ମହାରାଷ୍ଟ୍ରର ଏହି କୃଷକ ବିଲାତି ବିକି ମାଲାମାଲ: ଗୋଟିଏ ମାସରେ ହେଲେ କୋଟିପତି
ନୂଆଦିଲ୍ଲୀ: ସାରା ଦେଶରେ ବିଲାତି ଦର ଆକାଶ ଛୁଇଁଛିି । ଏହାରି ମଧ୍ୟରେ ମହାରଷ୍ଟ୍ରର ପୁଣେ ଜିଲ୍ଲାରେ ବିଲାତି ଲଗାଇଥିବା ଜଣେ କୃଷକଙ୍କୁ ବହୁ ଲାଭ ମିଳିଛି । ତୁକାରାମ ଭାଗୋଜୀ ଗାୟକର ଏବଂ ତାଙ୍କ ପରିବାର ଗୋଟିଏ ମାସରେ ୧୩,୦୦୦ ବିଲାତି ଟ୍ରେ ବିକ୍ରି କରି ୧.୫ କୋଟି ଟଙ୍କାରୁ ଅଧିକ ରୋଜଗାର କରିଛନ୍ତି । ତୁକାରାମଙ୍କ ପାଖରେ ୧୮ ଏକର ଜମି ଅଛି ଏବଂ ସେଥିରୁ ସେ ୧୨ ଏକର ଜମିରେ ନିଜ ପୁଅ ଈଶ୍ୱର ଗାୟକର ଏବଂ ବୋହୂ ସୋନାଲୀଙ୍କ ସହାୟତାରେ ବିଲାତି ଚାଷ କରୁଛନ୍ତି ।
ପରିବାର ଲୋକେ କହିଛନ୍ତି ଯେ, ସେମାନେ ବହୁ ପରିମାଣର ବିଲାତି ଚାଷ କରୁଛନ୍ତି । ଉର୍ବର ଏବଂ କୀଟନାଶକ ବିଷୟରେ ତାଙ୍କ ଜ୍ଞାନ ସେମାନଙ୍କୁ ସୁନିଶ୍ଚିତ କରିବାରେ ସାହାଯ୍ୟ କରେ ଯେ, ତାଙ୍କ ଫସଲ କୀଟ ଠାରୁ ସୁରକ୍ଷିତ ଅଟେ ।
ଇଣ୍ଡିଆ ଟୁଡେ ରିପୋର୍ଟ ଅନ୍ୟୁାୟୀ, ନାରାୟଣଗଞ୍ଜର କୃଷକ ବିଲାତିର ଏକ ଟ୍ରେ ବିକ୍ରି ଗୋଟିଏ ଦିନରେ ୨,୧୦୦ ଟଙ୍କା ରୋଜଗାର କରନ୍ତି. ଗାୟକର ଶୁକ୍ରବାର ଦିନ ସମୁଦାୟ ୯୦୦ ଟ୍ରେ ବିକ୍ରି କରି, ଯେଉଁଥିରେ ଗୋଟିଏ ଦିନରେ ୧୮ ଲକ୍ଷ ଟଙ୍କା ରୋଜଗାର କରିଛନ୍ତି । ଗତ ମାସରେ ସେ ୧,୦୦୦ ରୁ ୨,୪୦୦ ଟଙ୍କା ପ୍ରତି ଟ୍ରେର ମୂଲ୍ୟରେ ବିଲାତି ବିକ୍ରି କରିଛନ୍ତି ।
ପୂଣେ ଜିଲ୍ଲାର ଗୋଟିଏ ସହର ଜୁନ୍ନାରରେ ବହୁ କୃଷକ ବିଲାତି ଚାଷ କରୁଛନ୍ତି । ଅଧିକାଂଶ କୋଟିପତି ହୋଇଛନ୍ତି । ସେଠାକାର ବଜାର ସମିତି ବିଲାତି ବିକ୍ରି କରି ଗୋଟିଏ ମାସରେ ୮୦ କୋଟି ଟଙ୍କାର ବ୍ୟବସାୟ କରୁଛନ୍ତି । ଏହି କ୍ଷେତ୍ରରେ ୧୦୦ ରୁ ଅଧିକ ମହିଳାଙ୍କୁ ରୋଜଗାର ମିଳିଛି ।
