ଆରମ୍ଭ ହେବ ‘କୃଷକ ପାଠଶାଳା’ ; ଏକ କୋଟି କୃଷକ ନେବେ ତାଲିମ

ନୂଆଦିଲ୍ଲୀ : କୃଷକମାନଙ୍କ ପାଇଁ ପାଠଶାଳା ଆରମ୍ଭ ହେବାକୁ ଯାଉଛି । ନୂତନ ଜ୍ଞାନ କୌଶଳ ବିନିଯୋଗରେ କିଭଳି ଅଧିକ ମାତ୍ରାରେ ଶସ୍ୟ ଅମଳ କରି ପାରିବେ ସେନେଇ କୃଷକମାନଙ୍କୁ ତାଲିମ୍ ଦିଆଯିବ । ଏବେ ମିଲେଟର ପ୍ରଚାରପ୍ରସାର ଚାଲିଥିବାରୁ ମିଲେଟ ଶସ୍ୟର ଅଧିକ ଉତ୍ପାଦନ ପାଇଁ ପ୍ରଚେଷ୍ଟା ହେବ । ତେବେ ପ୍ରଥମ କରି ଉତ୍ତରପ୍ରଦେଶର ଏହି କର୍ମଶାଳା ହେବାକୁୁ ଯାଉଛି । ସରକାର ଉତ୍ତରପ୍ରଦେଶର ଚାଷୀଙ୍କୁ ଏକ ବଡ ଉପହାର ଦେଇଛନ୍ତି। ଏହି କର୍ମଶାଳାରେ ପ୍ରାୟ ଏକ କୋଟି ଚାଷୀଙ୍କୁ ତାଲିମ ଦେବାକୁ ସରକାର ନିଷ୍ପତ୍ତି ନେଇଛନ୍ତି। ୧୭ ହଜାର ଗ୍ରାମ ପଞ୍ଚାୟତରେ ଏହି ପାଠଶାଳା ଅନୁଷ୍ଠିତ ହେବ । ଏଥିପାଇଁ ସରକାର ମୋଟ ୨୧ କୋଟି ଟଙ୍କା ଖର୍ଚ୍ଚ କରିବାକୁ ନିଷ୍ପତ୍ତି ନେଇଛନ୍ତି।

ଏହି ପାଠଶାଳା ମାଧ୍ୟମରେ ବିଶେଷଜ୍ଞମାନେ କୃଷକମାନଙ୍କୁ ଟ୍ରେନିଂ ଦେବେ । ବିହନ ଠାରୁ ବୁଣିବା, ସାର, ଜଳସେଚନ ଏବଂ ଫସଲକୁ ପ୍ରାକୃତିକ ବିପର୍ୟ୍ୟୟରୁ ରକ୍ଷା କରିବା ପର୍ୟ୍ୟନ୍ତ ସମସ୍ତ ତାଲିମ ଦିଆଯିବ । ଏହି ପାଠଶାଳା ପ୍ରାୟ ୧ କୋଟି ଚାଷୀଙ୍କୁ ତାଲିମ ଦେବା ପାଇଁ ଏକ ଲକ୍ଷ୍ୟ ଧାର୍ଯ୍ୟ କରାଯାଇଛି। ଏହାପୂର୍ବରୁ ୨୦୨୨ ମସିହାରେ ୮୪ ଲକ୍ଷରୁ ଅଧିକ ଚାଷୀଙ୍କୁ ତାଲିମ ଦିଆଯାଇଥିଲା। ୨୦୧୮ରେ ଉତ୍ତରପ୍ରଦେଶ ସରକାର ଏହି ପାଠଶାଳା ଆରମ୍ଭ କରିଥିଲେ।