ହ୍ୱାଟ୍ସଆପରେ ଭୁଲରେ ବି ଏପରି ଫଟୋ ଓ ଭିଡିଓ ପଠାନ୍ତୁ ନାହିଁ: ନଚେତ୍ ଆପଣଙ୍କୁ ହୋଇପାରେ ଜେଲ୍
ନୂଆଦିଲ୍ଲୀ: କେବଳ ଦେଶ ନୁହେଁ, ସମଗ୍ର ବିଶ୍ୱରେ ହ୍ୱାଟ୍ସଆପକୁ ବହୁତ ଭାବେ ବ୍ୟବହାର କରାଯାଉଛି । ଚାଟ୍, ଅଡିଓ ଓ ଭିଡିଓ କଲିଂ ପାଇଁ ଲୋକମାନେ ହ୍ୱାଟ୍ସଆପ୍ ବ୍ୟବହାର କରୁଛନ୍ତି । ଆଜିର ସମୟରେ ଏହି ମେସେଜିଂ ଆପ୍ ସବୁଠାରୁ ଶକ୍ତିଶାଳୀ ବୋଲି ବିବେଚନା କରାଯାଉଛି । ଏହା ମାଧ୍ୟମରେ ଯେକୌଣସି ଭିଡିଓ, ଫଟୋ କିମ୍ବା ସୂଚନା କିଛି ମିନିଟରେ ଭାଇରାଲ୍ ହୋଇପାରେ ।
ଅବଶ୍ୟ ଏହାକୁ ବ୍ୟବହାର କରୁଥିବା କିଛି ଲୋକ ହ୍ୱାଟ୍ସଆପର ପଲିସି ଜାଣନ୍ତି ନାହିଁ କିମ୍ବା ସେମାନେ ଜାଣିବାକୁ ଚେଷ୍ଟା କରନ୍ତି ନାହିଁ । ଉପଭୋକ୍ତାମାନେ ପଲିସି ପାଳନ ନକଲେ ସେମାନଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ହୋଇପାରେ । ହ୍ୱାଟ୍ସଆପରେ କେଉଁ ଜିନିଷଗୁଡିକ ଧ୍ୟାନରେ ରଖିବା ଉଚିତ୍ ଆସନ୍ତୁ ଜାଣିବା…
ହ୍ୱାଟ୍ସଆପର ପଲିସି ଅନୁସାରେ, ଯୁଜସ କାହାକୁ ବି ଏପରି ଫଟୋ ବା ଭିଡିଓ ପଠାଇପାରିବ ନାହିଁ, ଯାହା ସମାଜରେ ହିଂସାକୁ ପ୍ରୋତ୍ସାହିତ ବା ସମାଜକୁ ବିଭାଜିତ କରୁଥିବ । ଏପରି ପରିସ୍ଥିତିରେ, ହ୍ୱାଟ୍ସଆପ ନିଜେ ସେହି ଆକାଉଣ୍ଟ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରି ତାହାକୁ ବ୍ୟାନ୍ କରିପାରିବ ।
ସୂଚନା ମୁତାବକ, ପ୍ରତି ମାସରେ ହ୍ୱାଟ୍ସଆପ୍ ସେହି ଆକାଉଣ୍ଟକୁ ବ୍ୟାନ୍ କରୁଛି, ଯେଉଁଗୁଡିକ କମ୍ପାନୀ ପଲିସି ବିରୋଧରେ କାମ କରୁଛି । ଗତମାସ ମେ’ରେ ପ୍ରା ୧୬ ଲକ୍ଷ ଆକାଉଣ୍ଟକୁ ହ୍ୱାଟ୍ସଆପ୍ ବ୍ୟାନ୍ କରିଥିଲା । ଅବଶ୍ୟ ସେମାନଙ୍କ ମଧ୍ୟରୁ କିଛି ୟୁଜସ ସଫେଇ ଦେବାରୁ ତାଙ୍କ ଆକାଉଣ୍ଟ ପୁଣିଥରେ ଚାଲୁ କରାଯାଇଛି ।
ଏହା ସହ ହ୍ୱାଟ୍ସଆପରେ କୌଣସି ଧାର୍ମିକ ବିଶ୍ୱାସକୁ ଆଘାତ ଦେବା ଭଳି ମେସେଜ୍ ପଠାଇବା ଉଚିତ୍ ନୁହେଁ । ଏହା ବ୍ୟତୀତ ଏହାକୁ ପ୍ରୋତ୍ସାହିତ କଲାଭଳି ମେସେଜ୍ ସେୟାର କରନ୍ତୁ ନାହିଁ । ଏପରି ପରିସ୍ଥିତିରେ ପୋଲିସ ଆପଣଙ୍କୁ ଗିରଫ ମଧ୍ୟ କରିପାରେ ।
