କରୋନା ଯୋଗୁଁ ଦେଶରେ ଲାଗିବ ‘ଲକଡାଉନ୍’: ଜାଣନ୍ତୁ ଭାଇରାଲ ମେସେଜର କ’ଣ ରହିଛି ସତ୍ୟତା
ନୂଆଦିଲ୍ଲୀ: ଚୀନ୍, ଜାପାନ, ଆମେରିକା, କୋରିଆ ସମେତ ଅନେକ ଦେଶରେ କରୋନା ଏକ ହଇଚଇ ସୃଷ୍ଟି କରିଛି । ଏହାକୁ ଦୃଷ୍ଟିରେ ରଖି ଭାରତରେ ମଧ୍ୟ ବିଶେଷ ସତର୍କତା ଅବଲମ୍ବନ କରାଯାଉଛି । କେନ୍ଦ୍ର ସରକାର ମଧ୍ୟ ରାଜ୍ୟମାନଙ୍କୁ ସଜାଗ ରହିବାକୁ କହିଛନ୍ତି । ଚୀନ୍ ସମେତ ଅନେକ ଦେଶର ଯାତ୍ରୀଙ୍କ ପାଇଁ ଆରଟି-ପିସିଆର ନେଗେଟିଭ୍ ରିପୋର୍ଟ ମଧ୍ୟ ବାଧ୍ୟତାମୂଳକ କରାଯାଇଛି । ଏହାରି ମଧ୍ୟରେ କରୋନା ବିଷୟରେ ଦେଶରେ ଅନେକ ପ୍ରକାରର ଗୁଜବ ପ୍ରଚାରିତ ହେଉଛି ।
ବର୍ତ୍ତମାନ ସୋସିଆଲ ମିଡିଆରେ ଏକ ଖବର ଭାଇରାଲ ହେବାରେ ଲାଗିଛି, ଯେଉଁଥିରେ କୁହାଯାଉଛି ଯେ କରୋନା କାରଣରୁ ଦେଶରେ ଲକଡାଉନ୍ ଲାଗିବ ଏବଂ ଆସନ୍ତା ୨୦ ଦିନ ସ୍କୁଲ / କଲେଜଗୁଡ଼ିକ ବନ୍ଦ ରହିବ । ଏହି ଭାଇରାଲ ଖବରକୁ ପିଆଇବିର ଫ୍ୟାକ୍ଟ ଚେକ୍ ୟୁନିଟ୍ ଫେକ୍ ବୋଲି କହିଛି ।
ଲକଡାଉନର ଫେକ୍ ଖବର ଭାଇରାଲ :-
ଟ୍ୱିଟରରେ ଏହାର ଜବାବ ଦେଇ ପିଆଇବିର ଫ୍ୟାକ୍ଟ ଚେକ୍ ୟୁନିଟ୍ କହିଛି ଯେ, ସୋସିଆଲ ମିଡିଆରେ ଅନେକ ଖବର ସେୟାର କରାଯାଇ ଦାବି କରାଯାଉଛିି ଯେ କୋଭିଡ୍ -୧୯ କାରଣରୁ ଦେଶରେ ଲକଡାଉନ୍ ଲାଗିବ ଏବଂ ସ୍କୁଲ / କଲେଜଗୁଡ଼ିକ ବନ୍ଦ ରହିବ । ପିଆଇବିର ଫ୍ୟାକ୍ଟ ଚେକ୍ ୟୁନିଟ୍ ଏହି ସମସ୍ତ ଦାବିକୁ ନକଲି କହିଛି । କୋଭିଡ ସହିତ ଜଡିତ କୌଣସି ସୂଚନା ବାଣ୍ଟିବା ପୂର୍ବରୁ ଏକ ଫ୍ୟାକ୍ଟ ଯାଞ୍ଚ କରନ୍ତୁ ।
सोशल मीडिया पर कई खबरों को शेयर करते हुए दावा किया जा रहा है कि #Covid19 के कारण देश में लॉकडाउन लगेगा और स्कूल/कॉलेज बंद रहेंगे। #PIBFactCheck
✅ ये सभी दावे फ़र्ज़ी हैं।
✅ कोविड से जुड़ी ऐसी किसी भी जानकारी को शेयर करने से पहले #FactCheck अवश्य करें। pic.twitter.com/jLcIeI9pBn
— PIB Fact Check (@PIBFactCheck) January 4, 2023
