ଦୁଇ ଗାର୍ଲଫ୍ରେଣ୍ଡଙ୍କ ସହ ରହିବାକୁ ଚାହୁଁଥିଲା ସ୍ୱାମୀ, ସ୍ତ୍ରୀ କଣ୍ଟା ସାଜିବାରୁ, ମାରିକି ଟାଙ୍ଗିଦେଲେ ମିଶି

ନୂଆଦିଲ୍ଲୀ: ଗଞ୍ଜାମ ଜିଲ୍ଲାରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଏହି ମାମଲାଟି ପ୍ରଥମେ ପ୍ରାଣହାରିବା ଭଳି ଲାଗୁଥିଲା। କିନ୍ତୁ ପଛରେ ଏହି ଘଟଣାଟି ହତ୍ୟା ବୋଲି ଜଣାପଡିଛି।

ପୋଲିସ ଏହି ହତ୍ୟାକାଣ୍ଡର ପର୍ଦ୍ଦାଫାସ୍ କରି ଜଣେ ବ୍ୟକ୍ତି ଏବଂ ଦୁଇ ମହିଳାଙ୍କୁ ଗିରଫ କରିଛି। ଏହି ଘଟଣାଟି ଗଞ୍ଜାମର ବେଲାଗୁଣ୍ଠା ଥନା ଅନ୍ତର୍ଗତ ନୂଆଗାଁରେ ଘଟିଛି।

ସୂଚନା ମୁତାବକ, ଜଣେ ମହିଳାଙ୍କର ସନ୍ଦିଗ୍ଧ ଭାବେ ମୃତ୍ୟୁ ଘଟିଥିଲା। ସୋମବାର ଦିନ ମୃତକଙ୍କ ମାଆଙ୍କୁ ଅଭିଯୁକ୍ତ ସ୍ୱାମୀ ସନ୍ତୋଷ ଫୋନ କରିଥିଲା। ସେ କହିଥିଲା ଯେ, ମୃତ ପୂଜା ଫାଶୀ ଦେଇ ପ୍ରାଣ ହାରିଦେଇଛି।

ଏହାକୁ ଶୁଣି ସଙ୍ଗେ ସଙ୍ଗେ ମାଆ ଶାନ୍ତି ଝିଅ ଘରେ ପହଞ୍ଚିଥିଲେ। ହେଲେ ସନ୍ତୋଷ ସେହି ଘର ଭିତରକୁ ଯିବାକୁ ମାଆ ଶାନ୍ତିଙ୍କୁ ଅଟକାଇ ଦେଇଥିଲେ। କବାଟ ପାଖେ ସେ ଦେଖିଥିଲେ ଯେ, ତାଙ୍କ ଝିଅର ମୃତଦେହ ତଳେ ପଡ଼ିଛି।

ଶାନ୍ତି ସଙ୍ଗେ ସଙ୍ଗେ ପୋଲିସକୁ ସୂଚନା ଦେଇଥିଲେ ଏବଂ ଥାନାରେ ଏକ ଏତଲା ଦେଇଥିଲେ। ଅଭିଯୋଗରେ ଶାନ୍ତି ଲେଖିଥିଲେ ଯେ, ପୂଜାର ସ୍ୱାମୀ ସନ୍ତୋଷ ଦୁଇ ଝିଅଙ୍କ ସହ ସମ୍ବନ୍ଧ ରଖିଛି।

ଏଥିପାଇଁ ସେମାନଙ୍କ ମଧ୍ୟରେ ଝଗଡ଼ା ହେଉଥିଲା। ଏଥିସହ ସେହି ଦୁଇ ଝିଅ ପୂଜାକୁ ଶାରୀରିକ ଏବଂ ମାନସିକ ନିର୍ଯାତନା ଦେଇଛନ୍ତି। ପୂଜା ବହୁତ ଦିନରୁ ଏହି ଅସୁବିଧା ସହି ଆସୁଥିଲା। ମୋର ସମ୍ପୂର୍ଣ୍ଣ ବିଶ୍ୱାସ ଯେ, ଏହି ୩ଜଣ ମିଶି ପୂଜାକୁ ମାରିଦେଇଛନ୍ତି ବୋଲି ମାଆ ଶାନ୍ତି ଥାନାରେ ଏତଲା ଦେଇଥିଲେ।

ଏହାପରେ ପୋଲିସ ଏତଲା ଆଧାରରେ ତଦନ୍ତ ଜାରି ରଖିଥିଲା। ପୋଲିସ ଯାଞ୍ଚ ପରେ ପାଇଥିଲା ଯେ, ପୂଜା ଜୀବନ ହାରିନାହାନ୍ତି, ତାଙ୍କୁ ହତ୍ୟା କରାଯାଇଛି।

ବ୍ୟବଚ୍ଛେଦ ରିପୋର୍ଟରେ ଜଣାପଡିଥିଲା ଯେ, ଏହା ଆତ୍ମହତ୍ୟା ନୁହେଁ ଏହା ହତ୍ୟାକାଣ୍ଡ ବୋଲି। ଜେରାରୁ ଜଣାପଡିଥିଲା ଯେ, ସନ୍ତୋଷ ଏବଂ ଶାନ୍ତିଙ୍କ ମଧ୍ୟରେ ଅଧିକ ଝଗଡ଼ା ହୋଇଥିଲା।

ଏହାପରେ ସନ୍ତୋଷର ଦୁଇ ପ୍ରେମିକା ଏବଂ ସନ୍ତୋଷ ନିଜେ ମିଶି ସ୍ତ୍ରୀ ପୂଜାକୁ ହତ୍ୟା କରିଥିଲେ। ଏହାପରେ ଏହାକୁ ଆତ୍ମହତ୍ୟାର ରୂପ ଦେବାକୁ ଫାଶିରେ ଝୁଲାଇବାକୁ ଚେଷ୍ଟା କରିଥିଲେ।