‘ଇରାଦା କର ଲିୟା ହେ…’: ଦିଲ୍ଲୀ ସରକାର ଲଞ୍ଚ କଲେ ନୂଆ ଶିକ୍ଷା ଗୀତ, ଥରେ ଦେଖନ୍ତୁ ଏହି ହୃଦୟସ୍ପର୍ଶୀ Video Song
ନୂଆଦିଲ୍ଲୀ: ଦିଲ୍ଲୀ ସରକାର ଏକ ନୂଆ ଶିକ୍ଷା ଗୀତ ଲଞ୍ଚ କରିଛନ୍ତି । ଗୀତଟି ହେଉଛି ‘ଇରାଦା କର ଲିୟା ହେ, ହମ ଇହ୍ନେ ପଢ଼ାଏଙ୍ଗେ’….’ । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଓ ଡେପୁଟି ସିଏମ ମନୀଷ ସିସୋଦିଆ ଏହି ନୂଆ ଶିକ୍ଷା ଗୀତକୁ ଆଜି ଲଞ୍ଚ କରିଛନ୍ତି ।
ଏହି ଅବସରରେ ଦିଲ୍ଲୀ ଶିକ୍ଷା ନିର୍ଦ୍ଦେଶାଳୟ ଦ୍ୱାରା ତ୍ୟାଗରାଜ ଷ୍ଟାଡିୟମରେ ଏକ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମର ଲାଇଭ୍ ଟେଲିକାଷ୍ଟ କରାଯାଇଥିଲା । ଏନେଇ ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିୱାଲ ଟ୍ୱିଟ୍ କରି କହିଛନ୍ତି ଯେ, ଆସନ୍ତୁ ଦେଶର ସମସ୍ତ ପିଲାଙ୍କୁ ଉତ୍ତମ ମାନର ଶିକ୍ଷା ପ୍ରଦାନ କରିବା । ଶିକ୍ଷା ମାଧ୍ୟମରେ ଦେଶକୁ ଆଗକୁ ଆଗେଇ ନେବା ।
ସେହିପରି ଡେପୁଟି ସିଏମ ସିସୋଦିଆ କହିଛନ୍ତି ଯେ, ପ୍ରତ୍ୟେକ ମଣିଷ ନିଜ କାଳର ମହତ୍ତ୍ୱପୂର୍ଣ୍ଣ ୨୦ ବର୍ଷ ଶିକ୍ଷାକୁ ଦେଇଥାଏ । ମାତ୍ର ଏହି ଦୀର୍ଘ ଅବଧିର ଶିକ୍ଷା ପ୍ରାପ୍ତ କରିବାରେ ପରେ ଆମେ କ’ଣ ଚାହୁଁ? ଆମର ଲକ୍ଷ୍ୟ କ’ଣ? ଶିଶୁମାନେ ମାତାପିତା, ସମାଜ ଓ ରାଷ୍ଟ୍ର ଶିକ୍ଷାରୁ କ’ଣ ହାସଲ କରିବାକୁ ଚାହିଁଥାନ୍ତି? ଏହି ସମସ୍ତ ପ୍ରଶ୍ନର ଉତ୍ତର ପାଇବା ପାଇଁ ଦିଲ୍ଲୀ ଶିକ୍ଷା ଗୀତ ରିଲିଜ୍ କରାଯାଇଛି ।
आइए, देश के हर बच्चे को अच्छी से अच्छी शिक्षा देने की बात करें। शिक्षा के माध्यम से देश को आगे ले जाने की बात करें।
दिल्ली का ये शिक्षा गीत ज़रूर सुनिएगा। https://t.co/BSkyfzK9RH
— Arvind Kejriwal (@ArvindKejriwal) April 19, 2022
