ଏଣିକି ଆୟୁଷ୍ମାନ ଭାରତ ଯୋଜନା ଅଧୀନରେ ସ୍ୱାସ୍ଥ୍ୟ ସେବାର ଲାଭ ପାଇପାରିବେ ଟ୍ରାନ୍ସଜେଣ୍ଡର, ମିଳିବ ୫ ଲକ୍ଷ ଟଙ୍କା ବୀମା

ନୂଆଦିଲ୍ଲୀ: କିନ୍ନରମାନେ ଆୟୁଷ୍ମାନ ଭାରତ ଯୋଜନା ଅଧୀନରେ ସାମଗ୍ରିକ ସ୍ୱାସ୍ଥ୍ୟ ସେବାର ଲାଭ ପାଇପାରିବେ । ଜାତୀୟ ସ୍ୱାସ୍ଥ୍ୟ ପ୍ରାଧିକରଣ, ସାମାଜିକ ନ୍ୟାୟ ଏବଂ ସଶକ୍ତିକରଣ ବିଭାଗ ଏକ ବୁଝାମଣାପତ୍ର ସ୍ୱାକ୍ଷର କରିଛନ୍ତି । ଏହି ବିଷୟରେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମାନସୁଖ ମାଣ୍ଡଭିଆ ବୁଧବାର ଏମଓୟୁକୁ ପ୍ରଶଂସା କରି ଏହାକୁ ଦେଶର ପ୍ରଥମ ବୋଲି କହିଛନ୍ତି ଏବଂ କିନ୍ନରମାନେ ସେମାନଙ୍କ ଅଧିକାର ତଥା ସମ୍ମାନଜନକ ସ୍ଥାନ ନିଶ୍ଚିତ କରିବେ ବୋଲି କହିଛନ୍ତି । ସାମାଜିକ ନ୍ୟାୟ ଏବଂ ସଶକ୍ତିକରଣ ମନ୍ତ୍ରଣାଳୟ ପ୍ରତିବର୍ଷ କିନ୍ନରଙ୍କ ପ୍ରତି ୫ ଲକ୍ଷ ଟଙ୍କା ବୀମା ପ୍ରଦାନ କରିବ ।