ଆଇପିଏଲରେ କମେଣ୍ଟ୍ରି ସମୟରେ ଅଶ୍ଳୀଳ ଭାଷାକୁ ନେଇ ବଢ଼ିଲା ବିବାଦ
କୋଲକାତା: କୋଲକାତାର ଇଡେନ ଗାର୍ଡେନରେ ରବିବାର କୋଲକାତା ନାଇଟ୍ ରାଇଡର୍ସ ଓ ସନରାଇଜର୍ସ ହାଇଦ୍ରାବାଦ ମଧ୍ୟରେ ଖେଳାଯାଇଥିବା ଆଇପିଏଲ ମ୍ୟାଚରେ ଭୋଜପୁରୀରେ ଅଶ୍ଳୀଳ ଭାଷା ବ୍ୟବହାରକୁ ନେଇ ବିବାଦ ସୃଷ୍ଟି ହୋଇଛି । ଅନେକ ଦର୍ଶକ ଏହି ଭିଡିଓକୁ ସୋସିଆଲ ମିଡିଆ ସାଇଟ୍ ଏକ୍ସରେ ଶେୟାର କରି ଉପଯୁକ୍ତ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଏହି ଭିଡିଓ ଖୁବ ଭାଇରାଲ ହେବାରେ ଲାଗିଛି ।
ସନରାଇଜର୍ସ ହାଇଦ୍ରାବାଦର ଇନିଂସରେ ୧୯ତମ ଓଭରରେ ଏହି ମନ୍ତବ୍ୟ ଦିଆଯାଇଥିଲା । ସେହି ସମୟରେ ମିଚେଲ ଷ୍ଟାର୍କ ବୋଲିଂ କରୁଥିଲେ ଏବଂ ହାଇଦ୍ରାବାଦ ବ୍ୟାଟ୍ସମ୍ୟାନ୍ ହେନରିକ୍ କ୍ଲାସେନ୍ ସେହି ସମୟରେ ଲମ୍ବା ସଟ୍ କରୁଥିଲେ । ସେହି ଓଭରରେ ସେ ୩ଟି ଛକା ମାରିଥିଲେ । ମଝି ଓ୍ଵିକେଟ୍ ରେ ତାଙ୍କର ଗୋଟିଏ ଛକା ମାରିବା ବେଳେ ଭୋଜପୁରୀ ଭାଷ୍ୟକାର ଅଶ୍ଳୀଳ ଭାଷା ବ୍ୟବହାର କରିଥିଲେ । ଏହି ଭିଡିଓ କ୍ଲିପ୍ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଅନେକ ଦର୍ଶକ ବିସିସିଆଇ ସମ୍ପାଦକ ଜୟ ଶାହଙ୍କ ସହ ଭୋଜପୁରୀ ଚଳଚ୍ଚିତ୍ର ଅଭିନେତା ଏବଂ ରାଜନେତା ମନୋଜ ତିୱାରୀ ଏବଂ ରବି କିଶନଙ୍କୁ ଟ୍ୟାଗ୍ କରିଥିଲେ । ଏଥିସହିତ ଏହି ପ୍ରସଙ୍ଗକୁ ଗମ୍ଭୀରତାର ସହ ବିଚାର କରିବାକୁ ସେ ନିବେଦନ କରିଛନ୍ତି । ଲୋକମାନେ କହନ୍ତି ଯେ ଭୋଜପୁରୀ ଭାଷ୍ୟକାରଙ୍କ ପାଖରେ ମନ୍ତବ୍ୟ ଦେବାର କ୍ଷମତା ନାହିଁ । ତେବେ ଏ ନେଇ ବୋର୍ଡ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ ।
