୫୦ଟଙ୍କାରେ କରୁଥିଲେ ଷ୍ଟାଣ୍ଡ ଅପ କମେଡି ଆଉ ପେଟ ପୋଷିବା ପାଇଁ ଚଳାଉ ଥିଲେ ଅଟୋ; କିଛି ଏପରି ଥିଲା ରାଜୁ ଶ୍ରୀବାସ୍ତବ ଜୀବନ ଯାତ୍ରା
ନୂଆଦିଲ୍ଲୀ:ଜୀବନରେ ସବୁ ଠାରୁ ବଡ କଷ୍ଟକର କାର୍ଯ୍ୟ ହେଉଛି କାହାକୁ ହସେଇବା । ଖୁସି କରେଇବା । କାହା ମୁହଁରେ ହସ ଫୁଟାଇବା । ତେବେ ଆପଣ ଜାଣନ୍ତି ଏହି ହସାଇବାକୁ କିଛି ଲୋକ ପେସା ମାଧ୍ୟମରେ ମଧ୍ୟ ନେଇ ଥାଆନ୍ତି । ଆଉ ସେ ଜୀବନ ଯାତ୍ରା ଶେଷ ହେବା ପର୍ଯ୍ୟନ୍ତ ଲୋକଙ୍କୁ କେବଳ ହସେଇବାକୁ ହିଁ ଚାହାନ୍ତି । ତେବେ ଆଜି ଏହି ଭଳି ଏକ ବ୍ୟକ୍ତି ବିଶେଷଙ୍କର ଦେହାନ୍ତ ହୋଇ ଯାଇଛି । ଆଉ ତାଙ୍କୁ ସାରା ଦେଶରେ ଲୋକେ କମେଡି କିଙ୍ଗ ଭାବରେ ଜାଣନ୍ତି । ନାମ ହେଉଛି ରାଜୁ ଶ୍ରୀବାସ୍ତବ । ଷ୍ଟାଣ୍ଡ ଅପ କମେଡିୟାନ ଭାବେ ନିଜର ଯାତ୍ରା ଆରମ୍ଭ କରିଥିବା ରାଜୁ ପ୍ରାରମ୍ଭିକ ଜୀବନରେ ଅନେକ ସମସ୍ୟା ଦେଇ ଗତି କରିଥିଲେ । କାହିଁ କେତେ ବାଧାବିଘ୍ନକୁ ଏଡାଇ ସେ ସମାଜରେ ତାଙ୍କର ଏକ ପରିଚୟ ସୃଷ୍ଟି କରିପାରିଥିଲେ । ଲୋକଙ୍କୁ ହସେଇବା ପାଇଁ କାହିଁ କେତେ ଲୋକଙ୍କ ନିର୍ଜାତନା, ପରିହାସ ସହିଛନ୍ତି କେବଳ ସେ ନିଜେ ହିଁ ଜାଣିଛନ୍ତି । କିନ୍ତୁ ସଫଳତା ପାଇବା ପରେ ମଧ୍ୟ ଜଣେ ସାଧାରଣ ବ୍ୟକ୍ତ ଭାବେ ନିଜକୁ ସ୍ଥିର ରଖି ଆସିଥିଲେ ରାଜୁ ।
ଉତ୍ତରପ୍ରଦେଶର କାନପୁର ଠାରେ ୧୯୬୩ରେ ଜନ୍ମ ଗ୍ରହଣ କରିଥିଲେ ରାଜୁୂ ।ଆଜି ତାଙ୍କର ଦେହାନ୍ତରେ ସାରା ବଲିଉଡ ଜଗତରେ ଯେପରି ହସର ସ୍ୱର ଉଡିଯାଇ ଦୁଃଖର କଳାବାଦଲ ଛାଇଯାଇଛି । ଆପଣ ଜାଣିଲେ ଆଶ୍ଚର୍ଯ୍ୟ ହେବେ ତାଙ୍କର ପିତା ଜଣେ ପ୍ରସିଦ୍ଧ ହିନ୍ଦୀ ଲେଖକ ଥିଲେ । ସେ ପିଲାବେଳୁ କଳାକାର ମାନଙ୍କର ନକଲ କରୁଥିଲେ । ତେବେ ଏହି କଳାକୁ କେବଳ ତାଙ୍କର ପ୍ରଧାନଶିକ୍ଷକ ପ୍ରଶଂସା କରୁଥିବା ବେଳେ ଅନ୍ୟ ସମସ୍ତେ ତାଙ୍କର ଏହି କଳାକୁ ନେଇ ତାଙ୍କର ମଜାକ ଉଡାନ୍ତି ।
ନିଜର ସ୍ୱପ୍ନକୁ ପୂରା କରିବା ପାଇଁ ତାଙ୍କୁ ୨୦ ବର୍ଷ ଲାଗିଗଲା । ଆଉ ସେ ଏହି ଯାତ୍ରା ଆରମ୍ଭ କରିବା ବେଳେ ଅଟୋଚଳାଇ ନିଜର ପେଟ ପୋଷୁଥିଲେ । ରାଜୁଙ୍କୁ ପରିଚୟ ଦେଲା ଦ ଗ୍ରେଟ ଇଣ୍ଡିଆନ ଲାଫ୍ଟର ଚ୍ୟାଲେଞ୍ଜ । କିନ୍ତୁ ଏହା ପୂର୍ବରୁ ସେ ପେଟ ପୋଷିବା ପାଇଁ ସ୍ଥାନେ ସ୍ଥାନେ ଷ୍ଟାଣ୍ଡ ଅପ କମେଡି କରୁଥିଲେ । ଆଉ ତାଙ୍କୁୂ ଏଥି ପାଇଁ ମାତ୍ର ୫୦ ଟଙ୍କା ମିଳୁଥିଲା । ଏହା ପରେ ସେ ବଲିଉଡରେ ମଧ୍ୟ ଛୋଟ ଛୋଟ ଚରିତୟରେ ନଜର ଆସିଲେ । ଏହା ପରେ ସେ ବହୁ ଟିଭି ସୋ ମଧ୍ୟ କରିଲେ । ନିରନ୍ତର ପ୍ରଚେଷ୍ଟା ତାଙ୍କୁ ବିଶ୍ୱ ଦରବାରେ ପରିଚିତ କରାଇଲା ।
ସେ ସବୁ ବେଳେ ଗୋଟିଏ କଥା କହୁଥିଲେ, ‘ମୁସକୁରାତେ ରହୋ:ଯେତେବେଳେ ଦୁଃଖ ଲାଗୁଛି ବାହାରକୁ ଦେଖ ତୁମ ଠାରୁ ଆହୁରି ଦୁଃଖ ଅବସ୍ଥାରେ କେହି ନା କେହି ନିଶ୍ଚୟ ଥିବେ, ଆଉ ଆପଣ ଜାଣି ପାରିବେ ଆପଣ କେତେ ଭଲରେ ଅଛନ୍ତି ।’
ଆଜି ଏହି କମେଡି ବାଦଶାହା ଆମ ଭିତରେ ଆଉ ନାହାନ୍ତି । କିଛି ଦିନ ହେବ ହୃଦରୋଗରେ ପୀଡିତ ହୋଇ ସେ ଏମ୍ସରେ ମେଡିକାରେ ଭର୍ତ୍ତି ହୋଇଥିଲେ । ସ୍ୱାସ୍ଥ୍ୟଅବସ୍ଥା ବିଗିଡିବାରୁ ତାଙ୍କୁ ଭେଣ୍ଟିଲେଟରକୁ ସ୍ଥାନାନ୍ତରିତ କରାଯାଇଥିଲା । ଆଉ ଆଜି ସେ ସବୁ ଦିନ ପାଇଁ ଆଖି ବୁଜି ଦେଇନ୍ତି । ଏହି ଖବର ପ୍ରକାଶ ପାଇବା ପରେ ସବୁ ଠାରେ ଶୋକର ଛାୟା ଖେଳିଯାଇଛି । ଏତେ ସଙ୍ଘର୍ଷ କରି ନିଜର ପରିଚୟ ସୃଷ୍ଟି କରିଥିବା ଏହି ବ୍ୟକ୍ତ ଜଣଙ୍କ ବହୁୂଲୋକଙ୍କ ଦୁଃଖ ସମୟରେ ହସାଇଛି କିନ୍ତୁ ଆଜି ତାଙ୍କ ପରିବାର ଆଖିରେ ଲୁହ ଦେଇ ଆରପାରିକୁ ଚାଲିଯାଇଛନ୍ତି ଶ୍ରୀବାସ୍ତବ ।
