ଢ଼ାକାରେ ଏକ ଏକ୍ସପ୍ରେସ ଟ୍ରେନରେ ଲାଗିଲା ନିଆଁ, ୪ ଜୀବନ୍ତ ଦଗ୍ଧ
ଢ଼ାକା: ଢ଼ାକା: ବାଂଲାଦେଶରେ ନିର୍ବାଚନ ପୂର୍ବରୁ ଶୁକ୍ରବାର ହିଂସାକାଣ୍ଡ ଦେଖିବାକୁ ମିଳିଛି । ବାଂଲାଦେଶର ରାଜଧାନୀ ଢ଼ାକା ସ୍ଥିତ ଗୋପିବାଗ ଅଂଚଳରେ ବେନାପୋଲ ଏକ୍ସପ୍ରେସ ଯାତ୍ରୀବାହୀ ଟ୍ରେନରେ ଭୟଙ୍କର ଅଗ୍ନିକାଣ୍ଡ ଘଟିବା କାରଣରୁ ୫ଟି ବଗି ସମ୍ପୂର୍ଣ୍ଣ ଜଳି ଯାଇଥିବାର ସୂଚନା ମିଳିଛି । ଟ୍ରେନରେ ନିଆଁ ଲାଗିବା କାରଣରୁ ୪ ଜୀବନ୍ତ ଦଗ୍ଧ ହେଇଥିବା ବେଳେ ଏକାଧିକ ଗୁରୁତର ଆହତ ହୋଇଛନ୍ତି । ତେବେ ଅଗ୍ନିଶମ ବାହିନୀ ପକ୍ଷରୁ ନିଆଁକୁ ଆୟତ କରାଯାଇଥିଲା । ବର୍ତ୍ତମାନ ଘଟଣାସ୍ଥଳରେ ଫରେନସିକ୍ ଏବଂ ସିଆଇଡ଼ି ଟିମ୍ ତଦନ୍ତ ଜାରି ରଖିଛନ୍ତି । ତେବେ ମୃତଙ୍କ ଚିହ୍ନଟ କରିବା ପାଇଁ ସେମାନଙ୍କ ପରିବାରବର୍ଗଙ୍କ ଡିଏନ୍ଏ ନମୁନା ସଂଗ୍ରହ କରାଯାଇଥିବାର ସୂଚନା ମିଳିଛି ।
#WATCH | A passenger train was set on fire in Bangladesh's capital Dhaka yesterday (January 5) ahead of the country's general election this weekend.
At least four people died aboard the intercity train, reports Reuters quoting local newspaper Dhaka Tribune.
(Source: Reuters) pic.twitter.com/FoFZVsqZ6u
— ANI (@ANI) January 6, 2024
ସୂଚନାରୁ ପ୍ରକାଶ ଶୁକ୍ରବାର ଢ଼ାକାରେ ଢ଼ାକା ସ୍ଥିତ ଗୋପିବାଗ ଅଂଚଳରେ ବେନାପୋଲ ଏକ୍ସପ୍ରେସ ଯାତ୍ରୀବାହୀ ଟ୍ରେନରେ ନିଆଁ ଲାଗିଯିବା କାରଣରୁ ୪ ଜଣଙ୍କର ମୃତ୍ୟୁ ହୋଇଥିବା ବେଳେ ଅନେକ ଯାତ୍ରୀ ଗରୁତର ଆହତ ହୋଇଥିଲେ । ପ୍ରାୟ ୨୯୨ ଜଣ ଯାତ୍ରୀଙ୍କୁ ନେଇ ଯାଉଥିବା ଏହି ଟ୍ରେନରେ ଶୁକ୍ରବାର ରାତି ୯ଟା ୫ରେ କିଛି ଅସାମାଜିକ ଲୋକମାନେ ଟ୍ରେନର ୫ଟି କୋଚରେ ନିଆଁ ଲାଗାଇଥିଲେ । ଘଟଣାସ୍ଥଳରେ ଉପସ୍ଥିତ ଥିବା ଅଗ୍ନିଶମ ସେବାର ମୁଖପାତ୍ର ଶାହଜହାନ୍ ସିକନ୍ଦର ମିଡ଼ିଆକୁ କହିଥିଲେ ଯେ ସେମାନଙ୍କୁ ୪ ଜଣଙ୍କର ଶବ ମିଳିଥିବା ବେଳେ ଅଧିକ ଛାନ୍ଭିନ୍ ଜାରି ରହିଛି । ଏହି ଟ୍ରେନରେ ଯାତ୍ରା କରୁଥିବା ଅଧିକାଂଶ ଯାତ୍ରୀ ଭାରତରୁ ନିଜ ଘରକୁ ଫେରୁଥିବା ସମୟରେ ଏହି ଘଟଣା ଘଟିଥିଲା । ତେବେ ନିଆଁକୁ ଆୟତ କରିବା ପାଇଁ ୭ଟି ଅଗ୍ନିଶମ ବାହିନୀକୁ ନିୟୋଜିତ କରାଯାଇଥିଲା । ଏହି ଅଗ୍ନିକାଣ୍ଡ ଯୋଜନାବଦ୍ଧ ଥିଲା ଏବଂ କିଏ ନିଆଁ ଲଗାଇଛି ନିଶ୍ଚିତ ଭାବରେ କିଛି କହିହେବ ନାହିଁ । ସାଧାରଣ ଲୋକ, ମହିଳା ଏବଂ ଶିଶୁଙ୍କ ପ୍ରତି ଏଭଳି ଆଚରଣ ଅମାନବୀୟ ଅଟେ । ଆମେ ଦୋଷୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବୁ ।