କୋଭିଡ ସଂକ୍ରମିତ ଲୋକମାନଙ୍କ ଠାରେ ଦେଖାଯାଉଛି ନୂଆ ଲକ୍ଷଣ…ଚେହେରା ଚିହ୍ନି ପାରୁନାହାନ୍ତି ଲୋକ!ଅଧ୍ୟୟନରୁ ମିଳିଲା ଆଶ୍ଚର୍ଯ୍ୟଜନକ ତଥ୍ୟ

ନୂଆଦିଲ୍ଲୀ: କୋଭିଡ ରୋଗରେ ଯେଉଁମାନେ ପିଡିତ ହେଉଛନ୍ତି ସେମାନଙ୍କୁ ଆହୁରି ବିଭିନ୍ନ ପ୍ରକାରର ରୋଗ ମାଡି ବସୁଛି । ହେଲେ ଏହା ଭିତରେ ଏଭଳି ଏକ ରୋଗ ଆସି ପହଞ୍ଚିଛି ଯାହା ବିଷୟରେ ଶୁଣିଲେ ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ । ଜଣେ ବ୍ୟକ୍ତି କୋଭିଡ ଦ୍ୱାରା ସଂକ୍ରମିତ ହୋଇଥିଲେ ତାଙ୍କର ଚିକିତ୍ସା ମଧ୍ୟ ଚାଲିଥିଲା। ସେ କିଛି ମାସ ପରେ ତାଙ୍କ ପରିବାରକୁ ଭେଟିଥିଲେ। ସେତେବେଳେ ସେ କରୋନା ସଂକ୍ରମିତ କି ନୁହେଁ ତାହା ନିଶ୍ଚିତ ହୋଇନଥିଲା। ଯେତେବେଳେ ବୈଜ୍ଞାନିକମାନେ ତାଙ୍କୁ ପ୍ରଶ୍ନ କରିଥିଲେ। ଯେତେବେଳେ ତାଙ୍କୁ ପରୀକ୍ଷା କରାଗଲା, ସେ କହିଥିଲେ ଯେ ସେ ତାଙ୍କ ପିତାଙ୍କ ସ୍ୱର ଅନ୍ୟର ମୁହଁରୁ ଶୁଣୁଛନ୍ତି। ସାମ୍ନାରେ ଥିବା ଚେହେରା ତାଙ୍କ ପିତା ନଥିଲେ।

ମାର୍ଚ୍ଚ ୨୦୨୦ ରେ କୋଭିଡ୍ -୧୯ ସଂକ୍ରମଣ ପୂର୍ବରୁ ବ୍ୟକ୍ତି ସମସ୍ତଙ୍କ ଚେହେରାକୁ ସାଧାରଣ ଭାବରେ ଚିହ୍ନି ପାରୁ ଥିଲେ। ସଂକ୍ରମଣର କିଛି ଦିନ ପରେ ସେ ସୁସ୍ଥ ହେବାକୁ ଲାଗିଲେ। କିନ୍ତୁ କିଛି ମାସ ପରେ ସେ ପୁଣି ଅସୁସ୍ଥ ହେଲେ। ସେବେଠାରୁ ସେ ଚେହେରା ଚିହ୍ନିବାରେ ଅସୁବିଧା ଭୋଗୁଛନ୍ତି। ବୈଜ୍ଞାନିକମାନେ ଏହାକୁ ଫେସ ବ୍ଲାଇଣ୍ଡ ବୋଲି କହିଛନ୍ତି। ବିଜ୍ଞାନର ଭାଷାରେ ଏହାକୁ ପ୍ରୋସୋପାଗ୍ନୋସିଆ କୁହାଯାଏ । ଲଙ୍ଗ କୋଭିଡ ସହିତ ଜଡିତ ମସ୍ତିଷ୍କ ସମସ୍ୟା ତାଲିକାରେ ଏବେ ଏହା ଯୋଡି ହୋଇଛି । କୋଭିଡ ହେବା ପରେ ଏବେ ଲୋକ ମାନଙ୍କ ପାଖରୁ ଏହି ସବୁ ସମସ୍ୟା ମଧ୍ୟ ଦେଖିବାକୁ ମିଳିଛି ।

ଏହା ପରେ ବୈଜ୍ଞାନିକମାନେ ୫୦ ରୁ ଅଧିକ ଲୋକଙ୍କୁ ଅଧ୍ୟୟନ କରିଥିଲେ। ସେମାନଙ୍କୁ ମଧ୍ୟ କୋଭିଡ୍ ଥିଲା । ସେମାନେ ମଧ୍ୟ ଏହି ସମସ୍ୟାର ସମ୍ମୁଖୀନ ହୋଇଥିଲେ। ସେ ସହଜରେ ଚେହେରାକୁ ଚିହ୍ନି ପାରିଲା ନାହିଁ । ଏହି ସମସ୍ୟାର ଆରମ୍ଭ ହେଉଛି ତାଙ୍କ ସଂକ୍ରମଣରୁ ।ସୂଚନାମୁତାବକ ୨୮ ବର୍ଷର ବ୍ୟକ୍ତି କହିଛନ୍ତି ଯେ ତାଙ୍କୁ ଚେହେରା ପାଣି ପରି ଦେଖାଯାଉଛି । ଗତିଶୀଳ ଏବଂ ପ୍ରବାହିତ ହେବା ଭଳି ଦୃଶ୍ୟମାନ ହେଉଛି ।

ଡାର୍ଟମାଉଥ କଲେଜର ସ୍ନାୟୁବିଜ୍ଞାନୀ ମେରି ଲୁଇ କିସଲର୍ ଏବଂ ବ୍ରାଡ ଡୁଚେନ୍ ବ୍ୟକ୍ତି ଜଣଙ୍କ ଉପରେ ଅନେକ ପରୀକ୍ଷା କରିଥିଲେ। ତା’ପରେ ନିଶ୍ଚିତ କଲେ ଯେ ସେ ଚେହେରାକୁ ଚିହ୍ନିବାରେ ଅସୁବିଧା ଭୋଗୁଛନ୍ତି। ତାଙ୍କର ଏକ ବିଶେଷ ପ୍ରକାରର ଚେହେରା ସ୍ମୃତିର ତ୍ରୁଟି ଅଛି । କିନ୍ତୁ ଏହା ଏକ ବଡ ପ୍ରସଙ୍ଗ ନୁହେଁ । ଧୀରେ ଧୀରେ ଏହା ଭଲ ହୋଇପାରେ। କୋଭିଡରେ ଆକ୍ରାନ୍ତ ହେବା ପରେ ଲୋକେ ଏଭଳି ସମସ୍ୟା ଭୋଗୁଛନ୍ତି । ନିସ୍ୱାଶ ପ୍ରଶ୍ୱାସ ପରେ ଫୁସଫୁସ ଜନିତ ସମସ୍ୟା ପରେ ଏବେ ମୁହଁ ଚିହ୍ନିବାରେ ସମସ୍ୟା ଦେଖା ଗଲାଣି ।