ବୟସ ମାତ୍ର ତିନି ବର୍ଷ କିନ୍ତୁ ଜ୍ଞାନ ଅମାପ ! ଇଣ୍ଡିଆ ବୁକ ଅଫ ରେକର୍ଡରେ ସ୍ଥାନ ପାଇଲେ କୁନି ଛାତ୍ର ଦେବ୍ୟାଂଶ

ଭୁବନେଶ୍ୱର : କେନ୍ଦୁଝର ଜିଲ୍ଲା ପାଟଣା ବ୍ଲକ ଅନ୍ତର୍ଗତ ତୁରୁମୁଙ୍ଗା ଶ୍ରୀ ବିଦ୍ୟା ବାଟିକାରେ ତୁରୁମଙ୍ଗା ଗ୍ରାମର ରୋଜାଲିନ ବେହେରା ଏବଂ ଦେବେଶ ସାହୁଙ୍କ ପୁତ୍ର ଦେବ୍ୟାଂଶ ସାହୁ ପଢନ୍ତି । ବୟସ ମାତ୍ର ତିନି ବର୍ଷ କିନ୍ତୁ ଜ୍ଞାନ ତାଙ୍କର ଅମାପ ।

କଥା କହିବାର ସ୍ପଷ୍ଟତା ନଥିବା ଦେବ୍ୟାଂଶ ଇଂରାଜୀ ବର୍ଣ୍ଣମାଳା ଚିତ୍ର ନାମ ସହ ୮ ପନିପରିବା, ୯ ଆକୃତ୍ତି, ୧୦ ରଙ୍ଗ, ୮ ପକ୍ଷୀ, ୧୨ କୀଟ, ୧୦ ଯାନ, ୮ ବୃତ୍ତି, ୧୬ ଶରୀର ଅଂଶ, ୭ ଫଳ, ୧୨ ପ୍ରାଣୀ ଚି଼ହ୍ନଟ ଏବଂ ନାମକରଣ ପାଇଁ ଇଣ୍ଡିଆ ବୁକ ଅଫ ରେକର୍ଡ ଦ୍ୱାରା ଶ୍ରେଷ୍ଠ ସଫଳତା ପୁରଷ୍କାରରେ ସମ୍ନାନିତ ହୋଇଛନ୍ତି ।

ବାରମ୍ବାର ସଂଖ୍ୟା ଗଣନା, ସପ୍ତାହର ଦିନ, ବର୍ଷର ମାସ ଗୁଡିକ ସ୍ମରଣ କରିବା ସହିତ କେତୋଟି ଇଂରାଜୀ ନର୍ସରୀ ରାଇମ ଏବଂ ସଂସ୍କୃତ ଶ୍ଳୋକ ପାଠ କରିବା ଖୁବ ଆଶ୍ଚର୍ଯ୍ୟ କରିଦେଇଥାଏ । ଦେବ୍ୟାଂଶଙ୍କୁ ଦେଖିଲେ ଆଖିକୁ ସିନା ବିଶ୍ୱାସ କରିହେବ ନାହିଁ କିନ୍ତୁ ହୃଦୟ ଭିତରେ ଯେ ଅମାପ ଜ୍ଞାନର ଅଧିକାରୀ ।

ଏହି କୁନି ଛାତ୍ର ଦେବ୍ୟାଂଶ ପାଇଁ ଯେ କେବଳ ପାଟଣା ମାଟି ଗର୍ବିତ ତାହା ନୁହଁ, ସାରା କେନ୍ଦୁଝର ଜିଲ୍ଲା ଆଜି ଏହି ଭଳି ପ୍ରତିଭା ପାଇ ଗର୍ବିତ ହୋଇଛି । ଶ୍ରୀ ବିଦ୍ୟା ବାଟିକାର ନିର୍ଦ୍ଦେଶକ ଅନିଲ ଚାୱଡାଙ୍କ ନିର୍ଦେଶରେ ଦେବ୍ୟାଂଶ ସାହୁଙ୍କୁ ଶ୍ରୀ ବିଦ୍ୟା ବାଟିକା ଦ୍ୱାରା ସମ୍ବର୍ଦ୍ଧିତ କରାଯାଇଛି । ଏହି ସମ୍ବର୍ଦ୍ଧନା ଉତ୍ସବ ରେ ବିଦ୍ୟା ବାଟିକାର ଶିକ୍ଷକ ଶିକ୍ଷୟତ୍ରୀଙ୍କ ସହିତ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ରହିଥିଲେ । ଦେବ୍ୟାଂଶ ସାହୁଙ୍କ ଭବିଷ୍ୟତ ଜୀବନ ଉଜ୍ବଳମୟ ହେଉ ବୋଲି ଭଗବାନଙ୍କ ନିକଟରେ ସମସ୍ତେ ପ୍ରାର୍ଥନା କରିଥିଲେ ।