LGBTQ ବିରୋଧରେ ପାରିତ ହେଲା ନୂଆ ବିଲ,ଏଣିକି ସମଲିଙ୍ଗୀ ଯୌନ ସମ୍ପର୍କ ରଖିଲେ ମିଳିବ ମୃତ୍ୟୁ ଦଣ୍ଡ!
ନୂଆଦିଲ୍ଲୀ : ଆଫ୍ରିକୀୟ ଦେଶ ଉଗାଣ୍ଡାର ସଂସଦ ମଙ୍ଗଳବାର ଦିନ ଏକ ବିଲ୍ ପାରିତ କରିଛି ଯେଉଁଥିରେ ସମଲିଙ୍ଗୀ ଯୌନ ସମ୍ପର୍କ ବିଷୟରେ ସୂଚନା ଦିଆଯାଇଛି । ଏହି ବିଲ୍ ଅନୁଯାୟୀ ଯଦି ଜଣେ ବ୍ୟକ୍ତି ସମଲିଙ୍ଗୀ ସମ୍ପର୍କ ସହ ଜଡିତ ଥାନ୍ତି ତେବେ ତାଙ୍କୁ ମୃତ୍ୟୁଦଣ୍ଡ ଦିଆଯିବ ବୋଲି କୁହାଯାଇଛି । ଉଗାଣ୍ଡା ସମେତ ୩୦ ରୁ ଅଧିକ ଆଫ୍ରିକୀୟ ଦେଶ ସମଲିଙ୍ଗୀ ସମ୍ପର୍କ ଉପରେ ପ୍ରତିବନ୍ଧକ ଲଗାଇଛନ୍ତି।
ନୂତନ ବିଲ୍ର ସମର୍ଥକମାନେ କହିଛନ୍ତି ଯେ ସମଲିଙ୍ଗୀ ସମ୍ପର୍କର ବ୍ୟାପକ ବିସ୍ତାରକୁ ଦଣ୍ଡିତ କରାଯିବା ଆବଶ୍ୟକ। ସେମାନଙ୍କ କହିବା ଅନୁସାରେ ଏହା ଦ୍ୱାରା ରକ୍ଷଣଶୀଳ ତଥା ଧାର୍ମିକ ପୂର୍ବ ଆଫ୍ରିକୀୟ ଦେଶରେ ପାରମ୍ପାରିକ ମୂଲ୍ୟବୋଧ ପ୍ରତି ବିପଦ ସୃଷ୍ଟି କରୁଛି । ସମଲିଙ୍ଗୀ ସମ୍ପର୍କ ବ୍ୟତୀତ ଏହି ବିଲ୍ ସମଲିଙ୍ଗୀ ସମ୍ପର୍କକୁ ପ୍ରୋତ୍ସାହିତ କରିବା ଉପରେ ମଧ୍ୟ ବାରଣ କରିଛି। ସେ ଆହୁରି ମଧ୍ୟ କହିଛନ୍ତି ଯାହା ଘଟୁଛି ଆମର ସୃଷ୍ଟିକର୍ତ୍ତା ଭଗବାନ ଏହାକୁ ନେଇ ଖୁସି ଅଛନ୍ତି । ଏହା ଆମ ପିଲାମାନଙ୍କର ଭବିଷ୍ୟତକୁ ସୁରକ୍ଷା ଦେବା ପାଇଁ ଅଟେ। ମୁଁ ଏହି ବିଲ୍ କୁ ସମର୍ଥନ କରୁଛି ବୋଲି ଆଇନଜୀବୀ ଡେଭିଡ୍ ବାହାଟି କହିଛନ୍ତି।
ଉଲଂଘନ ପାଇଁ କଠୋର ଦଣ୍ଡ ସ୍ଥିର କରାଯାଇଛି। ଗମ୍ଭୀର ଭାବରେ ସମଲିଙ୍ଗୀ ଯୌନ ସମ୍ପର୍କ ଯିଏ ଜଡିତ ତାଙ୍କ ପାଇଁ ମୃତ୍ୟୁଦଣ୍ଡ ଏବଂ ସମଲିଙ୍ଗୀ ଯୌନ ସମ୍ପର୍କ ପାଇଁ ଆଜୀବନ କାରାଦଣ୍ଡ ଅନ୍ତର୍ଭୁକ୍ତ କରାଯାଇଛି। ଏହି ବିଲ୍ ଅନୁମୋଦନ ପାଇଁ ରାଷ୍ଟ୍ରପତି ୟୋଭେରୀ ମୁସେଭେନିଙ୍କ(Yoweri Museveni) ନିକଟକୁ ପଠାଯିବ।ଏଯାବତ ମୁସେଭେନି ବର୍ତ୍ତମାନର ପ୍ରସ୍ତାବ ଉପରେ କୌଣସି ମନ୍ତବ୍ୟ ଦେଇନାହାଁନ୍ତି କିନ୍ତୁ ସେ ଦୀର୍ଘ ଦିନ ଧରି LGBTQ ଅଧିକାରକୁ ବିରୋଧ କରିଆସୁଛନ୍ତି।
ସୂଚନାମୁତାବକ ନିକଟରେ ଧାର୍ମିକ ନେତା ତଥା ରାଜନେତାମାନେ ବିଦ୍ୟାଳୟରେ ସମଲିଙ୍ଗୀ ଛାତ୍ର ନିଯୁକ୍ତ ହେଇଥିବା ଅଭିଯୋଗ ହେବା ପରେ ଉଗାଣ୍ଡା କର୍ତ୍ତୃପକ୍ଷ ଗତ ସପ୍ତାହରେ LGBTQ ବ୍ୟକ୍ତିବିଶେଷଙ୍କ ଉପରେ କଟକଣା ଲଗାଇଛନ୍ତି।
ଏହି ବିଲ୍ ଅନୁଯାୟୀ, ଯେଉଁମାନେ ୧୮ ବର୍ଷରୁ କମ୍ ବୟସର ଲୋକଙ୍କ ସହ ସମଲିଙ୍ଗୀ ସମ୍ପର୍କ ରଖିବାର ସୂଚନା ମିଳୁଛି କିମ୍ବା ଏଚ୍.ଆଇ.ଭି ସଂକ୍ରମିତ ହୋଇଥିବା ପରେ ମଧ୍ୟ ଯୌନ ସମ୍ପର୍କ ରଖିଛନ୍ତି ସେମାନଙ୍କୁ ଦୋଷୀ ସାବ୍ୟସ୍ତ କରାଯିବା ସହ ସେମାନଙ୍କ ପାଇଁ ମୃତ୍ୟୁଦଣ୍ଡର ବ୍ୟବସ୍ଥା ରହିଛି। ଏହା ବ୍ୟତୀତ ସମଲିଙ୍ଗୀ ବିବାହରେ ଦୋଷୀ ସାବ୍ୟସ୍ତ ବ୍ୟକ୍ତିଙ୍କ ପାଇଁ ଆଜୀବନ କାରାଦଣ୍ଡର ବ୍ୟବସ୍ଥା ରହିଛି।
