ପୂର୍ବତନ ଆମେରିକା ରାଷ୍ଟ୍ରପତି ଗିରଫ, ପାଖରେ ବସି ହସୁଛନ୍ତି ଟ୍ରମ୍ପ, ସୋସିଆଲ ମିଡ଼ିଆରେ ଭାଇରାଲ ଭିଡ଼ିଓ

ଆମେରିକା: ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସୋସିଆଲ ମିଡିଆରେ ଏକ ଭିଡିଓ ପୋଷ୍ଟ କରିଛନ୍ତି। ଯାହା ପୁରା ବିଶ୍ୱରେ ହଇଚଇ ସୃଷ୍ଟି କରିଛି।

ଟ୍ରମ୍ପ ପୂର୍ବତନ ରାଷ୍ଟ୍ରପତି ବାରାକ ଓବାମାଙ୍କ ଗିରଫଦାରୀର ଏକ AI ଜେନେରେଟେଡ୍ ଭିଡିଓ ସୋସିଆଲ ମିଡିଆରେ ପୋଷ୍ଟ କରିଛନ୍ତି। ଭିଡିଓରେ ଏଫବିଆଇ ଏଜେଣ୍ଟମାନେ ହ୍ୱାଇଟ୍ ହାଉସର ଓଭାଲ୍ ଅଫିସରୁ ବାରାକ ଓବାମାଙ୍କୁ ଗିରଫ କରୁଥିବାର ଦେଖାଯାଇଛି।

ଭିଡିଓ ଦେଖନ୍ତୁ: ଭିଡିଓରେ ଓବାମାଙ୍କୁ ଟ୍ରମ୍ପଙ୍କ ପାଖରେ ବସିଥିବା ଦେଖାଯାଇଛି। ଏହା ପରେ ଏଫବିଆଇ ଏଜେଣ୍ଟମାନେ ଆସି ଓବାମାଙ୍କୁ ଚେୟାରରୁ ତଳକୁ ଠେଲି ତାଙ୍କୁ ଗିରଫ କରୁଥିବାର ଦେଖିବାକୁ ମିଳୁଛି।

ପାଖରେ ବସିଥିବା ଟ୍ରମ୍ପ ଏସବୁ ଦେଖି ହସୁଛନ୍ତି। ଭିଡିଓର ଶେଷରେ ଓବାମାଙ୍କୁ ଜେଲ ପୋଷାକରେ ଜେଲ ଭିତରେ ଦେଖିବାକୁ ମିଳୁଛି।

🚨 JUST IN: President Trump posted an AI video of Barack Obama being ARRESTED by FBI and rotting in a prison cell

MAKE THIS A REALITY, @AGPamBondi! 🔥 pic.twitter.com/E72YOBpcrO

— Nick Sortor (@nicksortor) July 20, 2025

ଲୋକଙ୍କ ପ୍ରତିକ୍ରିୟା: ଟ୍ରମ୍ପ ଏହି ଭିଡିଓକୁ ସେୟାର କରି କ୍ୟାପସନରେ ଲେଖିଛନ୍ତି “କାନୁନରୁ କେହି ଊର୍ଦ୍ଧ୍ୱରେ ନୁହଁନ୍ତି”। ଟ୍ରମ୍ପଙ୍କ ଦ୍ୱାରା ପୋଷ୍ଟ କରାଯାଇଥିବା ଏହି ଭିଡିଓକୁ ନେଇ ସୋସିଆଲ ମିଡିଆରେ ବିଭିନ୍ନ ପ୍ରତିକ୍ରିୟା ଦେଖିବାକୁ ମିଳୁଛି।

କିଛି ଲୋକ ଏହାକୁ ଉତ୍ତେଜନା ସୃଷ୍ଟିକାରୀ ବୋଲି କହିଥିବା ବେଳେ ଅନେକ କହିଛନ୍ତି ଯେ ଏହି ଭିଡିଓଟି ଏପଷ୍ଟାଇନ ଫାଇଲରୁ ଲୋକଙ୍କ ଧ୍ୟାନ ହଟାଇବା ପାଇଁ ଏକ ପ୍ରୟାସ।

ଟ୍ରମ୍ପ ଆଣିଥିଲେ ଅଭିଯୋଗ: ଆମେ ଏଠାରେ ଆପଣଙ୍କୁ ଏହା ମଧ୍ୟ କହି ରଖୁଛୁ ଯେ, ଟ୍ରମ୍ପ ୨୦୧୬ ନିର୍ବାଚନରେ ତାଙ୍କ ବିରୁଦ୍ଧରେ ନିର୍ବାଚନ ଜାଲିଆତି ଷଡଯନ୍ତ୍ର କରିଥିବା ଓବାମା ପ୍ରଶାସନ ଉପରେ ଅଭିଯୋଗ କରିଥିଲେ।

ପୂର୍ବରୁ ଆମେରିକାର ଜାତୀୟ ଗୁପ୍ତଚର ନିର୍ଦ୍ଦେଶକ ତୁଳସୀ ଗାବାର୍ଡ ମଧ୍ୟ ସମାନ କିଛି କହିଥିଲେ। ଗାବାର୍ଡ କହିଥିଲେ ଯେ ଓବାମା ଏବଂ ତାଙ୍କ ପ୍ରଶାସନର ଅନେକ ବରିଷ୍ଠ ଅଧିକାରୀ ଏକାଠି ଏକ ଷଡଯନ୍ତ୍ର ରଚିଥିଲେ।

ସେମାନଙ୍କର ଲକ୍ଷ୍ୟ ଥିଲା ପ୍ରମାଣ କରିବା ଯେ ୨୦୧୬ରେ ରାଷ୍ଟ୍ରପତି ନିର୍ବାଚନରେ ଟ୍ରମ୍ପଙ୍କ ବିଜୟ ରୁଷ ସହାୟତାରେ ହୋଇଥିଲା।