ପାର୍ବଣ ଋତୁରେ ଚିନି ଉପରେ ହେଲା ମହଙ୍ଗା ମାଡ, ପକେଟ ଉପରେ ପଡିବ ଭାରି

ନୂଆଦିଲ୍ଲୀ:  ଭାରତରେ ପାର୍ବଣ ଋତୁ ଆରମ୍ଭ ହୋଇଛି । କିନ୍ତୁ ମୁଦ୍ରାସ୍ଫୀତି ହେତୁ ପାର୍ବଣର ମଧୁରତା ଏଥର ଦୁର୍ବଳ ହୋଇପାରେ । ଏହି ଅବଧି ମଧ୍ୟରେ, ଅନେକ ଖାଦ୍ୟ ସାମଗ୍ରୀ ମୁଦ୍ରାସ୍ଫୀତି ଦ୍ୱାରା ପ୍ରଭାବିତ ହୋଇପାରନ୍ତି । କୁହାଯାଉଛି ଯେ, ମୁଦ୍ରାସ୍ଫୀତି ଏବେ ଚିନି ଉପରେ ଅଧିକ ପ୍ରଭାବ ପକାଉଛି । ତେବେ ବିଶ୍ୱ ବଜାରରେ ଚିନିର ମୂଲ୍ୟ ବହୁ ବର୍ଷ ମଧ୍ୟରେ ସର୍ବୋଚ୍ଚ ସ୍ତରରେ ପହଞ୍ଚିଛି, ଯାହାର ପ୍ରଭାବ ଏବେ ଘରୋଇ ବଜାରରେ ମଧ୍ୟ ଦେଖାଯାଉଛି । ପାର୍ବଣ ଋତୁରେ ଚିନି ମୂଲ୍ୟରେ ବୃଦ୍ଧି ହେତୁ ମିଷ୍ଟାନର ମିଠାପାଣ ଅଦୃଶ୍ୟ ହୋଇପାରେ । ତେବେ ଆସନ୍ତୁ ଜାଣିବା ବିଶ୍ୱ ବଜାରରୁ ଘରୋଇ ବଜାର ପର୍ଯ୍ୟନ୍ତ ଚିନିର ଅବସ୍ଥା କ’ଣ…

ଖାଦ୍ୟ ଏବଂ କୃଷି ସଂଗଠନର ରିପୋର୍ଟ ଅନୁଯାୟୀ, ବିଶ୍ୱରେ ଚିନିର ମୂଲ୍ୟ ସେପ୍ଟେମ୍ବରରେ ୧୩ ବର୍ଷର ସର୍ବୋଚ୍ଚ ସ୍ତରରେ ପହଞ୍ଚିଛି । ବିଶ୍ୱ ବଜାରରେ ଚିନିର ମୂଲ୍ୟ ବୃଦ୍ଧି ହେତୁ ଏହାର ପ୍ରଭାବ ଭାରତରେ ଦୃଶ୍ୟମାନ ହେଉଛି । ଏଲ୍ ନିନୋ ଯୋଗୁଁ ଭାରତ ଏବଂ ଥାଇଲ୍ୟାଣ୍ଡରେ ଆଖୁ ଫସଲ ପ୍ରଭାବିତ ହୋଇଛି। ଯେଉଁଥିପାଇଁ ଚିନିର ମୂଲ୍ୟ ଏତେ ବୃଦ୍ଧି ପାଇଛି । ଏହାପୂର୍ବରୁ ୨୦୧୦ ମସିହାରେ ଚିନିର ମୂଲ୍ୟ ବୃଦ୍ଧି ପାଇଥିଲା । ଅନ୍ୟପଟେ ମହାରାଷ୍ଟ୍ରର ଏକ୍ସ ମିଲର ମୂଲ୍ୟ କ୍ୱିଣ୍ଟାଲ ପିଛା ୩,୬୩୦-୩,୬୭୦ ଟଙ୍କାକୁ ବୃଦ୍ଧି ପାଇ ବର୍ତ୍ତମାନ ଅଗଷ୍ଟ ୧ ରେ କ୍ୱିଣ୍ଟାଲ ପିଛା ୩,୫୨୦-୩,୫୫୦ ଟଙ୍କା ହୋଇଛି। ଏହାର ଅର୍ଥ ହେଉଛି ଚିନିର ମୂଲ୍ୟ କିଲୋଗ୍ରାମ ପିଛା ୧ ଟଙ୍କା ବୃଦ୍ଧି ହୋଇପାରେ ।

କ୍ରମାଗତ ଦ୍ୱିତୀୟ ମାସ ପାଇଁ F & O ର ଚିନି ମୂଲ୍ୟ ସୂଚକାଙ୍କ ବୃଦ୍ଧି ପାଇଛି | ସେପ୍ଟେମ୍ବର ମାସରେ ଦର ବୃଦ୍ଧି ପୂର୍ବରୁ ଅଗଷ୍ଟ ମାସରେ ମଧ୍ୟ ଏହି ସୂଚକାଙ୍କ ଦରର ବୃଦ୍ଧି ଦେଖିବାକୁ ମିଳିଥିଲା । କିନ୍ତୁ ବର୍ତ୍ତମାନ ଚିନିର ମୂଲ୍ୟ ହ୍ରାସ ହେବାର ଦେଖିବାକୁ ମିଳୁନି । ପାର୍ବଣ ଋତୁରେ ମଧ୍ୟ ଲୋକମାନେ ଚିନିର ଦାମରୁ ଆରାମ ପାଇବାର କୌଣସି ପ୍ରକାର ପରିସ୍ଥିତି ଦେଖିବାକୁ ମିଳିନି ।