ଗୁଗୁଲ୍ ଓ ମେଟାକୁ ED ନୋଟିସ୍, ଅନଲାଇନ୍ ବେଟିଂ ଆପ୍ ପାଇଁ ଅକଳରେ ଦୁଇ ବଡ଼ କମ୍ପାନୀ

ନୂଆଦିଲ୍ଲୀ: ଗୁଗୁଲ୍ ଓ ମେଟାକୁ ED ନୋଟିସ୍। ଅନଲାଇନ୍ ବେଟିଂ ଆପ୍ ମାମଲାରେ ଗୁଗୁଲ୍ ଓ ମେଟାକୁ ED ନୋଟିସ୍ ପଠାଇଛି। ଉଭୟ କମ୍ପାନୀର ପ୍ରତିନିଧିଙ୍କୁ ପଚରାଉଚରା ପାଇଁ ନୋଟିସ୍ ଜାରି କରାଯାଇଛି।

ଜୁଲାଇ ୨୧ରେ ହାଜର ହେବାକୁ ପ୍ରବର୍ତ୍ତନ ନିର୍ଦ୍ଦେଶାଳୟ ସମନ୍ ଜାରି କରିଛି।  ଅନଲାଇନ୍ ବେଟିଂ ଆପକୁ ପ୍ରୋତ୍ସାହିତ କରୁଥିବା ଅଭିଯୋଗରେ ସମନ୍ ହୋଇଛି। ଭାରତୀୟ ତଦନ୍ତ ସଂସ୍ଥା ବେଟିଂ ଆପ୍ ମାମଲାରେ ବିଶ୍ୱର ଦୁଇଟି ବଡ଼ କମ୍ପାନୀ ଉପରେ ନଜର କଡ଼ାକଡ଼ି କରିଛି।

ଏହି ମାମଲାରେ ଗୁଗୁଲ୍ ଏବଂ ମେଟା ବିରୋଧରେ ଗମ୍ଭୀର ଅଭିଯୋଗ ଆଣି ପଚରାଉଚରା ପାଇଁ ସମନ୍ କରାଯାଇଛି। କେନ୍ଦ୍ରୀୟ ତଦନ୍ତ ସଂସ୍ଥା ଏହି ଦୁଇ ବହୁରାଷ୍ଟ୍ରୀୟ କମ୍ପାନୀ ବିରୋଧରେ ଗମ୍ଭୀର ଅଭିଯୋଗ ଆଣିଛି।

ଇଡି ଗୁଗୁଲ୍ ଏବଂ ମେଟା ଉପରେ ବେଟିଂ ଆପ୍ ପ୍ରୋତ୍ସାହନ ଦେଉଥିବା ଅଭିଯୋଗ କରିଛି। ଏବେ ଏହି ଦୁଇ କମ୍ପାନୀର ପ୍ରତିନିଧିମାନଙ୍କୁ ତଦନ୍ତ ସଂସ୍ଥା ସମ୍ମୁଖରେ ହାଜର ହେବାକୁ ପଡିବ ଏବଂ କେବଳ ପ୍ରଶ୍ନର ଉତ୍ତର ଦେବାକୁ ପଡିବ ନାହିଁ, ବରଂ ସେମାନଙ୍କର ପକ୍ଷ ମଧ୍ୟ ଉପସ୍ଥାପନ କରିବାକୁ ପଡିବ।

ଆପଣଙ୍କୁ କହି ରଖୁଛୁ ଯେ ଅନଲାଇନ୍ ବେଟିଂ ମାମଲାରେ ଏକ ବଡ଼ ଧରଣର ତଦନ୍ତ ଚାଲିଛି। ଏଥିରେ ଦ୍ରୁତ କାର୍ଯ୍ୟାନୁଷ୍ଠାନ ମଧ୍ୟ ଗ୍ରହଣ କରାଯାଉଛି।