YouTubeର ପୂର୍ବତନ ସିଇଓଙ୍କ ପୁଅ ମୃତ, ଜେଜେମା କହିଲେ- ଡ୍ରଗ୍ସ ନେଇଥିଲା, ସତ ପଦାକୁ ଆସିବା ପାଇଁ ଲାଗିବ ୩୦ ଦିନ

ନୂଆଦିଲ୍ଲୀ: ପୂର୍ବତନ ୟୁଟ୍ୟୁବର ସିଇଓ ସୁଜାନ୍ ୱୋଜିକ୍କିଙ୍କ ୧୯ ବର୍ଷର ପୁଅ ମାର୍କୋ ଟ୍ରପରଙ୍କ ମୃତ୍ୟୁ ଘଟିଛି। ତାଙ୍କ ମୃତଦେହ କାଲିଫର୍ନିଆ ବିଶ୍ୱବିଦ୍ୟାଳୟର ବରେଲି କ୍ୟାମ୍ପସରେ ଥିବା ଏକ ଛାତ୍ରାବାସରେ ମିଳିଛି। ପରିବାର ଲୋକେ ଏହି ଘଟଣାକୁ ନିଶ୍ଚିତ କରିଛନ୍ତି। ନିଶା ସେବନ ହେତୁ ଏହି ମୃତ୍ୟୁ ଘଟିଥିବା ସନ୍ଦେହ କରାଯାଉଛି।

ମାର୍କୋ ଟ୍ରପର୍ କାଲିଫର୍ନିଆ ବିଶ୍ୱବିଦ୍ୟାଳୟର ବରେଲି କ୍ୟାମ୍ପସରେ ଥିବା କ୍ଲାର୍କ କେର୍ ଛାତ୍ରାବାସରେ ରହୁଥିଲେ। ସେ କୋଠରୀରୁ ବାହାରକୁ ଆସି ନଥିଲେ ଏବଂ କବାଟ ବାଡେଇଲେ ମଧ୍ୟ କୌଣସି ପ୍ରତିକ୍ରିୟା ଦେଇନଥିଲେ। ଏହା ପରେ ବିଶ୍ୱବିଦ୍ୟାଳୟର ଅଧିକାରୀମାନେ କବାଟ ଖୋଲିଲେ ଏବଂ ସେଠାରେ ମାର୍କୋ ଟ୍ରପରଙ୍କ ମୃତଦେହ ଭିତରୁ ମିଳିଥିଲା।

ମାର୍କୋ ଟ୍ରପରଙ୍କ ମୃତ୍ୟୁର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନି। କୌଣସି ଗଡବଡ ହେବାର ସୂଚନା ନାହିଁ ବୋଲି କ୍ୟାମ୍ପସ ପୋଲିସ କହିଛି। ମାର୍କୋ ଟ୍ରପରଙ୍କ ଜେଜେମା ଏଷ୍ଟର୍ ୱୋଜିକ୍କି ଆଶଙ୍କା କରୁଛନ୍ତି ଯେ ‘ଅତ୍ୟଧିକ ମାତ୍ରାରେ ନିଶାଦ୍ରବ୍ୟ ସେବନ ପାଇଁ ଟ୍ରପରଙ୍କ ମୃତ୍ୟୁ ହୋଇଥାଇପାରେ। ସେ ଥରେ ଏକ ଔଷଧ ପିଇଥିଲେ, ଆମେ ଜାଣି ନାହୁଁ ଯେ ସେଥିରେ କଣ ଥିଲା କିନ୍ତୁ ଯେତିକି ଜାଣିଛୁ ତାହା ଏକ ଔଷଧ ଥିଲା।’

ଏଷ୍ଟର ୱୋଜିକ୍କି ଫେସବୁକରେ ପୋଷ୍ଟ କରି କହିଛନ୍ତି ଯେ, ମାର୍କୋ ସବୁଠାରୁ ଦୟାଳୁ, ସ୍ନେହୀ, ସ୍ମାର୍ଟ, ମଜାଳିଆ ଏବଂ ସୁନ୍ଦର ବ୍ୟକ୍ତି ଥିଲେ। ସେ ୟୁସି ବରେଲିରେ ପ୍ରଥମ ବର୍ଷର ଦ୍ୱିତୀୟ ସେମିଷ୍ଟାରରେ ଗଣିତ ଅଧ୍ୟୟନ ଆରମ୍ଭ କରିଥିଲେ। ସେ ଗଣିତ ଅଧ୍ୟୟନ କରିବାକୁ ପସନ୍ଦ କରୁଥିଲେ। ”