୨୦୨୨ ସିଜନରେ ଆହୁରି ଶକ୍ତିଶାଳୀ ହେବ ଦିଲ୍ଲୀ କ୍ୟାପିଟାଲ୍ସ: ଦଳକୁ ଆସୁଛନ୍ତି CSKର ଏହି ଖତରନାକ ବୋଲର

ନୂଆଦିଲ୍ଳୀ: IPL ୨୦୨୨ ଆରମ୍ଭ ପୂର୍ବରୁ ଦିଲ୍ଳୀ କ୍ୟାପିଟାଲ୍ସ ପାଇଁ ଆସିଛି ଖୁସିର ଖବର । ଋଷଭ ପନ୍ତଙ୍କ ଦଳରେ ଯୋଡି ହେବାକୁ ଯାଉଛନ୍ତି ଏହି ସୁପରଷ୍ଟାର ବୋଲର । ଯିଏ ଗତବର୍ଷ ଧୋନୀଙ୍କ ଚେନ୍ନାଇ ତରଫରୁ ଖେଳି ଟୁର୍ଣ୍ଣାମେଣ୍ଟ ନିଜ ନାମରେ କରିଥିଲେ । ଦକ୍ଷିଣ ଆଫ୍ରିକାର ଲୁଙ୍ଗି ଏନଗିଡି ଚଳିତବର୍ଷ ଦିଲ୍ଲୀ ତରାଫରୁ ଖେଳୁଥିବାର ନଜର ଆସିବେ । ଖୁବ ଶୀଘ୍ର ପନ୍ତଙ୍କ ଦିଲ୍ଲୀ କ୍ୟାପିଟାଲ୍ସ ସହ ଯୋଡି ହୋଇ ଅଭ୍ୟାସ ଆରମ୍ଭ କରିପାରନ୍ତି ବୋଲି ସୂଚନା ମିଳିଛି ।

ମାର୍ଚ୍ଚ ୧୮ରେ ବାଂଲାଦେଶ ବିପକ୍ଷ ୨ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳିବାକୁ ଯାଉଛି ଦକ୍ଷିଣ ଆଫ୍ରିକା । ତେବେ ଏହି ସିରିଜରେ ପ୍ରମୁଖ ଦ୍ରୁତ ବୋଲରଙ୍କ ବିନା ଦଳ ମଇଦାନକୁ ଓହ୍ଲାଇବ । ଯାହାର ଭରପୂର ଫାଇଦା ପାଇଛି ଦିଲ୍ଲୀ କ୍ୟାପିଟାଲ୍ସ । ଦିଲ୍ଲୀର ଜଣେ ପ୍ରମୁଖ ବୋଲର ହେଉଛନ୍ତି ଲୁଙ୍ଗି ଏନଗିଡି । ତେଣୁ ବାଂଲାଦେଶ ବିପକ୍ଷ ସିରିଜରୁ ବିଶ୍ରାମ ମିଳିବା ପରେ ସେ ଦିଲ୍ଲୀ ସହ ଯୋଡି ହେବାକୁ ଯାଉଛନ୍ତି । ସେପେଟ କିନ୍ତୁ ଏନରିକ ନର୍ଖିଆଙ୍କ ଖେଳିବା ନେଇ ରହିଛି ଦ୍ୱନ୍ଦ୍ୱ । ଦକ୍ଷିଣ ଆଫ୍ରିକା ନିଜର ଖେଳାଳିମାନଙ୍କୁ IPL ରେ ଖେଳିବା ପାଇଁ ଅନୁମତି ଦେଇଛି । ବିସିସିଆଇ ସହିତ ହୋଇଥିବା ଚୁକ୍ତି ଅନୁସାରେ କ୍ରିକେଟ ସାଉଥ ଆଫ୍ରିକା ଖେଳାଳିମାନଙ୍କୁ IPLପାଇଁ ରିଲିଜ କରିଛି ।