ଫ୍ରେଞ୍ଚ ଓପନରେ ଜୋକୋଭିକଙ୍କ ୭୧ ତମ ମ୍ୟାଚ ବିଜୟ
ପ୍ୟାରିସ,୪ା୧୦: ବିଶ୍ୱର ନମ୍ବର ୱାନ ତାରକା ନୋଭାକ ଭୋକୋଭିକ ଚଳିତ ଫ୍ରେଞ୍ଚ ଓନ ଗ୍ରାଣ୍ଡସ୍ଳାମ ଟେନିସ ପୁରୁଷ ସିଙ୍ଗଲ୍ସ ଚତୁର୍ଥ ରାଉଣ୍ଡରେ ପ୍ରବେଶ କରିଛନ୍ତି । ରବିବାର ଦିନ ଅନୁଷ୍ଠିତ ତୃତୀୟ ରାଉଣ୍ଡ ମୁକାବିଲାରେ ଜୋକୋଭିକ କଲୋମ୍ବିଆର ଡ୍ୟାନିଏଲ ଗାଲନଙ୍କୁ ୬-୦,୬-୩ ଓ ୬-୨ ସେଟରେ ପରାସ୍ତ କରିଛନ୍ତି । ତେବେ ଉଲ୍ଲେଖନୀୟ ବିଷୟ ହେଲା ଯେ ଜୋକୋଭିକ୍ ଲଗାତର ୧୧ ଥର ପାଇଁ ଚତୁର୍ଥ ରାଉଣ୍ଡକୁ ଉନ୍ନିତ ହୋଇ ପାରିଛନ୍ତି । ବିଶ୍ୱର ୧୫୩ ମାନ୍ୟତା ପ୍ରାପ୍ତ ଖେଳାଳି ଡ୍ୟାନିଏଲକୁ ହରାଇବା ପାଇଁ ୩୨ ବର୍ଷିୟ ଜୋକୋଭିକ କୌଣସି ସମସ୍ୟାର ସମ୍ମୁଖିନ ହୋଇ ନ ଥିଲେ ।
ଏହା ସହିତ ଜୋକୋଭିକ ଫ୍ରେଞ୍ଚ ସନରେ ୭୧ ତମ ବିଜୟ ହାସଲ କରିବାରେ ସଫଳ ହେବା ସହ ସୁଇଜରଲ୍ୟାଣ୍ଡର ରୋଜର ଫେଡେରେରଙ୍କ ୭୦ ମ୍ୟାଚ ବିଜୟ ରେକର୍ଡକୁ ଅତିକ୍ରମ କରିଛନ୍ତି । କେବଳ ୧୨ ଥର ଚାମ୍ପିଅନ ସ୍ପେନର ରାଫେଲ ନାଡାଲ ଫ୍ରେଞ୍ଚ ଓପନରେ ସର୍ବାଧିକ ୯୬ ମ୍ୟାଚରେ ବିଜୟୀ ହୋଇ ଏ ପର୍ଯ୍ୟନ୍ତ ଅତୁଟ ରେକର୍ଡର ଅଧିକାରୀ ହୋଇ ପାରିଛନ୍ତି । ଜୀବନର ୧୩ତମ ଫ୍ରେଞ୍ଚ ଓନ ସିଙ୍ଗଲ୍ସ ଟାଇଟଲ ହାସଲ ପାଇଁ ଲକ୍ଷ୍ୟ ରଖିଥିବା ରାଫେଲ ନାଡାଲ ମଧ୍ୟ ଚଳିତ ବର୍ଷ ପୁରୁଷ ସିଙ୍ଗଲ୍ସ ଚତୁର୍ଥ ରାଉଣ୍ଡରେ ପ୍ରବେଶ କରିଛନ୍ତି ।
