‘ବଚନ ପାଣ୍ଡେ’ ସେଟରେ ଲାଗିଲା ନିଆଁ, ଘଟଣାସ୍ଥଳରେ ଥିଲେ ଅକ୍ଷୟ-କୀର୍ତ୍ତି

ମୁମ୍ବାଇ: ଅକ୍ଷୟ କୁମାରଙ୍କ ଅପ୍ କମିଂ ଫିଲ୍ମ “ବଚନ ପାଣ୍ଡେ” ଫିଲ୍ମ ଶୁଟିଂ ସମୟରେ ଏକ ବଡ଼ ଧରଣର ଅଘଟଣ ଘଟିଯାଇଛି । ଶୁଟିଂ ସେଟରେ ଅଗ୍ନିକାଣ୍ଡ ଘଟିଥିବା ଜଣାପଡ଼ିଛି । ଏହି ଅଘଟଣ ସେତେବେଳେ ହୋଇଥିଲା ଯେତେବେଳେ ଫିଲ୍ମର କୌଣସି ପେଚୱର୍କ ର ଶୁଟିଂ ଚାଲିଥିଲା । ଏହି ସମୟରେ ସେଟ୍ ରେ ନିଆଁ ଲାଗିଯାଇଥିଲା । ଆଶ୍ୱସ୍ତିକର ଖବର ହେଉଛି ଏଥିରେ କାହାର ବି କିଛି କ୍ଷତି ହୋଇନାହିଁ ।

ରିପୋର୍ଟ ଅନୁସାରେ, ପେଚୱର୍କ ଶୁଟିଂ ସମୟରେ ସେହି ସିନ୍ ରେ ଅକ୍ଷୟ କୁମାର ଓ କୀର୍ତ୍ତି ସାନନ୍ କାମ କରୁଥିଲେ । ତେବେ ନିଆଁକୁ ନିୟନ୍ତ୍ରଣ କରାଯାଇଛି । କେହି ବି ଏଥିରେ ଆହତ ହୋଇନାହାନ୍ତି । ସୂଚନା ଯେ, ଫିଲ୍ମରେ ଅକ୍ଷୟ କୁମାର ଓ କୀର୍ତ୍ତି ସାନନ୍ ଲିଡ୍ ରୋଲ୍ ରେ ରହିଛନ୍ତି ।ଏହି ଫିଲ୍ମ ମାର୍ଚ୍ଚ ୨୦୨୨ରେ ରିଲିଜ୍ ହେବାକୁ ଯାଉଛି ।