ଘର ଭିତରେ ବାଣ ବିସ୍ଫୋରଣ, ବର୍ତ୍ତିଗଲେ ପରିବାର ସଦସ୍ୟ

ପାଟଣାଗଡ଼: ଆଜି ସାରା ଦେଶ ଦୀପାବଳି ପର୍ବ ପାଳନ କରୁଛି। ସବୁଆଡେ ଉତ୍ସବ ମୁଖର। ହେଲେ ବର୍ତ୍ତମାନ ଏକ ଅଘଟଣ ଖବର ସାମ୍ନାକୁ ଆସିଛି। ପାଟଣାଗଡ଼ରେ ଏକ ଘରେ ବାଣ ବିସ୍ଫୋରଣ ଘଟିଛି। ବାଣ ବିସ୍ଫୋରଣ ବେଳେ ପରିବାର ବର୍ତ୍ତିଯାଇଛନ୍ତି। ପାଟଣାଗଡର ନିବାସୀ ପୂର୍ଣ୍ଣ ସାହୁଙ୍କ ଘରେ ରକେଟ ବାଣ ପଶିଯାଇଥିବାରୁ ଏହି ଅଘଟଣ ଘଟିଛି।

ସୂଚନାନୁଯାୟୀ, ଏହି ବାଣ ବିସ୍ଫୋରଣରେ ଦୁଇଟିି ବାଇକ ଜଳିଯାଇଛି। ଏଥିସହ ଘରର ଆସବାବପତ୍ର ଜଳିଯାଇଛି। ପରିବାରର ତିନିଜଣ ସଦସ୍ୟ ଅଳ୍ପକେ ବର୍ତ୍ତିଯାଇଛନ୍ତି। ବାଣ ବିସ୍ଫୋରଣ ହେବା ମାତ୍ରେ ପରିବାର ଲୋକେ ଘର ବାହାରକୁ ପଳାଇଥିଲେ। ତେବେ ଘରେ ନିଆଁ ଲାଗି ଆସବାବପତ୍ର ସହ ଦୁଇଟି ବାଇକ ଜଳିଯାଇଛି।