୋଇପାରେ । ଚାଲୁ ହେବା ପୂର୍ବରୁ କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଏହି ବ୍ରିଜ୍ ର ଫଟୋ ନିଜର ଟୁଇଟର୍ ହ୍ୟାଣ୍ଡେଲରେ ସେୟାର୍ କରିଛନ୍ତି । ଫଟୋଟିକୁ ସେୟାର୍ କରି ମନ୍ତ୍ରୀ କ୍ୟାପସନ୍ ରେ ଲେଖିଛନ୍ତି ଯେ, “ବାଦଲ ଉପରେ ଦୁନିଆର ସବୁଟୁ ଉଚ୍ଚ ଆର୍କ ଚିନାବ ବ୍ରିଜ୍” ।
ଫଟୋରେ ବ୍ରିଜ୍ ର ଏକ ଶାନଦାର୍ ଦୃଶ୍ୟ ଦେଖିବାକୁ ମିଳିଛି । ଏହାର ଉଚ୍ଚତା ଏତେ ଯେ, ବାଦଲକୁ ବି ଏହାର ତଳକୁ ଆସିଯାଇଛି । ଚିନାବ ନଦୀ ଉପରେ ନିର୍ମାଣ ହେବାକୁ ଯାଉଥିବା ଏହି ବ୍ରିଜ୍ ର ଉଚ୍ଚତା ଭୂମିଠାରୁ ୩୫୯ ମିଟର୍ । ବ୍ରିଜ୍ ଟିକୁ ଜମ୍ମୁ-କାଶ୍ମୀରର ରିୟାସୀ ଜିଲ୍ଲାରେ କଟରା-ବନିହାଲ୍ ରେଳଖଣ୍ଡରେ ୨୭ହଜାର ୯୪୧ କୋଟି ଟଙ୍କା ବ୍ୟୟରେ ନିର୍ମାଣ କରାଯାଉଛି ।
ବ୍ରିଜ୍ ର ମୁଖ୍ୟ ଆର୍କ ସହିତ ୧୩୧୫ ମିଟର୍ ଲମ୍ବା ତିଆରି କରିବାକୁ ଡିଜାଇନ୍ କରାଯାଇଛି । ଏହି ବ୍ରିଜର ନିର୍ମାଣ କୋଙ୍କଣ ରେଲୱେ କର୍ପୋରେସନ୍ ଲିମିଟେଡ୍(କେଆରସିଏଲ୍) ଉଧମପୁର-ଶ୍ରୀନଗର-ବାରାମୁଳା ରେଳ ଲିଙ୍କ୍ ପରିଯୋଜନା ଅଧୀନରେ କରାଯାଉଛି । ଏହି ଘାଟି ଦେଶର ଅନ୍ୟାନ୍ୟ ଅଂଶରେ ଥିବା ରେଳବାଇ ସହିତ ସଂଯୋଗ ହେବ ।
The world's highest #arch #ChenabBridge over the clouds. pic.twitter.com/0fkKFc4Nte
— Ashwini Vaishnaw (@AshwiniVaishnaw) February 7, 2022
ଜାଣିଥାନ୍ତୁ ଯେ, ଏହି ଖାସ୍ ବ୍ରିଜର ସବୁଠାରୁ ମହତ୍ତ୍ୱପୂର୍ଣ୍ଣ ପ୍ରଯୁକ୍ତିବିଦ୍ୟା ବିଶେଷତା ହେଉଛି ଯେ, ଏହାକୁ ଯେଉଁ ଷ୍ଟ୍ରକ୍ଚୁରାଲ୍ ଷ୍ଟିଲ ଦ୍ୱାରା ତିଆରି କରାଯାଉଛି ତାହା ମାଇନସ୍ ୧୦ ଡିଗ୍ରୀ ସେଲସିୟସ୍ ରୁ ୪୦ ଡ୍ରିଗୀ ସେଲସିୟସ୍ ପର୍ଯ୍ୟନ୍ତ ତାପମାତ୍ରାକୁ ସମ୍ଭାଳିପାରିବ । ଅର୍ଥାତ୍ ଜମ୍ମୁ-କାଶ୍ମୀରର ପାଣିପାଗ ଏହି ବ୍ରିଜ୍ ଉପରେ କୌଣସି ପ୍ରଭାବ ପକାଇବ ନାହିଁ ।
